ފުލުހުންގެ ތަރުޖަމާނަކަށް ޗީފް އިންސްޕެކްޓާ އޮފް ޕޮލިސް އިޒްމިއާ ޒާހިރު މިއަދު ހަމަޖައްސައިފި އެވެ.
އިޒމިއާ އެ މަގާމަށް އައްޔަން ކުރެވުމާއެކު އެނާ ވެގެން ދަނީ ފުލުހުންގެ މުއަސަސާގެ ފުރަތަމަ އަންހެން ތަރުޖަމާނަށެވެ.
އިޒްމިއާ އެ މަގާމަށް ހަމަޖައްސަވާ އެކްޓިން ކޮމިޝަނާ އޮފް ޕޮލިސް މުހައްމަދު ހަމީދު (އެމްސީ ހަމީދު) މިއަދު ކުރެއްވި ޓްވީޓުގައި ވިދާޅުވީ، ފުލުހުންގެ މުއައްސަސާ އަށް ފުރަތަމަ އަންހެން ތަރުޖަމާނު ހަމަޖައްސާފައިވާ ކަމަށާއި ބޭނުމަކީ ކުރިއަށް ވުރެ ބޮޑަށް މީޑިއާ އާއި އާއްމުންނާ ވީހާ ވެސް ރަނގަޅު ގުޅުމެއް ބޭއްވުން ކަމަށެވެ.
MPS just appointed its first woman spokesperson. Chief Inspector of Police Izmia Zahir: a graduate of the Singapore National Police Academy and holds a Masters Degree in Peace and Conflict Studies. Our intent is to engage with media & the public in more positive ways. pic.twitter.com/N5hrfRY5j4
— Mohamed Hameed ???? (@M_Hameedh) December 19, 2018
އިޒްމީއާ ވަނީ ސިންގަޕޫރު ނޭޝަނަލް ޕޮލިސް އެކަޑެމީން ޑިގްރީ އަދި އޮސްޓްރޭލިއާގައި ޕީސް އެންޑް ކޮންފްލިކްޓް ސްޓަޑީޒް އިން މާސްޓާސް ޑިގްރީ ހާސިލްކުރައްވައިފަ އެވެ.
ފުލުހުންގެ ތަރުޖަމާނަކަށް މީގެ ކުރިން ހުންނެވީ ޗީފް ސުޕްރިޓެންޑެންޓް އޮފް ޕޮލިސް އަހުމަދު ޝިފާނެވެ.