މޯލްޑިވިއަން އައިޑަލްގެ ތިންވަނަ ސީޒަންގެ ގަދަ ފަހެއް ރޭ ވަނީ ކަށަވަރުވެފައެވެ.
ގަދަ ފަހެއްގެ ޖާގައެއް ނުލިބި ޝޯ އާ އަލްވަދާއު ކިޔަން ޖެހުނީ އައްޑޫ ސިޓީ އޮޑިޝަނުން މުބާރާތުގައި ބައިވެރިވި ހަސަން ޝަހުދާން އަށެވެ. އޭނާއަށް ވަނީ ޕިއާނޯ ރައުންޑުގެ ސޯލޯ ޕާފޯމަންސްގައި ގޯލްޑަން މައިކް ވެސް ލިބިފައެވެ.
Great things take time! We are so sorry guys, We’ll be a little bit late.. Tune in at 23:00hrs for #MaldivianIdol pic.twitter.com/MMbLaOmlW0
— Maldivian Idol (@Maldivian_Idol) April 21, 2018
ރޭގެ ޝޯ ހާއްސަ ކޮށްފައިވަނީ "ޓްރިބިއުޓް" މި ތީމް އަށެވެ. ރާއްޖޭގެ ބައެއް ލަވަ ކިޔުންތެރިންނާއެކު ގަދަ ހައެއްގެ ބައިވެރިން ރޭ ހުށަހަޅާދީފައިވަނީ ކުރީގެ ދިވެހި ލެޖެންޑުންގެ ލަވަތަކެވެ.
Such an honor to have Akram Sir with us as our guest judge #MaldivianIdol pic.twitter.com/2fsLFTgtk0
— Maldivian Idol (@Maldivian_Idol) April 21, 2018
ރޭގެ ޝޯގައި ގެސްޓް ޖަޖެއްގެ ގޮތުގައި ބައިވެރިވެލެއްވީ އެމްއެންޑީއެފްގެ ބޭފުޅެއް ކަމަށްވާ އަކްރަމް އެވެ. ސިފައިންގެ އަހަރީ ދުވަހާ ގުޅުވައިގެން އެމްއެންޑީ އެފް ބޭންޑުގެ ހާއްސަ ޕާފޯމަންސް ތަކެއްވެސް ރޭ ފެނިގެން ދިޔައެވެ.
އަންނަ ހަފްތާގެ ހުކުރު ދުވަހު ބައިވެރިން ކިޔާނީ ފޭނުންގެ ފަރާތުން ބައިވެރިން ކިޔަން ހުށަހެޅި ލަވަތަކެވެ. "ފޭންސް ޗޮއިސް" އަށް ފަހު ހޮނިހިރު ދުވަހުގެރޭ ދެ ބައިވެރިއަކު ޝޯ އާ އަލްވަދާއު ކިޔައި ޓޮޕް ތިނެއް ކަށަވަރު ވާނެއެވެ.