ކ. މާފުށި ކައިރިން ދެ ފަތުރުވެރިއަކު ކެނޯއެއްގައި އޮޔާ ދަނިކޮށް ސަލާމަތްކޮށްފި އެވެ.
އެ ދެ ފަތުރުވެރިން އޮޔާ ގޮސްފައި ވަނީ މާފުށި އިރު ދެކުނު ފަރާތުން ބޭރަށް ކެނޫގައި ފައިބައިގެން އުޅެނިކޮށެވެ.
ފުލުހުން ބުނި ގޮތުގައި އެ ދެ ފަތުރުވެރިން ސަލާމަތް ކުރީ އެ މީހުން އޮޔާ ދާ ކަމުގެ މައުލޫމާތު ލިބިގެން މާފުށީ ފުލުސް ސްޓޭޝަނުގެ ފުލުހުން ޑިންގީއެއްގައި ގޮސް ކަމަށެވެ.
އެ ދެ މީހުންގެ ހާލު ރަނގަޅު ކަމަށް ފުލުހުން ބުންޏެވެ.