ޖަޕާނު ސަރުކާރުން ރާއްޖެއަށް 41 މިލިއަން ރުފިޔާގެ ހިލޭ އެހީ ދިނުމުގެ އެއްބަސްވުމެއްގައި މިއަދު ސޮއި ކޮށްފި އެވެ.
މިއަދު ފޮރިން މިނިސްޓްރީގައި ބޭއްވި ބައްދަލުވުމެއްގައި އެ އެބަސްވުމުގައި ރާއްޖޭގެ ފަރާތުން ސޮއި ކުރެއްވީ ފޮރިން މިނިސްޓަރު އަބްދުﷲ ޝާހިދު އެވެ. އަދި ޖަޕާނު ސަރުކާރުގެ ފަރާތުން އެއްބަސްވުމުގައި ސޮއިކުރެއްވީ އެ ގައުމުން ރާއްޖެއަށް ކަނޑައަޅާފައި ހުންނަވާ ސަފީރު ކަޒޫމީ އެންޑޯ އެވެ.
މިއަދުގެ ރަސްމިއްޔާތުގައި، އެއް ދުވަހުގެ ދަތުރުފުޅަކަށް ރާއްޖެ ވަޑައިގެން އުޅުއްވާ، ޖަޕާނުގެ ބޮޑުވަޒީރު ޝިންޒޯ އާބޭގެ ހާއްސަ މުސްތަޝާރު ކެންޓާރޯ ސަނޫރާ ވެސް ބައިވެރިވެވަޑައިގެންނެވި އެވެ.
ޖަޕާނުން ރާއްޖެއަށް 41 މިލިއަން ރުފިޔާގެ ހިލޭ އެހީ ދޭން ނިންމާފައި ވަނީ، ރާއްޖޭގެ އިގްތިސޯދީ އަދި އިޖްތިމާއީ ތަރައްގީއަަށް ބޭނުން ކުރުމަށް ކަމަށް ފޮރިން މިނިސްޓްރީން ބުނެ އެވެ. އަދި އެ ފައިސާ ބޭނުން ކުރާނީ ތިމާވެށި ހިމާޔަތް ކުރުމުގެ ގޮތުން، ކަނޑަށް ތެޔޮ އެޅުން ހުއްޓުވުމުމުގެ މަސައްކަތްތަކަށް ކަމަށް އެ މިނިސްޓްރީން ބުނެ އެވެ.
#Maldives and #Japan signs the Exchange of Notes for Japan’s grant assistance of 300 million Japanese Yen, towards strengthenin oil spill prevention and response, to reduce harmful environmental impact of oil spills in Maldives. pic.twitter.com/HpVW43vjFp
— MFA Maldives (@MDVForeign) December 4, 2018
މިއަދު މިނިސްޓަރު ޝާހިދު އާއި ކެންޓާރޯ ސަނޫރާ ވަނީ ބައްދަލު ކުރައްވައި ދެ ގައުމުގެ ގުޅުން އިތުރަށް ހަރުދަނާ ކުރެވޭނެ ގޮތްތަކާ ގުޅޭ ގޮތުން މަޝްވަރާ ކުރައްވައިފަ އެވެ.