އެޕަލްއިން މިއަހަރު އާ މެކްބުކް ޕްރޯއެއް ނެރެނީ

އެޕަލް އިން މިއަހަރު އާ މެކްބުކް ޕްރޯއެއް ނެރޭނެ ކަމަށް ރިޕޯޓުތައް ބުނެފިއެވެ.

އެޕަލްގެ އާ މެކްބުކް ޕްރޯ ގައި 16 އިންޗި ނޫނީ 16.7 އިންޗި ހުންނާނެ ކަމަށް ބެލެވެއެވެ. މިއީ އެޕަލް އިން ނެރުނު 17 އިންޗީގެ މެކްބުކް ބާޒާރަށް ނެރުން ހުއްޓާލިފަހުން ނެރޭ އެންމެ ބޮޑު މެކްބުކަށް ވާނެއެވެ.

މީގެ އިތުރުން 32 ޖީބީގެ ރެމް އަކާއެކު 15 އިންޗީގެ މެކްބުކްއެއް ވެސް މިއަހަރު އެޕަލް އިން ނެރޭނެކަމަށް ރިޕޯޓުތައް ބުނެއެވެ.

މީގެ އިތުރުން 32 އިންޗީގެ 6ކޭ މޮނީޓަރެއްވެސް އެޕަލްގެ މިއަހަރުގެ އުފެއްދުންތަކުގެ ތެރޭގައި ހިމެނޭނެ ކަމަށްވެއެވެ.