ކުއްލި ނުރައްކަލުގެ ހާލަތު 30 ދުވަހަށް އިތުރުކުރުމަށް ހުށަހަޅުއްވައިފި

https://sun.mv/101571

https://sun.mv/101572

ކުއްލި ނުރައްކަލުގެ ހާލަތު ބަޔާންކޮށް ރައީސުލްޖުމްހޫރިއްޔާ މަޖިލީހަށް ފޮނުއްވި މައްސަލަ މަޖިލީހުގެ ގައުމީ ސަލާމަތީ ކޮމެޓީގެ އަގުލަބިއްޔަތުން ފާސްކޮށްފި

ޕީޕީއެމްއިން ބާއްވާ ނޫސްވެރިންގެ ބައްދަލުވުމެއް ފަށައިގެން ކުރިޔަށް އެބަދޭ.

ކުއްލި ނުރައްކަލުގެ ހާލަތުގެ ގަރާރު ފާސްކުރާއިރު ނުވަތަ ބަަދަލެއް ގެނެސް މުއްދަތު އިތުރުކޮށް މަޖިލީހުން ފާސްކުރާއިރު 43 މެމްބަރުން މަޖިލީހުގައި ހާޒިރުވެ ތިބެންޖެހޭނެކަން ގަބޫލުކުރައްވާ ކަމަށް ނިހާން ވިދާޅުވި

މަޖިލީހުގެ މެޖޯރިޓީ ލީޑަރު އަދި ވިލިމާލޭ ދާއިރާގެ މެމްބަރު އަހުމަދު ނިހާން ހުސައިން މަނިކު 'ސަން' އަށް ވިދާޅުވީ މިއަދު މަޖިލީހުން ބޭއްވީ އާންމުކޮށް މަޖިލީހަށް ހުށަހަޅާ ކަމެއް ބަލައިގަތުމަށް ބާއްވާ ޖަލްސާއެއް ކަމަށް. އަދި އެއީ ގާނޫނުއަސާސީގެ 87 ވަނަ މާއްދާގެ (ށ) ގައި ބުނާ ފަދަ ނިންމުމެއް ނިންމަން ބޭއްވި ޖަލްސާއެއް ނޫން ކަމަށް.

ގައުމީ ސަލާމަތު ކޮމިޓީ ބައްދަލުވުން ފަށައިފި. ކޮމިޓީ ކުރިޔަށް ދަނީ ސިއްރުކޮށްގެން.

އިދިކޮޅު މެމްބަރުން ވިދާޅުވަމުން ދަނީ މިއަދުގެ ޖަލްސާއަށް ނުދިޔައީ ގާނޫނާ ޚިލާފަށް ކުރާ ކަމަކަށް ގާނޫނީ ހައިސިއްޔަތު ދޭން ބޭނުން ނުވާތީ ކަމަށް. އަދި ގޮނޑި ގެއްލިފައިވާ ކަމަށް ކަނޑައަޅާފައިވާ 12 މެމްބަރުން މަޖިލީހަށް ނުވައްދަން މަސައްކަތްކުރި ހުރިހާ ފަރާތަކުން ތިބީ ގާނޫނާ ޚިލާފުވެފައި ކަމަށް.

އިދިކޮޅު ފަރާތްތަކުން މިވަގުތު ދަނީ ނޫސްވެރިންގެ ބައްދަލުވުމެއް ބާއްވަމުން.

ގައުމީ ސަލާމަތު ކޮމިޓީގެ ބައްދަލުވުން 2:00 އަށް ތާވަލުކޮށްފި.

ކޮމިޓީއަށް ހުށަހަޅާފައިވަނީ ކުއްލި ނުރައްކަލުގެ ހާލަތު 30 ދުވަހުގެ މުއްދަތަށް އިތުރުކުރުމުގެ މައްސަލަ.

މެމްބަރު ނިހާން ހުށަހެޅުއްވި ކުއްލި ނުރައްކަލުގެ ހާލަތު 30 ދުވަހުގެ މުއްދަތަށް އިތުރުކުރުމުގެ މައްސަލަ ގައުމީ ސަލާމަތުގެ ކޮމިޓީއަށް ފޮނުވުމަށް މަޖިލީހަށް ހާޒިރުވެ ތިބި 38 މެމްބަރުންގެ އިއްތިފާގުން ފާސްކޮށްފި

ބަހުސްގެ މަރުހަލާ ނިމުނުކަން މަޖިލީހުން ނައިބު ރައީސް މޫސާ މަނިކު އިއުލާނުކުރައްވައިފި

ކުއްލު ނުރައްކަލުގެ ހާލަތު 30 ދުވަހުގެ މުއްދަތަށް އިތުރުކުރަން ހުށަހެޅި ހުށަހެޅުން ގައުމީ ސަލާމަތުގެ ކޮމިޓީއަށް ފޮނުވަން ނިހާން ވަނީ ހުށަހަޅުއްވާފައި. އަދި އެ ހުށަހެޅުއްވުމަށް ކެލާ ދާއިރާގެ މެމްބަރު އަލީ އާރިފު ވާނީ ތާއީދު ކުރައްވާފައި.

https://sun.mv/101562

ކުއްލި ނުރައްކަލުގެ ހާލަތު 30 ދުވަހަށް އިތުރުކުރުމަށް ހުށަހެޅުއްވީ ހާލަތަށް ހެޔޮ ބަދަލެއް އައިސްފައި ނުވާތީކަމަށް ރައްޔިތުންގެ މަޖިލީހަށް އެމަނިކުފާނު ފޮނުއްވި ސިޓީގައިވޭ.

މިއަދު ވޯޓުގައި ބައިވެރިނުވާ ކޮންމެ މެމްބަރަކީ ގައުމަށް ގައްދާރުވި މީހެއް ކަމަށް ރިފާއު ވިދާޅުވި. އަދި ގައުމަށްޓަކައި ޕީޕީއެމް އެމްޑީއޭގެ މަޖިލިސް މެމްބަރުން ނުކުންނާނެކަން ފެނިގެންދާނެ ކަމަށް ވިދާޅުވި

ކުއްލި ނުރައްކަލުގެ މުއްދަތު 30 ދުވަހުގެ މުއްދަތަށް އިތުރު ކުރަން މަޖިލީހަށް ހުށަހަޅައިފި

އިދިކޮޅު މެމްބަރުން މަޖިލީހުގެ ޖަލްސާ ބޮއިކޮޓް ކޮށްފި

އިދިކޮޅު މަޖިލިސް މެމްބަރުން ޖަލްސާ ބޮއިކޮޓް ކުރަން ނިންމާފައިވާކަމަށް މަޖިލީހުގެ ގަލޮޅު ދެކުނު ދާއިރާގެ މެމްބަރު އަހުމަދު މަހުލޫފު ވިދާޅުވެއްޖެ.

މަހުލޫފު ވިދާޅުވީ ބޮއިކޮޓް ކުރަން ނިންމީ އެއީ ގާނޫނާއަސާސީއާ ހިލާފަށް ބާއްވާ ޖަލްސާއަކަށް ވަތީ ކަމަށް.

ރައްޔިތުން އަމަލުކުރަން ކުރަން ޖެހޭ ކަމެއް މަޖިލީހުން ނިންމާއިރު 43 މެމްބަރުން މަޖިލީހަށް ހާޒިރުވެ ތިބެން ޖެހޭނެ ކަމަށް ގާނޫނުއަސާސީގައި ބުނެފައިވާ ކަމަށް މަހުލޫފު ވިދާޅުވި.

މަޖިލީިހުގެ އަމީން އާންމުގެ ނައިބު މިވަގުތު ދަނީ ކުއްލި ނުރައްކަލުގެ ހާލަތުގެ ގަރާރު މަޖިލީހަށް ހުށަހަޅުއްވަނީ.

އިދިކޮޅު މެމްބަރުން މިއަދުގެ ޖަލްސާއަށް މަޖިލީހަށް ހާޒިރުވި ނަމަވެސް އަދި ޗަމްބަރު ތެރެއަށް ވަދެވަޑައެއް ނުގަންނަވާ

މަޖިލީހުގެ ޖަލްސާގައި މިވަގުތު ހާޒިރުވެ ތިބީ 39 މެމްބަރުން

މަޖިލީހުގެ ޖަލްސާ ފަށައިފި.

https://sun.mv/101559

މަޖިލީހުގެ އިދާރާ ހިމެނޭ ހުރިހާ މަގެއް ވަނީ ބަންދުކޮށް، އެސަރަހައްދުގެ ސެކުއިރިޓީ ވަރަށް ބޮޑަށް ވަރުގަދަކޮށްފައި

އިންޑިއާއިން ރާއްޖެއަށް ސިފައިންނެއް ނުފޮނުވާނެ: އެމްއެންޑީއެފް

އިންޑީއާއިން ރާއްޖެއަށް ސިފައިން ނުފޮނުވާނޭ ކަމުގެ ޔަގީންކަން ލިބިފައިވާ ކަމަށް މިނިސްޓްރީ އޮފް ޑިފެންސް އެންޑް ނޭޝަނަލް ސެކިއުރިޓީން ބުނެފި.

ޑިފެންސުން ނެރުނު ބަޔާނެއްގައި ބުނެފައި ވަނީ، ދިވެހިރާއްޖެއާ އިންޑިއާ އަކީ، ޒަމާނުއްސުރެ ވަރަށް ބަދަހި ގުޅުމެއް ގާއިމުކުރެވިފައިވާ އަދި މިހާރުވެސް އެ ގުޅުން ދަމަހައްޓަމުންދާ ދެ ގައުމަށް ވާތީވެ، އިންޑިއާއިން ސިފައިން ރާއްޖެއަށް ނުފޮނުވާނޭ ކަމުގެ ފުރިހަމަ ޔަގީންކަން ދިވެހި ސަރުކާރަށް ލިބިފައިވާ ކަމަށެވެ. އަދި މިފަދަ ވާހަކަތަކަކީ، އިންޑިއާއާއި ދިވެހިރާއްޖެއާ ދެމެދު އޮންނަ ޒަމާންވީ ގުޅުމާ މެދު ސުވާލުއުފެއްދުމުގެ ނިޔަތުގައި ދައްކާ ވާހަކަތަކަކަށް ވުމާއެކު އެފަދަ ވާހަކަތައް ނުދެއްކުމަށް އިލްތިމާސް ކުރާ ކަމަށެވެ.

ސަރުކާރު ވައްޓާލަން އުޅުނު މައްސަލާގައި 13 މީހަކު ހައްޔަރުކޮށްފައިވާ ކަމަށް މޯލްޑިވްސް ޕޮލިސް ސާވިސް އިން ބުނެފި

ފުލުހުން ބާއްވާ ނިއުސް ކޮންފަރެންސެއް ކުޑަ ވަގުތުކޮޅެއްގެ ތެރޭގައި ފެށޭނެ

މިހާރު ކުރިއަށްދާ ތަހުގީގުތަކާ ގުޅޭގޮތުން މީޑިއާތަކަށް މައުލޫމާތު ދިނުމަށް މިއަދު 3:45ގައި އިސްކަންދަރު ކޮށީގައި ޕްރެސް ކޮންފަރެންސެއް ބާއްވަނީ.

https://sun.mv/101285

ކުއްލި ނުރައްކަލުގެ ހާލަތު އިއުލާނު ކުރުމާ ގުޅިގެން ފުލުހުން ބަންދުކޮށްފައި ތިބޭ މީހުންނާއި އެ މީހުންގެ ވަކީލުންނާ ބައްދަލު ކުރަން ލިބޭނީ ދުވާލަކު 30 މިނިޓް ކަމަށް ފުލުހުން ބުނެފި.

• ވަކީލުންނާ ބައްދަލުވުން ލިބެނީ ތަހުގީގު ސުވާލު ނުކުރާ ދުވަސްތަކުގައި.
• ވަކީލުންނާ ބައްދަލު ނުވާ ކަމަށް ބުނެ ދައްކަނީ ދޮގު ވާހަކަ: ފުލުހުން.
• އާންމުކޮށް ވަކީލު ބައްދަލުވުމަށް ދެ ގަޑިއިރު ދޭ.

https://sun.mv/101281

އިންޑިއާ އިން ރާއްޖޭގެ ހާލަތާ މެދު ކަންބޮޑުވާ ނަމަވެސް، ޗައިނާއިން ރާއްޖޭގައި ތަރައްގީގެ މަޝްރޫއުތައް ހިންގަން ޝައުގުވެރިވާ ކަމަށާއި އެކަމަށް ވެސް ފުރުސަތު ދޭން ޖެހޭ ކަމަށް ފިޝަރީޒް މިނިސްޓަރު ޑރ. މުހައްމަދު ޝައިނީ ވިދާޅުވެއްޖެ.

https://sun.mv/101279

ސަރުކާރު ވައްޓާލަން އުޅުނު ކަމުގެ ތުހުމަތުގައި ހައްޔަރު ކުރި ސްރީލަންކާގެ ޕޮނިއާ ސުދާގަރަށް ވަކީލެއްގެ ފުރުސަތު ނުދޭ ކަމަށް ބުނެ މައްސަލާގައި ސްރީލަންކާގެ ބައިވެރި ވުމަށް ވަކީލުން އެދެފި.

https://sun.mv/101277

ސަރުކާރުން އިސްތިއުފާ ދޭން ތައްޔާރަށް ހުންނެވި ކަމުގެ އިޝާރާތެއް ކުރައްވައި، ހެލްތު މިނިސްޓްރީގެ ސްޓޭޓް މިނިސްޓަރު ދުންޔާ މައުމޫން ޗުއްޓީއަށް ވަޑައިގެންފި.

https://sun.mv/101280

ރާއްޖޭގެ ހާލަތު ހަލަބޮލިވެފައިވާ ދަނޑިވަޅެއްގައި އިންޑިއާއިން ރާއްޖެއަށް ސިފައިން ފޮނުވަން ނިންމައިފި ނަމަ ޗައިނާއިން އެކަން ހުއްޓުވާނެ ކަމަށް އެގައުމުން ބުނެފި.

ރާއްޖޭގެ އަމާންވެށި މިގޮތުގައި ދެމެހެއްޓުމަށް ފުލުހުންނާއިއެކު މަސައްކަތް ކުރަމުން އަންނަ ކަމަށް މޯލްޑިވްސް ނޭޝަނަލް ޑިފެންސް ފޯސް އިން ބުނެފި

ގައުމުގެ އަމަންއަމާންކަން ނަގާލައި ގައުމު ހަލަބޮލި ކުރުމަށް ކުރާ ކަންކަން ފުލުހުން ބަލައެއް ނުގަންނާނެ ކަމަށާއި އެފަދަ ކަންކަން ނުކުރުމަށް އިލްތިމާސްކުރާ ކަމަށް މޯލްޑިވްސް ޕޮލިސް ސާވިސް އިން ބުނެފި

މި މަހުގެ 19 ވަނަ ދުވަހު ސަލާމަތީ ބާރުތަކާއި ކުރިމަތިލައި ގައުމު ހަލަބޮލި ކުރަން ރާވާފައިވާ ކަމުގެ މައުލޫމާތު ފުލުހުންގެ އިންޓެލިޖަންސަށް ލިބިފައިވާ ކަމަށް މޯލްޑިވްސް ޕޮލިސް ސާވިސް އިން ބުނެފި

މި މަހުގެ 16 ވަނަ ދުވަހު މާލޭގައި އެއްވުމެއް ބާއްވަން ނިންމާފައިވާތީ އެކަން ކުއްވެރިކުރާ ކަމަށް ސަލާމަތީ ބާރުތަކުން ބުނެފި

ރޭ އައްޑޫސިޓީގެ ދެ ގެއަކާ ތަނެއް ރޯކޮށްލާފައިވަނީ ހަމަނުޖެހުން ނަގާލައި ހަލަބޮލި ކުރުމަށް ކަމަށާއި އެ މައްސަލަ ސީރިއަސް މައްސަލައެއް ގޮތުގައި ބަލަމުންދާ ކަމަށް މޯލްޑިވްސް ޕޮލިސް ސާވިސް އިން ބުނެފި

https://sun.mv/101221

ބޮޑެތި ތުހުމަތުތަކެއްގައި ހައްޔަރުކޮށްފައިވާ ކުރީގެ ރައީސް އަދި ބައްޕާފުޅު މައުމޫން އަބްދުލްގައްޔޫމް މިނިވަންކުރުމަށް ފުރަތަމަ ފަހަރަށް ދުންޔާ މައުމޫން ގޮވާލައްވައިފި.

https://sun.mv/101212

ކުރީގެ ރައީސް މައުމޫން އަބްދުލްގައްޔޫމްގެ އޮފީހުގެ މުވައްޒަފެއް ކަމަށްވާ ނަޖުމާ އިބްރާހީމްގެ ގެއިން ފެނުނު ކަޅު ފޮއްޓެއްގެ ތެރެއިން ފަނޑިޔާރުންނަށް ނުފޫޒު ފޯރުވުމަށް، އަހުމަދު ފާރިސް މައުމޫން މަސައްކަތް ކޮށްފައިވާކަމުގެ ކިތާބީ ހެކި ލިބިފައިވާ ކަމަށް ފުލުހުން ބުނެފި.

އަހުމަދު ފާރިސް މައުމޫން ފަނޑިޔާރުންގެ މަސައްކަތަށް ނުފޫޒު ފޯރުވި ކަމުގެ ޑޮކިއުމެންޓްރީ އެވިޑެންސް ލިބިފައިވާ ކަމަށް މޯލްޑިވްސް ޕޮލިސް ސާވިސް އިން ބުނެފި

ފަނޑިޔާރު އަލީ ހަމީދު މުހައްމަދު ރިޝްވަތުގެ ފައިސާ ބޭނުންކޮށްގެން ފްލެޓެއް ގަނެފައިވާ ކަމުގެ މައުލޫމާތު ތަހުގީގަށް ލިބިފައިވާ ކަމަށް މޯލްޑިވްސް ޕޮލިސް ސާވިސް އިން ބުނެފި

ރައްޔިތުންގެ މަޖިލީހުގެ ދަނގެތީ ދާއިރާގެ މެމްބަރު އިލްހާމް އަހުމަދު ހޯދަމުން ދަނީ ސަރުކާރު ވައްޓާލަން އުޅުނުކަމުގެ ތުހުމަތުގައި ކަމަށް މޯލްޑިވްސް ޕޮލިސް ސާވިސް އިން ބުނެފި

ސަރުކާރު ވައްޓާލަން އުޅުނު މައްސަލައާ ގުޅޭ އެއްވެސް މައުލޫމާތެއް ލިބިފައިވާނަމަ އެ މައުލޫމާތެއް ފުލުހުންނަށް ހިއްސާކޮށްދިނުމަށް މޯލްޑިވްސް ޕޮލިސް ސާވިސް އެދެފި

ފަނޑިޔާރު އަލީ ހަމީދު މުހައްމަދުގެ އާއިލާ އަށް ތަފާތު އެކި ފަހަރުމަތިން ރައީސް މައުމޫން ވަނީ އެހީތެރިކަން ފޯރުކޮށްދީފައި ކަމަށް މޯލްޑިވްސް ޕޮލިސް ސާވިސް އިން ބުނެފި

ފަނޑިޔާރުންނަށް ރިޝްވަތުދީ ނުފޫޒު ފޯރުވި މައްސަލައިގެ ކިތާބީ ހެކި ވަނީ ލިބިފައި ކަމަށް މޯލްޑިވްސް ޕޮލިސް ސާވިސް އިން ބުނެފި

ގާސިމްގެ ދަރިކަލުން ހައްޔަރުކުރީ ސަރުކާރު ވައްޓާލަން އުޅުނު ކަމުގެ ތުހުމަތުގައި ކަމަށް މޯލްޑިވްސް ޕޮލިސް ސާވިސް އިން ވަނީ ބުނެފި

ފުލުހުން ބާއްވާ ޚާއްސަ ނޫސްވެރިންގެ ބައްދަލުވުމެއް ފަށައިފި

https://sun.mv/101200

ޑިޕާޓްމަންޓް އޮފް ޖުޑިޝަލް އެޑްމިނިސްޓްރޭޝަން (ޑީޖޭއޭ)ގެ ތަރުޖަމާނު ފައިސަލް އާދަމް ފުލުހުންގެ ބެލުމުގެ ދަށަށް ގެންގޮސްފި

https://sun.mv/101198

ވެރިކަމުގެ ދަހިވެތިކަމުގައި ގައުމުގެ އުސޫލާއި ހަމަތަށް ނައްތާލުމަށް ކުރާ މަސައްކަތާ ދެކޮޅަށް ސާބިތުކަން މަތީ ހުންނަވައި، ރައީސުލްޖުމްހޫރިއްޔާ އަބްދުﷲ ޔާމީން އަބްދުލްގައްޔޫމް، 2018 ވަނަ އަހަރުގެ ރިޔާސީ އިންތިހާބު ކާމިޔާބު ކުރައްވާނެކަމަށް އިސްލާމިކް މިނިސްޓަރު ޑރ. އަހްމަދު ޒިޔާދު ބާގިރު ވިދާޅުވެއްޖެ.

https://sun.mv/101197

އިއްޔެ ޒުވާނުން ބޭއްވި މުޒާހަރާގެ ތެރެއިން ހައްޔަރު ކުރި ދެ ކައުންސިލަރުން ފަސް ދުވަހަށް ޖަލު ބަންދު ކުރަން އަމުރުކޮށް ދެން ތިބި މީހުން ގޭ ބަންދަށް ލާން ކްރިމިނަލް ކޯޓުން މިއަދު އަމުރު ކޮށްފި.

https://sun.mv/101194

ބޭރު ގައުމެއްގެ ސިފައިން ރާއްޖެ އެރުމަށް ދިވެއްސަކު ތާއީދު ކުރުމަކީ އަމިއްލަ މެއަށް ވަޅި ހެރުން ކަހަލަ ކަމެއް ކަމަށް ރައްޔިތުންގެ މަޖިލީހުގެ ނައިބު ރައީސް އަދި ހުޅުހެންވޭރު ދާއިރާގެ މެންބަރު ރީކޯ މޫސާ މަނިކު ވިދާޅުވެއްޖެ.

https://sun.mv/101195

ފުލުހުންގެ ޗީފް ސުޕްރިޓެންޑެންޓުގެ މަގާމުގައި މިހާތަނަށް ހުންނެވި ހަމްދޫން ރަޝީދު، އެސިސްޓަންޓް ކޮމިޝަނަރު އޮފް ޕޮލިސް (އޭސީޕީ)ގެ މަގާމަށް މިއަދު ހަމަޖައްސަވާފައިވާ ކަން "ސަން" އަށް އެނގިއްޖެ.

https://sun.mv/101189

ސުޕްރީމް ކޯޓަށާއި ޑިޕާޓްމަންޓް އޮފް ޖުޑިޝަލް އެޑްމިނިސްޓްރޭޝަނަށް ފޮނުވާ ސިޓީ ފަނޑިޔާރު އަބްދުﷲ އަރީފަށް އެޑްރެސް ކުރަން އަންގައި ސުޕްރީމް ކޯޓުން ސާކިއުލާއެއް ނެރެފި.

https://sun.mv/101187

ސަސްޕެންޑް ކޮށްފައިވާ ގާނޫނީ ވަކީލު ނާޒިލު އަފީފުގެ ސަސްޕެންޝަން އުވާލައި ޖުޑިޝަލް އެޑްމިނިސްޓްރޭޝަނުން އެކަން އަންގައިފި .

https://sun.mv/101183

ރައީސުލްޖުމްހޫރިއްޔާ އަބްދުﷲ ޔާމީން އަބްދުލް ގައްޔޫމް ވެރިކަމުން ދުރުކުރަން ގޮވާލި މައްސަލާގައި ރައްޔިތުންގެ މަޖިލީހުގެ ތިމަރަފުށީ ދާއިރާގެ މެމްބަރު މުހައްމަދު މުސްތަފާ ފުލުސް އޮފީހަށް ހާޒިރުވުމަށް ހަތަރު ވަނަ ފަހަރަށް ޗިޓް ފޮނުވައިފި.

https://sun.mv/101185

ރައްޔިތުންގެ މަޖިލީހުގެ ދަނގެތީ ދާއިރާގެ މެމްބަރު އިލްހާމް އަހުމަދުގެ އަނބިކަނބަލުން އައިމިނަތު މާޝާ ހަސަން ހައްޔަރުކޮށްފި.

https://sun.mv/101176

ފުލުހުން ތަހްގީގު ކުރަމުން އަންނަ މައްސަލައަކާ ގުޅިގެން މިދިޔަ ހުކުރު ދުވަހު، ހޯދަން އިއުލާންކޮށްފައިވާ، ދަނގެތީ ދާއިރާގެ މެމްބަރު އަހްމަދު އިލްހާމް އަހްމަދު އަދި ވެސް ނުފެންނަ ކަމަށް ފުލުހުން ބުނެފި.

https://sun.mv/101180

ސަރުކާރު ވައްޓާލުމަށް މަސައްކަތްކުރެވި ކަމުގެ ތުހުމަތުގައި ތަހުގީގަށް ހައްޔަރުކޮށްފައިވާ ކުރީގެ ރައީސް މައުމޫން އަބްދުލްޤައްޔޫމްގެ ވަކީލުންނަށް، މިދިޔަ ހުކުރު ދުވަހުން ފެށިގެން އެމަނިކުފާނާ ބައްދަލު ނުކުރެއްވޭ ކަމަށް ބުނެ ކަންބޮޑުވުން ފާޅުކުރުމާ ގުޅިގެން، ރައީސް މައުމޫނުގެ ވަކީލުންނަށް އެމަނިކުފާނާ ބައްދަލުކުރެއްވުމުގެ ފުރުސަތު މޯލްޑިވްސް ކަރެކްޝަނަލް ސަރވިސް އިން ދީފި.

https://sun.mv/101169

ސުޕްރީމް ކޯޓުގެ ތެރެއިން ރައީސުލްޖުމްހޫރިއްޔާ އަބްދުﷲ ޔާމީން އަބްދުލްގައްޔޫމް އަޒުލުކުރުމަށް، އެ ކޯޓުގެ ފަސް ފަނޑިޔާރުންގެ ބެންޗުގައި ހިމެނޭ ތިން ފަނޑިޔާރަކު ދެކޮޅު ހެއްދެވި ކަމަށް ރައީސުލްޖުމްހޫރިއްޔާގެ އޮފީހުން ބުނެފި.

https://sun.mv/101166

ބޭރުގެ އަސްކަރިއްޔާގެ އެހީތެރިކަން ހޯދަން ސަރުކާރުން، ބޭރުގެ ދައުލަތްތަކުގައި އެދިފައިވާ ކަމަށް ބުނެ ފަތުރަމުންދަނީ ހަގީގަތާ ހިލާފު ދޮގު ވާހަކަތައް ކަމަށް ޑިފެންސް މިނިސްޓްރީން ބުނެފި.

https://sun.mv/101154

ބޭރުގެ ކުލީ ސިފައިން ރާއްޖެ އަރަން ގޮވުމަކީ ދިވެހިން އެކަމަކާ ދެކޮޅު ހަދާ ކަމެއް ކަމަށާއި އަދި އެއީ އެކަމަށް ގޮވާލި ކުރީގެ ރައީސް މުހައްމަދު ނަޝީދުގެ ސިޔާސީ ހަޔާތް ނިމޭނެ ހިސާބު ކަމަށް ހެލްތު މިނިސްޓަރު އަބްދުﷲ ނާޒިމް އިބްރާހިމް ވިދާޅުވެއްޖެ.

https://sun.mv/101159

މޯލްޑިވްސް ޕޮލިސް ސާވިސް ހިންގުމާ ހަވާލުވެ ހުންނެވި ޑީސީޕީ އަބްދުﷲ ނަވާޒާއި، ކުރިން އެ ސާވިސްގައި މަސައްކަތް ކުރެއްވި ބައެއް އޮފިސަރުން ހައްޔަރު ކުރަން އުޅޭ ކަމަށް ބުނެ ފަތުރަނީ ދޮގު ހަބަރެއް ކަަމަށް ފުލުހުން ބުނެފި.

https://sun.mv/101153

ހައްޔަރުކޮށްފައިވާ ސުޕްރީމް ކޯޓުގެ ފަނޑިޔާރު އަލީ ހަމީދު މުހައްމަދު ގެ އަނބިކަނބަލުންގެ މައްޗަށް ރިޝްވަތާއި ޓެރަރިޒަމް ހިމެނޭ ގޮތަށް ބޮޑެތި ތުހުމަތުތަކެއް ކޮށްފި

https://sun.mv/101146

ސަރުކާރު ވައްޓާލަން އުޅުމުގެ ތުހުމަތުގައި ހައްޔަރުކޮށްފައިވާ ރާއްޖޭގެ އުއްތަަމަ ފަނޑިޔާރު އަބްދުﷲ ސައީދު ވަގުތުން ދޫކޮށްލުމަށް އިދިކޮޅު އެމްޑީޕީން ގޮވާލައިފި

https://sun.mv/101145

އިދިކޮޅު ފަރާތްތަކުން މިއަދު ހަވީރު ކުރިއަށް ގެންދިޔަ މުޒާހަރާއިން ދެ ކައުންސިލަރަކާއެކު ފަސް މީހަކު ފުލުހުން ހައްޔަރުކޮށްފި

ބޭރުގެ އަސްކަރިއްޔާ ގެންނަން ގޮވާލުމަކީ މާފަށް އެދެން ޖެހޭނެ ކަމެއް: ރައީސް ޔާމީން

ބޭރުގެ އަސްކަރިއްޔާތައް ރާއްޖެ ގެންނަން ގޮވާލައި ގައުމުގެ އިސްތިގުލާލަށް ބުރު އަރުވަން ގޮވާލުމަކީ ރައްޔިތުން ކިބައިން މާފަށް އެދެންޖެހޭ ކަމެއް ކަމަށް ރައީސުލްޖުމުހުރިއްޔާ އަބްދުﷲ ޔާމީން އަބްދުލް ގައްޔޫމް ވިދާޅުވެއްޖެ އެވެ.

"މަގޭ ގައުމު، މަގޭ ދީން" މި ނަމުގައި ރޭ ކާނިވާ ސަރަހައްދުގައި ކުރިއަށް ގެންދިޔަ ބައްދަލުވުމެއްގައި ވާހަކަފުޅު ދައްކަވަމުން ރައީސް ޔާމީން ވިދާޅުވީ ބޭރުގެ އަސްކަރިއްޔާތައް ގެންނަން ގޮވާލުމަކީ ރައްޔިތުން ބަލައިގެނެގެންވާނެ ކަމެއް ނޫން ކަމަށެވެ. އަދި ވިދާޅުވީ އެފަދަ މީހުން ރައްޔިތުންގެ ކިބައިން މާފަށް އެދެން ޖެހޭ ކަމަށެވެ.

"ބޭރުގެ އަސްކަރިއްޔާ ގެންނަން ބުނުމަކީ ރައްޔިތުން ކިބައިން މާފަށް އެދެން ޖެހޭ ކަމެއް. އެއީ ގާނޫނީ ކުށެއް،" ރައީސް ވިދާޅުވި އެވެ.

ސުޕްރީމް ކޯޓު ތައްޔާރުކުރީ ރައީސް އަޒުލުކުރަން ކަމަށް ރައިސް ޔާމީން ވިދާޅުވި

ރޭ އެންޑީ ޓީވީގައި މަޖިލީހުގެ ކުރީގެ ރައީސް އަބްދުﷲ ޝާހިދު ދެއްކެވި ވާހަކަފުޅާ ގުޅޭ ގޮތުން ރައީސް ޔާމީންގެ ވާހަކަފުޅުގައި ވަނީ ކަންބޮޑުވުން ފާޅުކުރައްވާފައި

ޕީޕީއެމް ޖަލްސާގައި ރައީސް އަބްދުﷲ ޔާމީން ވާހަކަފުޅު ދައްކަވަން ފައްޓަވައިފި

https://sun.mv/101100

ފުލުހުން ހޯދަން އިއުލާންކޮށްފައިވާ ރައްޔިތުންގެ މަޖިލީހުގެ މައްޗަންގޮޅި ދެކުނު ދާއިރާގެ މެމްބަރު އަބްދުﷲ ސިނާން އަމިއްލައަށް ފުލުހުންނާ ހަވާލުވެއްޖެ

https://sun.mv/101097

ރައްޔިތުންގެ މަޖިލީހުގެ މައްޗަންގޮޅި ދެކުނު ދާއިރާގެ މެމްބަރު އަބްދުﷲ ސިނާނާއި ދަނގަތީ ދާއިރާގެ މެންބަރު އިލްހާމް އަހްމަދު ހޯދަން ފުލުހުން އިއުލާން ކޮށްފި

https://sun.mv/101095

ރައްޔިތުންގެ މަޖިލީހުގެ މައްޗަންގޮޅި ދެކުނު ދާއިރާގެ މެމްބަރު އަބްދުﷲ ސިނާނާއި ދަނގަތީ ދާއިރާގެ މެންބަރު އިލްހާމް އަހްމަދު ހޯދަން ފުލުހުން އިއުލާން ކޮށްފި

https://sun.mv/101087

ރާއްޖޭގައި މިހާރު އުފެދިފައިވާ ސިޔާސީ ހަލަބޮލިކަމުގެ ތެރެއަށް އދއިން ވަނުމަށް ޗައިނާ ދެކޮޅު ކަމަށާއި އެ މައްސަލަތަކަށް ރާއްޖެއިން ހައްލު ހޯދޭނެ ކަމަށް ޗައިނާ ސަރުކާރުން ބުނެފި

https://sun.mv/101086

ރާއްޖޭގައި ހިނގަމުންދާ ސިޔާސީ ހަލަބޮލިކަމާ ގުޅޭގޮތުން އެމެރިކާގެ ރައީސް ޑޮނަލްޑް ޓްރަމްޕާއި އިންޑިއާގެ ބޮޑުވަޒީރު ނަރެންދްރާ މޯދީ، ފޯނު މެދުވެރިކޮށް މަޝްވަރާ ކުރައްވައިފި

https://sun.mv/101077

ބޭރުގެ ސިފައިން ގެނެސްގެން ރާއްޖޭގެ ވެރިކަން ވައްޓާލުމަށް ގޮވާލުމަކީ ޖަރީމާއެއް ކަމަށް އިސްލާމިކް ޔުނިވާސިޓީގެ ޗާންސެލަރ ޑރ. މުހައްމަދު ޝާހީމް އަލީ ސައީދު ވިދާޅުވެއްޖެ.

https://sun.mv/101082/

ކުރީގެ ރައީސް މައުމޫން އަބްދުލްގައްޔޫމާއި އުއްތަމަ ފަނޑިޔާރު އަބްދުﷲ ސައީދާއި ފަނޑިޔާރު އަލީ ހަމީދު މުހައްމަދު އަދި ރައީސް މައުމޫންގެ ދަނބިދަރިކަލުން މުހައްމަދު ނަދީމް ގާނޫނާ ހިލާފަށް ހައްޔަރުކުރި ކަމަށް ބުނެ ހުށަހެޅި މައްސަލަ ބަލައިނުގަތުމަށް ކްރިމިނަލް ކޯޓުން ނިންމައިފި.

https://sun.mv/101075

ރާއްޖެ ޓީވީގެ ޚިދުމަތް މެދުކަނޑާލުން

https://sun.mv/101076

މިނިވަން ނޫސްވެރިކަމުގެ މާހައުލެއް ނެތުމާއި ރާއްޖެ ޓީވީއަށް މެދު ނުކެނޑި އިންޒާރުތައް ލިބެމުން ދާކަމަށް ބުނެ އެ ސްޓޭޝަންގެ ޚިދުމަތް މެދުކަނޑާލައިފި.

ޤައުމީ ސަލާމަތަށް ނުރައްކާވާފަދަ މަޢުލޫމާތާއި ކޮންޓެންޓް ހާމަކުރާ ފަރާތްތަކާއިމެދު ފިޔަވަޅު އަޅާނަން: އެމްއެންޑީއެފް

ރާއްޖޭގެ ޤައުމީ ސަލާމަތަށް ނުރައްކާވާފަދަ މަޢުލޫމާތާއި ކޮންޓެންޓް ހާމަކުރާ ފަރާތްތަކާއިމެދު އިތުރު އިންޒާރެއް ދިނުމެއްނެތި ފިޔަވަޅު އަޅަމުންގެންދާނެ ކަމަށް އެމްއެންޑީއެފުން ބުނެފި.

https://sun.mv/101056

ގާނޫނާ ޚިލާފަށް ސަރުކާރު ވައްޓާލަން އުޅުންފަދަ، ދިވެހިރާއްޖެއަށް ދިމާވާ މިފަދަ ހިތާމަވެރި ކަންކަމުގައި އައްޑޫ ސިޓީީއަށް ނިސްބަތްވާ ބައެއްގެ ހިއްސާ އޮތުމަކީ ހިތާމަކުރައްވާ ކަމެއް ކަމަށް، ހުޅުދޫ ދާއިރާގެ މެމްބަރު މުހައްމަދު ޝާހިދު ވިދާޅުވެއްޖެ.

https://sun.mv/101072

ރާއްޖޭގެ މިހާރުގެ ސިޔާސީ މަސްރަހާ ގުޅޭ ފަހުގެ މައުލޫމާތު ދިނުމަށް ރައީސްގެ ހާއްސަ މަންދޫބެއް އެންމެ ފުރަތަމަ ވެސް ފޮނުވަން ހަމަޖެހިފައި އޮތީ އިންޑިއާއަށް ކަމަށާއި ނަމަވެސް އެކަން ހަމަނުޖެހުނީ އިންޑިއާގެ ވެރިންގެ މަސައްކަތް ހުރި ގޮތުން ކަމަށް ސަރުކާރުން ބުނެފި.

https://sun.mv/101066

ރާއްޖޭގެ ތާރީހުގައި މިހާތަނަށް ނުބާއްވާ ވަރުގެ މިނިވަން އިންތިހާބެއް މި އަހަރު އޮންނާނެ ކަމަށް ވެރިކަން ކުރާ ޕާޓީ، ޕީޕީއެމް އިން ބުނެފި.

https://sun.mv/101069

ޕަބްލިކް ސާވިސް މީޑިއާ (ޕީއެސްއެމް)ގެ ޑެޕިއުޓީ މެނޭޖިން ޑިރެކްޓަރ ޝާޔަން ޝާހިދު ސަސްޕެންޑް ކޮށްފި. ސަސްޕެންޑު ކުރި ސަބަބެއް އަދި ނޭނގެ.

https://sun.mv/101071

ދިވެހި ގައުމުގެ މިނިވަންކަމަށް އެއްވެސް މިންވަރަކަށް ބުރޫ އަރާނެ ފަދަ ބޭރުގެ އަސްކަރީ ނުފޫޒެއްގައި، އެމަނިކުފާނާއި ޖުމްހޫރީ ޕާޓީން ބައިވެރި ނުވާނެ ކަމަށް އެޕާޓީގެ ލީޑަރު ގާސިމް އިބްރާހިމް ވިދާޅުވެއްޖެ.

https://sun.mv/101070

ފާރިސް މައުމޫން އަނެއްކާވެސް ހައްޔަރުކޮށްފި

ޕީޕީއެމް ކަނބަލުންގެ ޖަލްސާ ނިންމާލައިފި.

މިހާރު ނަގަމުން ދަނީ ފުލް މުސާރަ ކަމަށް ރައީސް ޔާމީން ވިދާޅުވެއްޖެ

ގައުމަށް ދިމާވި ހިތާމަވެރި ހާދިސާއާ ގުޅިގެން ރޭ ބޭ އިޚްތިޔާރުގައި ވާހަކަތަކެއް ދެއްކެވުނު ކަމަށް ރައީސް ޔާމީން ވިދާޅުވެއްޖެ

މިހާރު ޖަލްސާގައި ވާހަކަފުޅު ދައްކަވަނީ ރައީސުލްޖުމްހޫރިއްޔާ އަބްދުﷲ ޔާމީން އަބްދުލް ގައްޔޫމް

މިހާރު ޖަލްސާގައި ވާހަކަފުޅު ދައްކަވަނީ މާފަންނު މެދު ދާއިރާގެ މެމްބަރު އަސްމާ ރަޝީދު

ވެސްޕާކް ސަރަހައްދުގައި ތިބި ޕީޕީއެމް ސަޕޯޓަރުންދަނީ އުފާ ފާޅުކުރަމުން

މިހާރު ޖަލްސާގައި ވާހަކަފުޅު ދައްކަވަނީ އެމްޑީއޭ ގެ ނައިބު ލީޑަރު އައިޝަތު ރަފިއްޔާ

ރައީސް ޔާމީން ބައިވެރިވެވަޑައިގަންނަވާ ޖަލްސާ އެއް ވައި18 ކެމްޕެއިން އޮފީސް (ވެސްޓް ޕާކް ސަރަހައްދު) ކައިރީގައި ކުރިއަށްދަނީ

މިހާރު ޖަލްސާގައި ވާހަކަފުޅު ދައްކަވަނީ ރައީސް އޮފީހުގެ ލީގަލް އެފެއާޒް މިނިސްޓަރު އާއިޝަތު އާޒިމާ ޝަކޫރު

https://sun.mv/101010

ދިވެހިރާއްޖޭގެ ސުޕްރީމް ކޯޓުގައި ތިން ފަނޑިޔާރުންގެ ބެންޗަކުން ވެސް މައްސަލަތައް ބެލޭނެ ކަމަށާއި، އެ ކޯޓުގެ އަގު ވެއްޓޭ ގޮތަށް ވާހަކަ ދައްކާ ނަމަ ފިޔަވަޅު އަޅާނެ ކަމަށް ބުނެ ސުޕްރީމް ކޯޓުން އަމުރެއް ނެރެފި.

https://sun.mv/101009

ދިވެހި ރައްޔިތުންގެ ހިތްތަކުގައި ބިރުވެރިކަން އުފެއްދުމަށް އިދިކޮޅު ފަރާތްތަކުން ފަތުރަމުންދާ ވާހަކަތައް މިހާރުން މިހާރަށް ހުއްޓާލަން ޖެހޭ ކަމަށް ޕީޕީއެމްގެ ސެކްރެޓަރީ ޖެނަރަލް ޑރ. އަބްދުﷲ ޚަލީލު ވިދާޅުވެއްޖެ.

https://sun.mv/101008

މާތް ﷲގެ އިރާދަފުޅާއެކު މަޑުމަޑުން، ދިވެހި ގައުމު އަމާންކަމުގެ ބަނދަރަކާ ދިމާއަށް އެބަދާކަމަށް އެމްޑީއޭގެ ޑެޕިއުޓީ ލީޑަރު އަދި ރައްޔިތުންގެ މަޖިލީހުގެ ކެނދިކުޅުދޫ ދާއިރާގެ މެމްބަރު އަލީ މައުރޫފު ވިދާޅުވެއްޖެ.

https://sun.mv/101006

ރައީސް އަބްދުﷲ ޔާމީން އަބްދުލްގައްޔޫމް ފިޔަވަޅެއް އަޅުއްވާނީ ވަރަށް ބޮޑަށް ވިސްނާވަޑައިގެން، އެނޫން އެހެން ގޮތެއް ނެތިގެން ކަމަށް ޕީޕީއެމްގެ ނައިބް ރައީސް އަދި ރައްޔިތުންގެ މަޖިލީހުގެ ފޮނަދޫ ދާއިރާގެ މެމްބަރު އަބްދުއްރަހީމް އަބްދުﷲ (އަދުރޭ) ވިދާޅުވެއްޖެ.

https://sun.mv/101007

ސުޕްރީމް ކޯޓުގެ ފަނޑިޔާރު އަލީ ހަމީދު މުހައްމަދު ސަސްޕެންޑުކޮށްފި

ނޫސްވެރިންނަށް މައުލޫމާތު ދެއްވާނީ އެކްޓިންގ ކަމިޝަނަރ އޮފް ޕޮލިސް ޑީސީޕީ އަބްދުﷲ ނަވާޒް

މިހާރު ހިނގަމުންދާ މުހިންމު ތަހިގީގުތަކެއްގެ މައުލޫމާތު އާންމުންނަށް ހާމަ ކުރުމަށް ފުލުހުން ތައްޔާރުވެއްޖެ. އެ ސާިވސް އިން ބާއްވާ ނޫސްވެރިންގެ ބައްދަލުވުމެއް މިއަދު ހަވީރު 16:30 ގައި އޮންނާނެ ކަމަށް ފުލުހުން ބުނޭ.

މައުލޫމާތު ލިބޭގޮތުގައި ސުޕްރީމް ކޯޓުގެ ފަނޑިޔާރު އަލީ ހަމީދުގެ ހާލު އެހާ ސީރިއަސްއެއް ނޫން.

އެގްޒެކެޓިވް ވޯޑު ސަރަހައްދުގައި އެއްވެ ތިބި މީހުން އައިޖީއެމްއެޗުން ބޭރުކުރުމުގެ މަސައްކަތް އެސްއޯ ފުލުހުން ފަށައިފި. އޭގެ ތެރޭގައި ފަނޑިޔާރު އަލީ ހަމީދުގެ އާއިލާގެ މީހުންވެސް ހިމެނޭ.

ފަނޑިޔާރު އަލީ ހަމީދުގެެ އާއިލާއިން ދަނީ، އާއިލާގެ ބައެއް މެމްބަރުން ވޯޑަށް ވަނުމުގެ ހުއްދަ ދިނުމަށް ފުލުހުންގެ ކިބައިން އެދެމުން.

އެމްޑީޕީ ހަރުގެ ކައިރީގައި ގިނަ އަދަދެއްގެ ފުލުހުން ހަރަކާތްތެރިވޭ. އެއްވެ ތިބި މީހުން ތިބީ އާޓިފިޝަލް ބީޗު ތެރޭގައާއި އެމްޑީޕީ ހަރުގެ ތެރޭގައި. ބޮޑުތަކުރުފާނުމަގުގައި އެސަރަހައްދު ކުރިން ބަންދުކޮށްފައި ހުރި ނަމަވެސް، މިހާރު އެސަރަހައްދު ވަނީ ދުއްވާތަކެތި ދުއްވުމަށް ހުޅުވާލާފައި

ރައީސް ޔާމީންގެ ވާހަކަފުޅު ނިންމަވާލައްވައިފި

ޖަލްސާގައި މިހާރު ވާހަކަފުޅު ދައްކަވަމުންދަނީ ރައީސް އަބްދުﷲ ޔާމީން

ރުމާލު2 ޖަގަހަ ސަރަހައްދުގައި ސިފައިން ދަނީ ހަތިޔާރާ އެކު ހަރަކާތްތެރިވަމުން. އޭގެ ތެރޭގައި ސްޕެޝަލް ފޯސަސްގެ ސިފައިންވެސް ހިމެނޭ

އެޕްޑީޕީ ހަރުގެ ސަރަހައްދަށް މީހުން ދަނީ ޖަމާވަމުން. ފުލުހުން އޮތީ އެ ސަރަހައްދު ބަންދުކޮށްފައި

ރުމާލު2 ޖަގަހަ ހިމެނޭ ސަރަހައްދު ވަނީ ފުލުހުން ބަންދުކޮށްފައި. ސިފައިން ދަނީ ފޯރި މަރަމުން.

ސިޔާސީ ގޮތުން ރާއްޖެއަށް އައިސްފައިވާ ހަލަބޮލިކަމުގެ ފައިދާ ނަގައިގެން އިދިކޮޅު ފަރާތްތަކުން މިވަގުތު މަސައްކަތް ކުރަނީ ފަތުރުވެރިކަމަށް ގެއްލުން ދޭންކަމަށް ދިވެހި ވިޔަފާރިވެރިންގެ ގައުމީ ޖަމިއްޔާއިން ތުހުމަތުކޮށްފި.

ސަރުކާރު ހިންގާ ކޯލިޝަނުން ރުމާލު2 ޖަގަހައިގައި ބާއްވާ ޖަލްސާ ދެންމެ ފަށައިފި. ގިނަ އަދަދެއްގެ ބަޔަކު ދަނީ ބައިވެރިވަމުން.

ފެބްރުއަރީ 1 ވަނަ ދުވަހު ސުޕްރީމް ކޯޓުން ނެރުނު އަމުރުގައިވާ، ސުޕްރީމް ކޯޓު ފަނޑިޔާރުންގެ މައްސަލަ ޖޭއެސްސީއަށް ނުބެލޭ ކަމަށް ބުނާ ބައިވެސް ބާތިލުކުރި.

ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަނުން، ކޯޓުތަކުގައި ވާކާލާތުކުރަން އަލުން ހުއްދަދިން ގާނޫނީ ވަކީލުންގެ ތެރޭގައި ހިމެނެނީ:-

• އަލްއުސްތާޛް ހުސްނުއްސުއޫދު
• އަލްއުސްތާޛާ މާރިޔާ އަހްމަދު ދީދީ
• އަލްއުސްތާޛު އަލީ ހުސައިން
• އަލްއުސްތާޛު މަހްފޫޒް ސަޢީދު
• އަލްއުސްތާޛު އަނަސް ޢަބްދުއްސައްތާރު
• އަލްއުސްތާޛު އިމްތިޔާޒް ފަޙްމީ
• އަލްއުސްތާޛު ޙަސަން ލަޠީފް

ސުޕްރީމް ކޯޓުގެ އަމުރުގައި ކުށްވެރިން ދޫކޮށްލަން ހިމެނި ބައި ބާތިލުކޮށްފި

ސުޕްރީމް ކޯޓުން މިމަހުގެ އެއްވަނަ ދުވަހު ނެރުނު އަމުރުގައި ސިޔަސީ ކުށްވެރިން ކަމަށް ބުނެ ނުވަ މީހަކު ދޫކޮށްލަން އަމުރުގައި ހިމެނި ބައި ބާތިލުކޮށްފި. އެބައި ބާތިލުކޮށްފައިވަނީ މިރޭ ސުޕްރީމް ކޯޓުން ނެރުނު އަމުރަކުން.

ކޯޓުތަކުގައި ވަކާލާތުކުރުން މަނާކުރެވިފައިވާ ހަތް ވަކީލަކަށް އަލުން ހުއްދަދީފި

ދިވެހިރާއްޖޭގެ ކޯޓުތަކުގައި ވަކާލާތުކުރުން މަނާކޮށްފައިވާ ހަތް ގާނޫނީ ވަކީލަކަށް، ދިވެހިރާއްޖޭގެ ކޯޓުތަކުގައި ވަކާލާތުކުރުމުގެ ހުއްދަ އަލުން ދީފި.

ކުއްލި ނުރައްކަލުގެ ހާލަތު ވީހާވެސް އަވަހަކަށް އުވާލުމަށް އދގެ ސެކްރެޓަރީ ޖެނެރަލް އެންޓޯނިއޯ ގުޓެރޭސް ދިވެހި ސަރުކާރަށް ގޮވާލައްވައިފި.

https://sun.mv/100952

ރައީސް އޮފީހުން ބުނީ، ގަރާރުގައިވާ 145 ވަނަ މާއްދާގެ (ނ) އުނިކޮށް، އެ މާއްދާއަށް އަމަލުކުރުން ހިފަހައްޓާފައިވާ ހިފެހެއްޓުން ނިމުމަކަށް ގެނައުމަށް ރައީސުލްޖުމްހޫރިއްޔާ ކަނޑައަޅުއްވާފައިވާ ކަމަށް.

ގާނޫނު އަސާސީއާއި ގާނޫނު މާނަކުރުމުގައި ސުޕްރީމް ކޯޓުގެ ނިންމުމަކީ އެންމެ ފަހު ނިންމުން ކަމަށް ބުނާ މާއްދާއެއް އަލުން އިޔާދަކޮށް، ކުއްލި ނުރައްކަލުގެ ގަރާރަށް އިސްލާހު ގެނެސްފި.

https://sun.mv/100953

ވިލާގެ ޗެއާމަން ގާސިމް އިބްރާހިމްގެ ދަރިކަލުން އިބްރާހިމް ސިޔާދު ގާސިމް ހައްޔަރުކޮށްފި.

ސިޔާދަކީ ވިލާ ޝިޕިންގް އެންޑް ޓްރޭޑިންގްގެ މެނޭޖިންގް ޑިރެކްޓަރު.

ޗައިނާއިން ރާއްޖެއަށް ނެރެފައިވާ ޓްރެވަލް އެޑްވައިޒަރީ އަޕްގްރޭޑުކޮށް، އެގައުމުގެ ފަތުރުވެރިން ރާއްޖެ އައުމަށް ހަދާފައިވާ ބުކިންގްތައް ކެންސަލް ކުރުމަށް އެގައުމުގެ ފޮރިން މިނިސްޓްރީން އެންގި ކަމަށް ބޭރުގެ މީޑިއާގައި ދެކެވޭ ވާހަކަތައް، ޗައިނާގައި ހުންނަވާ ދިވެހި ސަފީރު ޑރ. މުހައްމަދު ފައިސަލް ދޮގުކުރައްވައިފި.

ޗައިނާގައި ހުންނަވާ ދިވެހި ސަފީރު ޑރ. ފައިސަލް "ސަން"އަށް ވިދާޅުވީ އެހާ ގިނަ ބަޔަކު ޗުއްޓީ ކެންސަލް ކޮށްފައި ނުވާކަމަށް.

ކުލަ ހެދުމުގައި ތިބި ފުލުހުން ޕެރެޑައިޒް އައިލެންޑް ރިސޯޓަށް އަރައިފި.

ވިލާ ބިލްޑިންގް ކައިރިން ފުލުހުންގެ ބެލުމުގެ ދަށަށް ގެންދިޔަ މީހާ ދޫކޮށްލައިފި

ޕީޕީއެމްއިން މިވަގުތު ދަނީ ނޫސްވެރިންގެ ބައްދަލުވުމެއް ބާއްވަމުން

މިރޭ ޕީޕީއެމްގެ ރުމާލު2 ޖަގަހައިގައި އެޕާޓީގެ މުސްތަޝާރު ރައީސް އަބްދުﷲ ޔާމީން ބައިވެރިވެވަޑައިގަންނަވާ ވަރަށް ޚާއްސަ ޖަލްސާއެއް އޮންނާނެ ކަމަށް އެޕާޓީގެ ނައިބު ލީޑަރު އަބްދުއްރަހީމް އަބްދުﷲ ވިދާޅުވެއްޖެ

ފުލުހުން ހަރަކާތްތެރިވަމުން ދަނިކޮށް، ވިލާ ބިލްޑިންގްއަށް ވަނުމަށް މަސައްކަތް ކުރި އެތަނުގެ މުވައްޒަފަކު ފުލުހުންގެ ބެލުމުގެ ދަށަށް ގެންގޮސްފި

ވިލާ ބިލްޑިންގްގެ އެތެރެއާއި ބޭރުގައިވެސް އެސްއޯ ފުލުހުން ހަރަކާތްތެރިވޭ

ކުއްލި ނުރައްކަލުގެ ހާލަތު އިއުލާނުކުރުމާ ގުޅިގެން ރައީސުލްޖުމްހޫރިއްޔާ އަބްދުﷲ ޔާމީން ގައުމާ މުޚާތަބުކުރެއްވުން ނިންމާލައްވައިފި

ރައީސް ޔާމީން ގައުމާ މުޚާތަބު ކުރައްވަން ފައްޓަވައިފި.

11 އަހަރުގެ ހުކުމެއް ތަންފީޒު ކުރަމުންދާ ކާނަލް ނާޒިމް ހުންނެވީ ގޭ ބަންދުގައި.

ގޭބަންދުގައި ހުރި ކާނަލް ނާޒިމް އަނބުރައި ޖަލަށް ގެންގޮސްފި

ގޭބަންދުގައި ހުންނެވި ކުރީގެ ޑިފެންސް މިނިސްޓަރު ކާނަލް (ރޓޑ) މުހައްމަދު ނާޒިމް ދާދި ދެންމެއަކު އަނބުރައި ޖަލަށް ގެންގޮސްފި

ކުއްލި ނުރައްކަލުގެ ހާލަތު އިއުލާންކޮށްފައިވާ އިރު، ރައްޔިތުން ކެތްތެރިވެ ތިބުމަށާއި، އަމާންކަމާއި ރައްކާތެރިކަން ފޯރުކޮށްދިނުމަށް ފުލުހުން ކުރަމުންދާ މަސައްކަތުގައި ރައްޔިތުން އެއްބާރުލުން ދިނުމަށް ފުލުހުން އެދިއްޖެ. ފުލުހުން މިހެން ބުނީ ދެންމެ ނެރުނު ބަޔާނެއްގައި.

ޑިޕާޓްމެންޓް އޮފް ޖުޑީޝަލް އެޑްމިނިސްޓްރޭޝަންގެ ތަރުޖަމާނު ފައިސަލް އާދަމް "ސަން"އަށް ވަނީ، ސުޕްރީމް ކޯޓުގެ ފަނޑިޔާރުންގެ މަޖިލީހުގެ ލަފާގެ ދަށުން، ސުޕްރީމް ކޯޓުގެ މަސައްކަތްތައް ކުރިޔަށް ދާކަން ކަށަވަރު ކޮށްދެއްވާފައި.

ރައީސް ޔާމީން މިއަދު މެންދުރު ގައުމާ މުޚާތަބު ކުރައްވާނެ ކަމަށް ރައީސް އޮފީހުން އަންގައިފި

https://sun.mv/100930/

ކުއްލި ނުރައްކަލުގެ ހާލަތުގައި ހައްޔަރު ކުރާ މީހުންގެ ހައްގުތައް ހަނިކުރެވޭ ގޮތަށް، ކުއްލި ނުރައްކަލުގެ ހާލަތު އިއުލާނުކުރުމާ ގުޅޭ ރައީސުލްޖުމްހޫރިއްޔާގެ ގަރާރަށް އިސްލާހެއް ގެނެސްފި.

އެ އިސްލާހުގައި، ކުއްލި ނުރައްކަލުގެ ހާލަތުގައި ހަނިކުރެވޭ ހައްގުތަކުގެ ތެރެއަށް ގާނޫނު އަސާސީގެ 48 ވަނަ މާއްދާގެ ތިން އަކުރެއް. އެ މާއްދާގައި ވަނީ ހައްޔަރު އަދި ބަންދުކުރެވޭ މީހުންގެ ހައްގުތައް.

އެމްއެންޑީއެފްގެ ވެހިކަލެއް ސުޕްރީމް ކޯޓު ގޯތިތެރޭން ނުކުމެގެން ހިނގައްޖެ.

ދިވެހިރާއްޖޭގައި އިއުލާނުކޮށްފައިވާ ކުއްލި ނުރައްކަލުގެ ހާލަތު ސުލްހަވެރިކަމާއެކު ނިމުމަކަށް ގެނައުމަށާއި، ގާނޫނުއަސާސީގެ ހުރިހާ މާއްދާއަކަށް ފުރިހަމައަށް އަމަލުކޮށް ހައްގުތައް އިއާދަކުރުމަށާއި ސުޕްރީމް ކޯޓުގެ އަމުރަށް ތަބާވެ، ރައްޔިތުންގެ މަޖިލީހުގައި މިނިވަންކަމާއެކު މަސައްކަތްކުރެވޭނޭ މަގު ފަހިކޮށްދިނުމަށް، އިނގިރޭސި ފޮރިން ސެކްރެޓަރީ ބޮރިސް ޖޯންސަން ރައީސް ޔާމީނަށް ގޮވާލައްވައިފި.

ގިނަ އަދަދެއްގެ ފުލުހުންނާއި ސިފައިން ސުޕްރީމް ކޯޓު ތެރެއިން ނުކުމެއްޖެ.

ފުލުހުންގެ އިންވެސްޓިގޭޝަން އޮފިސަރުންތަކެއްވެސް ސުޕްރީމް ކޯޓުގައި ދަނީ ހަރަކާތްތެރިވަމުން

ކުރީގެ ރައީސް މައުމޫނާއި އެމަނިކުފާނުގެ ދަނބިދަރިކަލުން މުހައްމަދު ނަދީމް ގޮވައިގެން ފުލުހުންގެ ލޯންޗުގައި ދޫނިދުއަށް ދިޔުމަށް ދަތުރު ފަށައިފި.

އެ ދަތުރުގައި އެ ދެ ބޭފުޅުންގެ ގާނޫނީ ވަކީލުންގެ ގޮތުގައި ހުސައިން ޝަމީމާއި މޫސާ ސިރާޖު ވެސް ބައިވެރިވެވަޑައިގަންނަވާ

ފުލުހުން ތަހުގީގު ކުރަމުންދާ މައްސަލައަކާ ގުޅިގެން ކުރީގެ ރައީސް މައުމޫން ހައްޔަރުކޮށްފައިވާ ކަމަށް މޯލްޑިވްސް ޕޮލިސް ސާވިސް އިން ބުނެފި

މާފަންނު ކުނޫޒު ސަރަހައްދުގައި ފުލުހުން ވަނީ ވަށާލާފައި. ކުނޫޒު ތެރެގައި ގިނަ އަދަދެއްގެ މަޖިލިސް މެމްބަރުން އެބަތިބި

ކުރީގެ ރައީސް މައުމޫން އަބްދުލް ގައްޔޫމް ފުލުހުންގެ ވެހިކަލަށް އަރުވައިފި

ކުއްލި ނުރައްކަލުގެ ހާލަތު އިއުލާނު ކުރީ ގާނޫނީ ހަމަޔަކުން ނޫން ކަމަށް މަޖިލީހުގެ މައިނޯރިޓީ ލީޑަރު އަދި ހިންނަވަރު ދާއިރާގެ މެމްބަރު އިބްރާހިމް މުހައްމަދު ސޯލިހު (އިބޫ) ވިދާޅުވެއްޖެ.

މިހާރު ކުނޫޒުގައި އިދިކޮޅު ޕީޖީ ގުރޫޕުން ކުރިއަށް ދާ ނޫސްވެރިންގެ ބައްދަލުވުމުގައި އިބޫ ވިދާޅުވީ އިސްލާހީ މަސައްްކަތް ހުއްޓާ ނުލާނެ ކަމަށް

ރައްޔިތުންގެ މަޖިލީހުގެ މެމްބަރުންނަށް ރިޝްވަތު ދިން ކަމަށާއި، ރިޝްވަރު ދޭން މަސައްކަތް ކުރި ކަމަށާއި، ގާނޫނާ ޚިލާފަށް ސަރުކާރު ވައްޓާލަން މަސައްކަތް ކުރި ކަމުގެ ތުހުމަތުގައި ކުރީގެ ރައީސް މައުމޫން އަބްދުލްގައްޔޫމް ހައްޔަރުކޮށްފި ކަމަށް ގާނޫނީ ވަކީލު މައުމޫން ހަމީދު ވިދާޅުވެއްޖެ.

ޔުމްނާ މައުމޫނު ހުށަހެޅުއްވި މައްސަލާގައި ޔުމްނާގެ ފަރާތުން ގާނޫނީ ވަކީލަކަށް ހަމަޖައްސަވާފައި ވަނީ ގާނޫނީ ވަކީލު ހިސާން ހުސައިން

ކުއްލި ނުރައްކަލުގެ ހާލަތު ބާތިލުކޮށްދޭން އެދި ސުޕްރީމް ކޯޓަށް ހުށަހަޅައިފި.

މައްސަލަ ހުށަހެޅުއްވީ ރައީސް މައުމޫންގެ ދަރިކަނބަލުން ޔުމްނާ މައުމޫން

ޖުޑިޝަލް އެޑްމިނިސްޓްރޭޝަން އަދި ސުޕްރީމް ކޯޓުގެ މުވައްޒަފުން ސުޕްރީމް ކޯޓުގެ ތެރެއަށް ނުވެއްދި. އެތަނުގެ މުވައްޒަފަކު ބުނީ ވަންނަން ދިޔަ ތަނުން ނުވަދެވޭނެ ކަމަށް ސިފައިން އެންގި ކަމަށް.

އޯކިޑު މަގުގެ ބޮޑުބައެއް ވަނީ ސަލާމަތީ ބާރުތަކުން ބަންދުކޮށްފައި

ޕީޕީއެމުން މިހާރު ކުރިއަށް ގެންދާ ނޫސްވެރިންގެ ބައްދަލުވުމުގައި އެ ޕާޓީގެ ނައިބް ރައީސް އަދި ފޮނަދޫ ދާއިރާގެ މެންބަރު އަބްދުއްރަހީމް އަބްދުﷲ ވިދާޅުވީ، މި ގައުމު ސަލާމަތުގެ އައްސޭރިއަށް ވާސިލް ކޮށްދިނުމުގައި ރައީސް އަބްދުﷲ ޔާމީން ނިންމެވި ނިންމެވުމަށް ޕީޕީއެމުން ފުރިހަމައަށް ތާއިދުކުރާ ކަމަށް.

ރާއްޖޭގައި ކުއްލި ނުރައްކަލުގެ ހާލަތު އިއުލާންކުރުމުން ސަރުކާރު ހިންގާ ޕީޕީއެމުން ރައީސް ޔާމީނަށް މަރުހަބާ ކިޔައިފި.

ޕީޕީއެމްގެ ޕްރެސް ކޮންފަރެންސެއް މިވަގުތު ކުރިއަށް ދަނީ.

ގްރީން ޒޯން ކަމަށް ކަނޑައަޅާފައިވާ ސަރަހައްދު މިހާރު ވަނީ ބަންދުކޮށްފައި.

ކުއްލި ނުރައްކަލުގެ ހާލަތު އިއުލާނު ކުރާ ގަރާރުގެ ނުވަތަ އެ ގަރާރުން ބައެއްގެ ސައްހަ ކަމާމެދު ނުވަތަ ކުއްލި ނުރައްކަލުގެ ހާލަތާ ގުޅިގެން ހަދާ ގާނޫނަކާ މެދު ނުވަތަ ނެރޭ އަމުރަކާ މެދު ސުވާލު އުފެދިއްޖެ ހާލަތެއްގައި އެ ކަމާމެދު ގޮތެއް ކަނޑައަޅާނީ ސުޕްރީމް ކޯޓުން ކަމަށް ގާނޫނުއަސާސީގެ 258 ވަނަ މާއްދާގައި ވަނީ ބުނެފައި.

ކުއްލި ނުރައްކަލުގެ ހާލަތު އިއުލާނު ކުރާ ގަރާރު 48 ގަޑިއިރުގެ ތެރޭގައި ރައްޔިތުންގެ މަޖިލީހަށް ހުށަހަޅަން ވާނެ ކަމަށް ގާނޫނުއަސާސީގެ 257 ވަނަ މާއްދާގެ (ހ) ގައި ވަނީ ބުނެފަ. ގަރާރު ބާތިލް ކުރުމުގެ ބާރު ރައްޔިތުންގެ މަޖިލީހަށް ގާނޫނު އަސާސީން ލިބިދީފައިވޭ.

ފުލުހުންގެ ބެރިކޭޑު ފަޅާލައި، ކުރިޔަށް ޖެހުމަށް މަސައްކަތް ކުރަނީ. އެސްއޯ ފުލުހުން ވަނީ އެމީހުން ފަހަތަށް ޖައްސާފައި.

ކުރީގެ ރައީސް މައުމޫނު ހައްޔަރުކުރުމަށްވެސް މުޒާހަރާގެ ބައިވެރިން ދަނީ ގޮވާލަމުން

ސުޕްރީމް ކޯޓުން ކުރި އަމުރާ ދެކޮޅަށް އަޑު އުފުލައި ސަރުކާރަށް ތާއީދު ކުރާ ބަޔަކު މަގުމައްޗަށް ނުކުމެއްޖެ.

ވެސްޓް ޕާކުގައި ހުރި ރައީސް ޔާމީނުގެ ކެމްޕޭން އޮފީހުން ނުކުމެގެން އެމީހުން ހިނގާފައި ދިޔައީ ސުޕްރީމް ކޯޓު ކައިރިއަށް.

ޕީޕީއެމުން ހިންގާ ހަރަކާތުގައި އިސްވެ ހުރީ މަޖިލީހުގެ ވެލިދޫ ދާއިރާގެ މެމްބަރު އަބްދުﷲ ޔާމިން ރަޝީދު

އުއްތަމަ ފަނޑިޔާރު އަބްދުﷲ ސައީދު ވިޔަސް ފަނޑިޔާރު އަލީ ހަމީދު ވިޔަސް ޖިނާއީ ކުށެއް ކޮށްފި ނަމަ ގާނޫނު އަރާ ހަމަ ކުރާނެ ކަމަށް ޕީޕީއެމްގެ ނައިބު ލީޑަރު އަބްދުއްރަހީމް އަބްދުﷲ ވިދާޅުވެއްޖެ

ޕީޕީއެމުން ބާއްވާ ނޫސްވެރިންގެ ބައްދަލުވުމުގައި އަދުރޭ ދަނީ ސުޕްރީމް ކޯޓުގެ ފަނޑިޔާރުންނަށް ފާޅުގައި ފާޑު ވިދާޅުވެފައެވެ. އުއްތަމަ ފަނޑިޔާރުގެ މައްޗަށް ކޮރަޕްޝަންގެ ތުހުމަތު ކުރައްވައި އަދުރޭ ވިދާޅުވީ އެވާހަކަ ދައްކާތީ " އަބްދުﷲ ސައީދުގެ ލޮލަށް ނިދި ނައިސްގެން އުޅެނީ" ކަމަށް

ސުޕްރީމް ކޯޓުގެ އަމުރު ތަންފީޒު ކުރުމަށް ގޮވާލަައި އިދިކޮޅު ފަރާތްތަކުން އާޓިފިޝަލް ބީޗު ސަރަހައްދުގައި ދަމާފައިވާ ބެނާ ފުލުހުން ނަގައިފި

އެ ބެނާ ނެގުމުން އާ ބެނާއެއް ވަނީ ދަމާފައި

އުއްތަމަ ފަނޑިޔާރު އަބްދުﷲ ސައީދު އެމަނިކުފާނުގެ ބާރުން ގައުމު ހަލާކުގެ ތެރެއަށް ވައްޓާލާތަން ބަލަން ނުތިބޭނެ ކަމަށް ޕީޕީއެމްގެ ނައިބު ރައީސް އަބްދުއްރަހީމް އަބްދުﷲ (އަދުރޭ) ވިދާޅުވެއްޖެ

https://sun.mv/100895

ރައީސް ޔާމީން އެ ސިޓީ އުއްތަމަ ފަނޑިޔާރު އަބްދުﷲ ސައީދަށް ފޮނުއްވެވީ ގާނޫނުއަސާސީގެ 115 ވަނަ މާއްދާގެ (ހ) އަދި (ނ) ގެ ދަށުން ލިބިދޭ ބާރުގެ ދަށުން ކަމަށް ބުނެ

ރައީސުލްޖުމްހޫރިއްޔާއަށް ލިބިގެންވާ ބާރުތައް

ގާނޫނުއަސާސީގެ 115 ވަނަ މާއްދާގެ (ހ) ގައި ގާނޫނުއަސާސީ އާއި ގާނޫނުން ކަނޑައަޅަފައިވާ ކަންތައްތައް އިހުލާސްތެރިކަމާ އެކު ތަންފީޒުކޮށް ދައުލަތުގެ މުއައްސަސާތަކުންނާއި ރައްޔިތުން ގާނޫނު އަސާސީ އާއި ގާނޫނާ އެއްގޮތަށް އަމަލު ކުރުމަށް ބާރުއެޅުން ގާނޫނު އަސާސީގެ 115 ވަނަ މާއްދާގެ (ނ) - ގާނޫނުގެ ވެރިކަން ކުރިއަރުވައި އެންމެންގެ ހައްގުތަކާއި މިނިވަންކަން ރައްކާތެރިކޮށްދިނުން

އެހެން މުއައްސަސާތަކުގެ ބާރުތައް ނުގެއްލޭ ގޮތަށް އަމަލު ކުރުމަށް އެދި ރައީސް ޔާމީންގެ ސިޓީއެއް އުއްތަމަ ފަނޑިޔާރަށް ފޮނުއްވައިފި

ފުލުހުން ތަހުގީގު ކުރަމުންދާ މައްސަލައަކާ ގުޅިގެން ކުރީގެ ރައީސް މައުމޫނު އަބްދުލްގައްޔޫމާ ސުވާލު ކުރުމަށް އެމަނިކުފާނުގެ ގެކޮޅަށް ދިއުމުން ސުވާލު ކުރުމުގެ ފުރުސަތު ނުދިން ކަމަށް ފުލުހުން ބުނެފި

ފާރިސް މައުމޫން ބަންދުން ދޫކޮށްލުމަށް ގާނޫނީ ވަކީލު ހުސައިން ޝަމީމް ޕީޖީ އޮފީހުގައި އެދިވަޑައިގެންފި

މިހާރު މި ފެންނަނީ ދަށު ކޯޓު ތަކުގެ ބޭނުން ކެނޑިފައިވާތަން ކަމަށް ޕީޕީއެމްގެ ނައިބު ރައީސް އަބްދުއްރަހީމް އަބްދުﷲ ވިދާޅުވެއްޖެ

ސުޕްރީމް ކޯޓުގެ އަމުރު ވީ އެންމެ އަވަހަކަށް ތަންފީޒުކޮށްދިނުމަށް ކަމާ ބެހޭ އިދާރާތަކަށް ދަނގެތީ ދާއިރާގެ މެމްބަރު އިލްހާމް އަހުމަދު ގޮވާލައްވައިފި

https://sun.mv/100883

އިސްލާމިކް މިނިސްޓްރީގެ ކޯޑިނޭޓަރު ކަމުން ހިޝާމް އަހުމަދު އިސްތިއުފާ ދެއްވައިފި

https://sun.mv/100876

މައްޗަންގޮޅި ދެކުނު ދާއިރާގެ މެމްބަރު އަބްދުﷲ ސިނާން ބަންދުގައި ބަހައްޓަންޖެހޭ ސަބަބެއް ނެތް ކަމަށް ކްރިމިނަލް ކޯޓުން ވަނީ ކަނޑައަޅާފައި

މެމްބަރު ސިނާން ދޫކޮށްލަން ކޯޓަށް އަމުރު ކޮށްފި

ސުޕްރީމް ކޯޓު ކައިރީ ހަރަކާތްތެރިވި ބައެއް މަޖިލިސް މެމްބަރުންގެ ލޮލަށް ޕެޕަސްޕްރޭ ޖަހައިފި

ސުޕްރީމް ކޯޓު ކައިރިއަށް އިދިކޮޅު ބައެއް މަޖިލިސް މެމްބަރުންނާއި ސަޕޯޓަރުން އެއްވެއްޖެ

ސުޕްރީމް ކޯޓުގެ ހުކުމް ތަންފީޒު ކުރުމަށް އެ ކޯޓުން އިންޑިއާގެ އެހީތެރިކަމަށް އެދިފައި ނުވާނެ ކަމަށް ޑިޕާޓްމެންޓް އޮފް ޖުޑިޝަލް އެޑްމިނިސްޓްރޭޝަނުން ބުނެފި

އަމުރާ ގުޅިގެން ޕީޖީން ހުށައަޅާފައިވާ ކަންކަމަށް ސުޕްރީމް ކޯޓުން ފައުވާއެއް ހޯދައިދީފައި ނުވާތީ އެކަމުގެ ކަންބޮޑުބުން ވެސް ރައީސް ވަނީ ފާހަގަ ކުރައްވާފައި .

ސުޕްރީމް ކޯޓުގެ ހުކުމާ ގުޅިގެން ދައުލަތުގެ ހިންގުމުގެ ބާރު އޮޅުންބޮޅުންވެ ގައުމީ ސަލާމަތަށް ނުރައްކާވެފައިވާ ކަމަށް ރައީސް ޔާމީންގެ ސިޓީގައި ވަނީ ފާހަގަ ކުރައްވާފައި.

ގާނޫނޫގެ ތެރެއިން އެ އަމުރު ތަންފީޒު ނުކުރެވޭނެ ކަމަށް ޕީޖީ ވަނީ ލަފާ ދީފައި

އެ އަމުރާ އެއްގޮތަށް ދައުލަތް ހިންގަން ފަށައިފި ނަމަ ދައުލަތުގެ ބާރު ކެނޑިދާނެ

ޖުޑޝަލް ސާވިސް ކޮމިޝަންްގެ ބާރު ނުކެޑޭ ގޮތަށް އަމުރު ބަދަލުކުރަން އެދިފައިވޭ

ދެންނެވި ތިން ނުކުތާއަށް ބަލައި ސުޕްރީމް ކޯޓުގެ އަމުރު ބާތިލުކުރަން ރައީސް ވަނީ އެދިވަޑައިގެންފައި

އަމުރުގައި ހުރި ބައެއް ގާނޫނީ މައްސަލަތައްތަކުގެ ތެރޭގައި ހުކުމެއްގައި ތިބި ކުށްވެރިންތަކެއް ހުކުމް ތަންފީޒުކޮށް ނުނިމެނީސް ދޫކޮށްލުން ހިމެނޭ ކަމަށް އާޒިމާ ވިދާޅުވި

https://sun.mv/100873

ތިން މައްސަލަ ވެސް ފޮނުވާފައި ވަނީ ރައީސުލްޖުމުހުރިއްޔާއަށް ލިބިފައިވާ ބާރާއި ގާނޫނު އަސާސީގެ ދަށުން މަތިކުރުވާފައިވާ ކަންތައްތަކުގެ ތެރެއިން މިހާރު ދިމާވެގެން އުޅޭ މައްސަލަައާ ގުޅޭ ހައްލެއް ހޯދުމަށް.

ސުޕްރީމް ކޯޓުގެ ހުކުމާ ގުޅިގެން ރައީސް އަބްދުﷲ ޔާމީންގެ ފަރާތްޕުޅުން ތިން ސިޓީއެއް އުއްތަމަ ފަނޑިޔާރު އަބްދުﷲ ސައީދަށް ފޮނުވައިފި

ސަރުކާރުން ބާއްވާ ޕްރެސް ކޮންފަރެންސް އެއް ކުރިއަށް ދަނީ. ޕްރެސް ކޮންފަރެންސު ދެއްވަނީ ރައީސް އޮފީހުގެ ލީގަލް އެފެއާޒް މިނިސްޓަރު އާޒިމާ ޝުކޫރު.

ވަޅި ހިފައިގެން ތިބި ބަޔަކު ކުރީގެ ރައީސް މައުމޫން ދިރިއުޅުއްވާ ގެ ކައިރި އަޑުގަދަ ކޮށް އިންޒާރު ދިން މައްސަލަ ބަލައިދިނުމަށް އެމަނިކުފާނު ގޮވާލައްވައިފި.

ރައްޔިތުންގެ މަޖިލީހުގެ މަންޗަންގޯޅި ދެކުނު ދާއިރާގެ މެންބަރު އަބްދުﷲ ސިނާންއާއި ދަނގެތި ދާއިރާގެ މެންބަރު އިލްހާމް އަހުމަދުގެ ބަންދާ މެދު ގޮތެއް ނިންމުމަށް ކޯޓަށް ހާޒިރުކޮށްފި.

ކްރިމިނަލް ކޯޓް ހިމެނޭ ސަރަހައްދުގައި އިދިކޮޅު އިއްތިހާދުން ދަނީ ހަރަކާތްތެރިވަމުން.

ފުލުހުން މިހާރުވަނީ އެ ސަރަހައްދުގައި ތިބި މީހުން ފަހަތަށް ޖައްސަން ފަށާފައި.

ދިވެހި ގައުމުގެ އަމާންކަމާއި މަސްލަހަތު ހިމާޔަތްކުރުމަށް ފުލުހުންގެ ސަފުތައް ހިތްވަރާއެކު ރުކުރުވާލެވިފައިވާ ކަމަށް އެ އިދާރާއިން ބުނެފި.

ސުޕްރީމް ކޯޓަކީ ރާއްޖޭގެ އެންމެ މަތީ ކޯޓު. ސުޕްރީމް ކޯޓުގެ ނިންމުމަކީ އެންމެ ފަހުގެ ނިންމުން ކަމަށް ދިވެހި ޖުމްހޫރިއްޔާގެ ގާނޫނު އަސާސީގައި އެވަނީ ކަނޑައެޅިގެން ބަޔާންކޮށްފައި. އެހެންވީމަ އަޅުގަނޑުމެން ދަންނަވާނީ ސުޕްރީމް ކޯޓުން ނިންމާ ނިންމުންތަކަކީ ނެރޭ އަމުރުތަކަކީ ކުރާ ހުކުމްތަކަކީ އެއަށް އަމަލުކުރުން ލާޒިމް އެއްޗެކޭ.

އަޅުގަނޑުމެންގެ އިލްތިމާސަކީ އާންމުންގެ ހިތްތަކުގައި ނުތަނަވަސްކަން އުފެދޭގޮތަށް މިފަދަ މައުލޫމާތު ފަތުރަމުން ނުގެންދިޔުން.

ޚާއްސަކޮށް ސުޕްރީމް ކޯޓާ މެދު އާންމުންގެ މެދުގައި އޮންނަ އިތުބާރާއި ޔަގީންކަން ކުޑަވާގޮތަށް ކުރެވޭ މިފަދަ އަމަލުތައް ވެގެންމިދަނީ ކޯޓުގެ ހުރުމަތް ރައްކާތެރިކުރުމާ ބެހޭ ގަވާއިދާ ޚިލާފު އަމަލުތަކެއްގެ ގޮތުގައި. އެހެންވީމަ މިފަދަ އަމަލުތައް ކުރާ ފަރާތްތަކާ މެދު ސުޕްރީމް ކޯޓުގެ ފަރާތުން ގާނޫނާއި ގަވާއިދުގެ ތެރެއިން އެޅެންހުރި ފިޔަވަޅުތައް އަޅުއްވަމުން ގެންދާނެ.

ޝަރުއީ ދާއިރާއާ މެދު އާންމުންގެ ހިތްތަކުގައި ޝައްކާއި ވަހުމު އުފެދޭގޮތަށް ބައެއް ފަރާތްތަކުން ކުރަމުންދާ ކަންތައްތަކާ މެދު ހިތާމަކުރަން.

ޝަރުއީ ދާއިރާގެ ފަރާތުން އާންމުންނާ ހަމައަށް ފޯރުކޮށްދޭ މައުލޫމާތު މި ފޯރުކޮށްދެނީ ޝަރުއީ ދާއިރާގެ ވެބްސައިޓާއި ސުޕްރީމް ކޯޓުގެ ވެބްސައިޓް އަދި ޝަރުއީ ދާއިރާގެ ޓްވީޓާ އެކައުންޓް މެދުވެރިކޮށް. އެހެންވީމަ އެނޫންގޮތަކަށް އަޅުގަނޑުމެންގެ ސައިޑުން އާންމުންނާ ހިއްސާކުރަން ބޭނުންވާ މައުލޫމާތެއް އެހެން ރޫޓަކުން ނުދާނެ ވާހަކަ ދަންނަވަން.

ޖުޑިޝަރީގެ ސްޕޯކްސް ޕާސަން ފައިސަލް އާދަމް ސަންއަށް ބަސްދީގަތުން ދެއްވަނީ -- ސަން ފޮޓޯ

ޕީޕީއެމުން ކުރިއަށް ގެނދިޔަ ޖަގަހަ ޖަލްސާ ނިންމާލައިފި. ޖަލްސާގައި ޕީޕީއެމްގެ މަޖިލިސް މެމްބަރުންނާއި ކެބިނެޓް މިނިސްޓަރުންނާއި ގިނަ އަދަދެއްގެ ޕީޕީއެމް މެމްބަރުން ބައިވެރިވި. ވާހަކަފުޅު ދެއްކެވި ފަރާތްތަކުން ވަނީ އުއްތަމަ ފަނޑިޔާރައި ސުޕްރީމް ކޯޓުގެ ފަނޑިޔާރުންނަށް ފާޑު ވިދާޅުވެފައި

https://sun.mv/100849

ބަންޑާރަ ނައިބު ހައްޔަރުގައި ބަހައްޓައިގެން ސުޕްރީމް ކޯޓަށް ހާޒިރުކުރުމަށް އަމުރުކޮށް ނެރެފައިވާ ކަމަށް ބުނެ، މިހާރު ސޯޝަލް މީޑިއާގައި ދައުރުވަމުން ދަނީ ސައްހަ ނޫން ކޯޓު އަމުރެއް ކަމަށް ޑިޕާޓްމެންޓް އޮފް ޖުޑިޝަލް އެޑްމިނިސްޓްރޭޝަނުން ބުނެފި

ސުޕްރީމް ކޯޓުން މިިދިޔަ ބުރާސްފަތި ދުވަހު ނެރުނު އަމުރު ތަންފީޒުކުރުމަށް ގާނޫނީ ގޮތުން އެއްވެސް ހުރަހެއް ނެތް ކަމަށް ސުޕްރީމް ކޯޓުން ދާދި ދެންމެއަކު ބުނެފި.

ޔޫތު މިނިސްޓްރީގެ ކޯޑިނޭޓަރު އިބްރާހިމް އިސްމާއިލް ވިދާޅުވީ ޒުވާނުން މުޒާހަރާ ކުރިޔަށް ގެންދިޔައީ ވަރަށް ސުލްހަވެރިކަމާ އެކު ކަމަށާއި، މުޒާހަރާ ކުރިޔަށް ގެންދިއުމަށް ފުލުހުންނާއި ސިފައިން ދިން އެއްބާރުލުމަށް ޝުކުރު އަދާކުރާ ކަމަށް.

އަދި މާލޭގެ ސުލްހަ މަސަލަސްކަން ނަގާލަން ބަޔަކު އުޅޭނަމަ ކުރިޔަށް އޮތް ތަނުގައިވެސް ޒުވާނުން މިފަދަ ހަރަކާތްތައް ކުރިޔަށް ގެންދާނެ ކަމަށް ޔޫތު މިނިސްޓްރީގެ ކޯޑިނޭޓަރު ވިދާޅުވި.

ޕީޕީއެމްގެ ޒުވާނުންގެ ގޮފީގެ ރައީސް އިބްރާހިމް ޔޫސުފް ވިދާޅުވީ އެ މުޒާހަރާއަކީ ފަނޑިޔާރުންނަށް ނުފޫޒު ފޯރުވުމާ ދެކޮޅަށް ހިންގާ ހަރަކާތެއް ކަމަށް.

https://sun.mv/100839

ރޭ ސަލްސާ ރޯޔަލް ކައިރިން މުޒާހަރާ ކުރަނިކޮށް ހައްޔަރުކުރި އައިމިނަތު ނާދިރާ ކްރިމިނަލް ކޯޓުން ދޫކޮށްލައިފި

ރައީސް ޔާމީނަށް ތާއިދުކޮށް ގިނަ އަދަދެއްގެ ޒުވާނުން ހުޅުމާލޭގައި ސައިކަލު ބުރެއް ކުރިއަށްދަނީ.

ސައިކަލު ބުރުގައި އިސްކޮށް އުޅުއްވަނީ ދައުލަތުގެ ބައެއް ވަޒީރުންގެ އިތުރުން ރައްޔިތުންގެ މަޖިލީހުގެ ނައިބު ރައީސް ރީކޯ މޫސާ މަނިކު.