ހުޅުމާލޭ ފަތާ ޓްރެކްގައި މޫދަށް އެރިއުޅެނިކޮށް ގެނބިގެން ހާލު ސީރިއަސްވި ދިވެއްސަކު މަރުވެއްޖެއެވެ.
އެ ހާދިސާގައި މަރުވީ ދ. މީދޫ، ބީޗްހައުސް، އުމުރުން 21 އަހަރުގެ ހުސައިން ރިޔާދެއެވެ.
އޭނާ ޓްރީޓޮޕް ހޮސްޕިޓަލަށް ގެންދިޔައީ މިއަދު އިރުއޮއްސި 6:30 އެހައިކަންހާއިރުއެވެ. ގެންދިޔައިރުވެސް އޭނާ ވަނީ މަރުވެފައެވެ.
"ސަން" އަށް އެނގިފައިވާގޮތުގައި 15 ވަރަކަށް މިނިޓް ވަންދެން ރިޔާދު ގެނބިފައި އޮތެވެ.
ރިޔާދު ހޮސްޕިޓަލަށް ގެންދިޔައީ 20 ވަރަކަށް މިނިޓް ވަންދެން ފެނުމަތީގައި އޮއްވައި މީހަކަށް ފެނިގެން ޝައްކު ކުރެވިގެންނެވެ.