ޅ. އަތޮޅުގައި ހިންގަމުން އަންނަ ކުރެއްދޫ އައިލެންޑް ރިސޯޓުގެ ގިފްޓް ޝޮޕުގެ ގުދަނުގައި އަލިފާނުގެ ހާދިސާއެއް ހިނގައިފި އެވެ.
އެމްއެންޑީއެފް އިން ބުނީ އެ ރިސޯޓްގެ ގިފްޓް ޝޮޕްގައި އަލިފާން ރޯވި ކަމުގެ މަޢުލޫމާތު ލިބުނީ ރޭ ދަންވަރު 12:48ގައި ކަމަށެވެ.
އެ ހާދިސާގައި އެއްވެސް މީހަކަށް ގެއްލުމެއް ނުލިބެ އެވެ.
އެ ހާދިސާގައި ރޯވި އަލިފާން އެއްކޮށް ނިއްވާލާފައި ވަނީ ފަތިހު 04:00 ހާއިރު އެވެ.
އަލިފާންގަނޑު އެއްކޮށް ކޮންޓްރޯލް ކުރެވުނު އިރު، އަލިފާން ރޯވި ގުދަނާއި ގުދަނުގައި ހުރި މުދަލަށް ވަރަށް ބޮޑެތި ގެއްލުންތަކެއް ލިބިފައިވާ ކަމަށް އެމްއެންޑީއެފް އިން ބުންޏެވެ.