އާންމުނާ މެދު، ހާލަތާ ނުބައްދަލު މިންވަރަށް ފުލުހުން ބާރު ބޭނުން ކުރާ މައްސަލަތައް ބައްލަވާނެ ކަމަށް އެކްޓިން ކޮމިޝަނަރު އޮފް ޕޮލިސް މުހައްމަދު ހަމީދު ވިދާޅުވެއްޖެ އެވެ.
ހަމީދު މިއަދު ކުރެއްވި ޓްވީޓެއްގައި ވިދާޅުވީ، ފުލުހުން ހާލަތާ ނުބައްދަލު މިންވަރަށް ބާރު ބޭނުން ކުރާ ވާހަކައަކީ މިހާރު އާންމުން އެ ވާހަކަ ދައްކާތާ ގިނަ ދުވަސްތަކެއް ވެފައިވާ ވާހަކައެއް ކަމަށެވެ.
އޭނާ ވިދާޅުވީ، ފުލުހުން ނުބައްދަލު ބާރުގެ ބޭނުންކޮށްގެން އާންމުންނާއި ކުރިމަތިލާފައިވާ ހުރިހާ މައްސަލައެއް ބަލަން ފުލުންގެ އިދާރާގެ ތެރޭގައި ކަނޑައަޅާފައި ހުންނަ ނިޒާމުތައް ބޭނުން ކުރައްވާނެ ކަމަށެވެ.
We will activate internal mechanisms to review every instance where a police officer uses force. Disproportionate use of force by police has been an issue often discussed in the public domain for many years now. We will take necessary steps to address this.
— Mohamed Hameed (@M_Hameedh) February 20, 2019
އޭނާ އެގޮތަށް ވިދާޅުވެފައިވާ އިރު، ކުރީގެ ރައީސް އަބުދުﷲ ޔާމީން މިއަދު އައިޖީއެމްއެޗަށް ގެންދިޔުމުން، އެތަނަށް އެއްވި އެމަނިކުފާނުގެ ސަޕޯޓަަރުންގެ ގަޔަށް ފުލުހުން ވަނީ ޕެޕާ ސްޕްރޭ ޖަހައިފަ އެވެ. އެކަމާ ގުޅިގެން ޕީޕީއެމް އަދި ޕީއެންސީގެ ބޭފުޅުން ވަނީ އެތަނުގައި ފުލުހުންނަށް ފާޑުކިޔައިފަ އެވެ.