ޕާ ރަންޖީތް ޑައިރެކްޓްކޮށް އުފައްދާ ފިލްމު "ކާލާ"ގެ ބަތަލާއަކަށް ބޮލީވުޑްގެ ތަރި ހުމާ ގުރައިޝީ ހަމަޖައްސައިފިއެވެ.
ބޮލީވުޑްގެ ކްރިޓީކް ތަރަން އާދަޝް ކުރި ޓްވީޓެއްގައި އެކަން ވަނީ ކަށަވަރުކޮށްދީފައެވެ. ހުމާ އާ އެކީ ފިލްމުން ފެނިގެންދާނެ ބައެއް ތަރިންނަކީ ޕަންކަޖް ޓްރިޕަތީ، އީޝްވާރީ އަދި ނެހާ ޕަޓޭކަރް އެވެ.
Huma Qureshi... Presenting the new poster of #Kaala #KingOfDharavi [Hindi]... Stars Rajinikanth and Nana Patekar... 7 June 2018 release... Produced by Dhanush... Directed by Pa. Ranjith. pic.twitter.com/HnaK6cpwIX
— taran adarsh (@taran_adarsh) May 24, 2018
ފިލްމުގެ ޕޯސްޓަރު މިހާރު އާންމުކޮށްފައިވާއިރު ހުމާ އެ ފިލްމުގައި ފެނިގެންދާނީ 45 އަހަރުގެ ޒަރީނާ ކިޔާ އަންހެން މީހެއްގެ ރޯލުންނެވެ. ބޭރުގެ މީޑިއާތަކަށް ހުމާ ދިން އިންޓަވިއުއެއްގައި ބުނީ "ކާލާ" މި ފިލްމަށް ކެނޑިނޭޅި އިންތިޒާރުކުރަމުންދާ ކަމަށާއި، ހުމާ ކޮށްފައިވާ މަސައްކަތް ބެލުންތެރިން ބަލައިގަންނާނެ ކަމަށް އުންމީދުކުރާކަމަށެވެ.
"ކާލާ" ރިލީޒްކުރުން އެކި ފަހަރުގެ މަތިން ވަނީ ފަސްކޮށްފައެވެ. ކުރިން އެ ފިލްމު އޭޕްރިލް 27 ވަނަ ދުވަހު ރިލީޒްކުރަން ހަމަޖެހުނު ނަމަވެސް ދިމާވި ބައެއް ސަބަބުތަކަކާ ހުރެ އެ ފިލްމު ވަނީ ފަސްކޮށްފައެވެ.
"ކާލާ" ސްކްރީނަށް އަންނާނީ އަންނަ ޖޫން މަހުގެ ހަތް ވަނަ ދުވަހުއެވެ.