ރާއްޖޭގައި ކުއްލި ނުރައްކަލުގެ ހާލަތު އިއުލާނުކޮށްފި. ކުއްލި ނުރައްކަލުގެ ހާލަތު އިއުލާނުކޮށްފައި ވަނީ 15 ދުވަހުގެ މުއްދަތަށް. މިއާއެކު ގާނޫނު އަސީން ލިބިދީފައިވާ ބައެއް ހައްގުތަކާއި ބައެއް ގާނޫނުތައް ވަނީ ހިފަހައްޓައިފައި.
ރާއްޖޭގައި ކުއްލި ނުރައްކަލުގެ ހާލަތު އިއުލާނުކޮށްފި. ކުއްލި ނުރައްކަލުގެ ހާލަތު އިއުލާނުކޮށްފައި ވަނީ 15 ދުވަހުގެ މުއްދަތަށް. މިއާއެކު ގާނޫނު އަސީން ލިބިދީފައިވާ ބައެއް ހައްގުތަކާއި ބައެއް ގާނޫނުތައް ވަނީ ހިފަހައްޓައިފައި.
މަޖިލިސް ތެރޭގައި ސަރުކާރުގެ އަގުލަބިއްޔަތު ގެއްލިގެނެއް ނުދޭ
ރައީސް އައިސް ބަޔާން ނުއިއްވާ ހިނދަކު މަޖިލީހެއް ނުހުޅުވޭނެ
ގަރާރާ މެދު ހިތްހަމަ ނުޖެހޭ ބަޔަކު މަޖިލީހުގެ ތަޅުމަށް ހާޒިރުވެ ނޫނެކޭ ބުނާނެ. އިދިކޮޅު މެމްބަރުން މަޖިލީހަށް ހާޒިރު ނުވާތީ އޭގެ މާނައަކީ އެބޭފުޅުން ހިތްހަމަ ނުޖެހެނީއޭ ވެސް ނޫނޭ
ޕީޕީއެމްގެ އެއް މެމްބަރު ފިޔަވައި ހުރިހާ މެމްބަރުން މަޖިލީހަށް މިއަދު ހާޒިރުވި
ކުއްލި ނުރައްކަލުގެ ހާލަތު ބަޔާންކޮށް ރައީސުލްޖުމްހޫރިއްޔާ މަޖިލީހަށް ފޮނުއްވި މައްސަލަ މަޖިލީހުގެ ގައުމީ ސަލާމަތީ ކޮމެޓީގެ އަގުލަބިއްޔަތުން ފާސްކޮށްފި
މަޖިލިސް ޗުއްޓީގައި އޮންނަ އިރު އިދިކޮޅު ފަރާތްތަކަށް އަގުލަބިއްޔަތު އޮންނާނެ. މަޖިލިސް ހިނގާއިރު އަޣުލަބިއްޔަތު އޮންނާނީ އަޅުގަނޑުމެންގެ.
ޕީޕީއެމްއިން ބާއްވާ ނޫސްވެރިންގެ ބައްދަލުވުމެއް ފަށައިގެން ކުރިޔަށް އެބަދޭ.
ކޮމިޓީން ގަރާރާ ގުޅޭ މަސައްކަތް ނިންމައި މަޖިލީހަށް ހުށަހަޅައިގެން ފާސްކުރާއިރު 43 މެމްބަރުން މަޖިލީހުގެ ތަޅުމުގައި ތިބޭނެ
ކުއްލި ނުރައްކަލުގެ ހާލަތުގެ ގަރާރު ފާސްކުރާއިރު ނުވަތަ ބަަދަލެއް ގެނެސް މުއްދަތު އިތުރުކޮށް މަޖިލީހުން ފާސްކުރާއިރު 43 މެމްބަރުން މަޖިލީހުގައި ހާޒިރުވެ ތިބެންޖެހޭނެކަން ގަބޫލުކުރައްވާ ކަމަށް ނިހާން ވިދާޅުވި
މަޖިލީހުގެ މެޖޯރިޓީ ލީޑަރު އަދި ވިލިމާލޭ ދާއިރާގެ މެމްބަރު އަހުމަދު ނިހާން ހުސައިން މަނިކު 'ސަން' އަށް ވިދާޅުވީ މިއަދު މަޖިލީހުން ބޭއްވީ އާންމުކޮށް މަޖިލީހަށް ހުށަހަޅާ ކަމެއް ބަލައިގަތުމަށް ބާއްވާ ޖަލްސާއެއް ކަމަށް. އަދި އެއީ ގާނޫނުއަސާސީގެ 87 ވަނަ މާއްދާގެ (ށ) ގައި ބުނާ ފަދަ ނިންމުމެއް ނިންމަން ބޭއްވި ޖަލްސާއެއް ނޫން ކަމަށް.
ގައުމީ ސަލާމަތު ކޮމިޓީ ބައްދަލުވުން ފަށައިފި. ކޮމިޓީ ކުރިޔަށް ދަނީ ސިއްރުކޮށްގެން.
އިދިކޮޅު މެމްބަރުން ވިދާޅުވަމުން ދަނީ މިއަދުގެ ޖަލްސާއަށް ނުދިޔައީ ގާނޫނާ ޚިލާފަށް ކުރާ ކަމަކަށް ގާނޫނީ ހައިސިއްޔަތު ދޭން ބޭނުން ނުވާތީ ކަމަށް. އަދި ގޮނޑި ގެއްލިފައިވާ ކަމަށް ކަނޑައަޅާފައިވާ 12 މެމްބަރުން މަޖިލީހަށް ނުވައްދަން މަސައްކަތްކުރި ހުރިހާ ފަރާތަކުން ތިބީ ގާނޫނާ ޚިލާފުވެފައި ކަމަށް.
އިދިކޮޅު ފަރާތްތަކުން މިވަގުތު ދަނީ ނޫސްވެރިންގެ ބައްދަލުވުމެއް ބާއްވަމުން.
ގައުމީ ސަލާމަތު ކޮމިޓީގެ ބައްދަލުވުން 2:00 އަށް ތާވަލުކޮށްފި.
ކޮމިޓީއަށް ހުށަހަޅާފައިވަނީ ކުއްލި ނުރައްކަލުގެ ހާލަތު 30 ދުވަހުގެ މުއްދަތަށް އިތުރުކުރުމުގެ މައްސަލަ.
މެމްބަރު ނިހާން ހުށަހެޅުއްވި ކުއްލި ނުރައްކަލުގެ ހާލަތު 30 ދުވަހުގެ މުއްދަތަށް އިތުރުކުރުމުގެ މައްސަލަ ގައުމީ ސަލާމަތުގެ ކޮމިޓީއަށް ފޮނުވުމަށް މަޖިލީހަށް ހާޒިރުވެ ތިބި 38 މެމްބަރުންގެ އިއްތިފާގުން ފާސްކޮށްފި
ދައުރުން ބޭރުގައި ޖަލްސާ ބާއްވައިގެން އެ ކުރަނީ ގާނޫނާ ޚިލާފު ކަމެއް
ބަހުސްގެ މަރުހަލާ ނިމުނުކަން މަޖިލީހުން ނައިބު ރައީސް މޫސާ މަނިކު އިއުލާނުކުރައްވައިފި
ގަރާރުގެ ވަކި މާއްދާތަކެއް ބަލައިގަނެ ވަކި މާއްދާތަކެއް ބަލައިނުގަތުމުގެ ބާރު މަޖިލީހަށް ލިބިގެންވޭ. އަޅުގަނޑު އުންމީދު ކުރަން އެ ބަދަލުތައް ކޮމިޓީން ގެންނަވާނެ ކަމަށް ތަޅުމަށް ހުށަހެޅުމުގެ ކުރިން
ކުއްލި ހާލަތުގެ ގަރާރުގެ ދަށުން މަޖިލީހަށް ލިބިގެންވާ ބައެއް ބާރުތަކާއި އަދުލު އިންސާފުގެ ދާއިރާއަށް ލިބިގެންވާ ބާރުތައް ހިފެހެއްޓޭނެ ކަމަށް ގަބޫލެއް ނުކުރަން. އެހެންވީމަ ގަރާރުގެ ބައިތަކަށް ކޮމިޓީން އިސްލާހު ގެނައުމަށް އަޅުގަނޑު އެދެން.
ކުއްލު ނުރައްކަލުގެ ހާލަތު 30 ދުވަހުގެ މުއްދަތަށް އިތުރުކުރަން ހުށަހެޅި ހުށަހެޅުން ގައުމީ ސަލާމަތުގެ ކޮމިޓީއަށް ފޮނުވަން ނިހާން ވަނީ ހުށަހަޅުއްވާފައި. އަދި އެ ހުށަހެޅުއްވުމަށް ކެލާ ދާއިރާގެ މެމްބަރު އަލީ އާރިފު ވާނީ ތާއީދު ކުރައްވާފައި.
ހިތާމައާއެކު ފާހަގަކޮށްލަން ޖެހޭ. ބައެއް މެމްބަރުން މިކަމުގައި ބައިވެރި ނުވާކަން. ރައްޔިތުން ހާލުގައި ޖެހުނު ދުވަހު ބޮލާލާ ޖެހުން ކަހަލަ ކަމެއް.
ގައުމަށް މިއަދު ކުރިމަތިވި މައްސަލަ ކުރިމަތިވީ ގައުމަށް ގައްދާރުވި ބައެއްގެ ސަބަބުން. އެއީ ޕާޓީ ބަދަލުކޮށް ދިޔަ މަޖިލިސް މެމްބަރުންގެ ސަބަބުން. 12 މެމްބަރުން ވަނީ ގައުމަށް ގައްދާރުވެފައި.
ކުއްލި ނުރައްކަލުގެ ހާލަތު 30 ދުވަހަށް އިތުރުކުރުމަށް ހުށަހެޅުއްވީ ހާލަތަށް ހެޔޮ ބަދަލެއް އައިސްފައި ނުވާތީކަމަށް ރައްޔިތުންގެ މަޖިލީހަށް އެމަނިކުފާނު ފޮނުއްވި ސިޓީގައިވޭ.
މިއަދު ވޯޓުގައި ބައިވެރިނުވާ ކޮންމެ މެމްބަރަކީ ގައުމަށް ގައްދާރުވި މީހެއް ކަމަށް ރިފާއު ވިދާޅުވި. އަދި ގައުމަށްޓަކައި ޕީޕީއެމް އެމްޑީއޭގެ މަޖިލިސް މެމްބަރުން ނުކުންނާނެކަން ފެނިގެންދާނެ ކަމަށް ވިދާޅުވި
ގައުމު ދެކެ ލޯބިވާ ބައެއްގެ ހައިސިއްޔަތުން ގައްދާރުންގެ ދިފާއުގައި ނުކުތުމަކީ އަޅުގަނޑުމެންގެ ވާޖިބެއް. އަޅުގަނޑުމެންނަށް މި ފެންނަނީ ގައުމުގައި ވެރިކަން ކޮށްފައި ތިބި ބަޔަކު އެހެން ގައުމުތަކުގެ ހާއިނުން މިގައުމަށް އަރަން ގޮވާލާ މަންޒަރު. އެހެން ގައުމެއްގެ ޑިފެންސް މިނިސްޓަރާ ބައްދަލުކުރާ މަންޒަރު
އަޅުގަނޑުމެން ހުރިހާ ދިވެހި ރައްޔިތުންގެ ކިބައިން މި އެދެނީ މިގައުމު ސަލާމަތް ކޮށްދޭށޭ
ކުއްލި ނުރައްކަލުގެ މުއްދަތު 30 ދުވަހުގެ މުއްދަތަށް އިތުރު ކުރަން މަޖިލީހަށް ހުށަހަޅައިފި
އިދިކޮޅު މެމްބަރުން މަޖިލީހުގެ ޖަލްސާ ބޮއިކޮޓް ކޮށްފި
އިދިކޮޅު މަޖިލިސް މެމްބަރުން ޖަލްސާ ބޮއިކޮޓް ކުރަން ނިންމާފައިވާކަމަށް މަޖިލީހުގެ ގަލޮޅު ދެކުނު ދާއިރާގެ މެމްބަރު އަހުމަދު މަހުލޫފު ވިދާޅުވެއްޖެ.
މަހުލޫފު ވިދާޅުވީ ބޮއިކޮޓް ކުރަން ނިންމީ އެއީ ގާނޫނާއަސާސީއާ ހިލާފަށް ބާއްވާ ޖަލްސާއަކަށް ވަތީ ކަމަށް.
ރައްޔިތުން އަމަލުކުރަން ކުރަން ޖެހޭ ކަމެއް މަޖިލީހުން ނިންމާއިރު 43 މެމްބަރުން މަޖިލީހަށް ހާޒިރުވެ ތިބެން ޖެހޭނެ ކަމަށް ގާނޫނުއަސާސީގައި ބުނެފައިވާ ކަމަށް މަހުލޫފު ވިދާޅުވި.
މަޖިލީިހުގެ އަމީން އާންމުގެ ނައިބު މިވަގުތު ދަނީ ކުއްލި ނުރައްކަލުގެ ހާލަތުގެ ގަރާރު މަޖިލީހަށް ހުށަހަޅުއްވަނީ.
އިދިކޮޅު މެމްބަރުން މިއަދުގެ ޖަލްސާއަށް މަޖިލީހަށް ހާޒިރުވި ނަމަވެސް އަދި ޗަމްބަރު ތެރެއަށް ވަދެވަޑައެއް ނުގަންނަވާ
މަޖިލީހުގެ ޖަލްސާގައި މިވަގުތު ހާޒިރުވެ ތިބީ 39 މެމްބަރުން
މަޖިލީހުގެ ޖަލްސާ ފަށައިފި.
މި ޖަލްސާއަށް، ގޮނޑި ގެއްލިފައިވާ ކަމަށް އިލެކްޝަންސް ކޮމިޝަނުން ކަނޑައެޅި މެމްބަރުންގެ ތެރެއިން އިހަވަންދޫ ދާއިރާގެ މެމްބަރު މުހައްމަދު އަބްދުﷲ (މުހައްމާ) އަދި މަޑުއްވަރީ ދާއިރާގެ މެމްބަރުން މުހައްމަދު އަމީތު ވަނުމަށް މަސައްކަތް ކުރި.
އެހެން ނަމަވެސް ނަމަވެސް ސެކިއުރިޓީ ބަލަހައްޓާ ފަރާތްތަކުން އެ މެމްބަރުންނަށް ނުވަދެވޭނެ ކަމަށް އެންގި.
އެ މެމްބަރުންނަށް މަޖިލީހުން ޖަލްސާ ފުރަތަމަ އެޖެންޑާކޮށް ދައުވަތު ދިން ނަމަވެސް ސުޕްރީމް ކޯޓުން އެއީ މެމްބަރުން ކަމަށް ބުނެ ކުރި ހުކުމް ތަންފީޒު ކުރުން ފަސްކުރަން އަމުރު ކުރުމުން ދައުވަތު ވަނީ އަނބުރާ ގެންގޮސްފައި
މަޖިލީހުގެ އިދާރާ ހިމެނޭ ހުރިހާ މަގެއް ވަނީ ބަންދުކޮށް، އެސަރަހައްދުގެ ސެކުއިރިޓީ ވަރަށް ބޮޑަށް ވަރުގަދަކޮށްފައި
ނަޖްމާ އިބްރާހިމްގެ ގެއިން ފެނުނު ކަޅު ފޮށިން ވަނީ މިކަމާ ގުޅޭ ވަރަށް ގިނަ ކިތާބީ ހެއްކާއި ގަރީނާ ލިބިފަ. މީގެ ތެރެއިން އެއް ޑޮކިއުމެންޓަކުން ވަރަށް ސާފުކޮށް އަޅުގަނޑުމެނަށް އެނގެން އެބައޮވޭ ފާރިސް މައުމޫން، މައުމޫން އަބްދުލް ގައްޔޫމް މެދުވެރިކޮށް ސުޕްރީމް ކޯޓުގެ ދެ ފަނޑިޔާރުން ކަމަށްވާ އަބްދުﷲ ސައީދާއި އަލީ ހަމީދު ބައްދަލުކޮށް ސުޕްރީމް ކޯޓުގެ ނިންމުންތަކަށާއި ފަނޑިޔާރުންނަށް ނުފޫޒު ފޯރުވުމަށް މަސައްކަތް ކުރިކަން އަޅުގަނޑުމެނަށް ވަނީ ފާހަގަކުރެވިފައި.
މީގެ އިތުރުން ރިޝްވަރުގެ ގޮތުގައި ލިބިފައިވާ ފައިސާ ބޭނުން ކޮށްގެން ރާއްޖެއިންނާއި ރާއްޖޭން ބޭރުން އަގުބޮޑެތި ޕްރޮޕަޓީސް ގަތުމަށް އެތަންތަން ބަލަން ދަތުރުކޮށް އެ ތަންތަނަށް ޒިޔާރަތްކޮށް މި ވިޔަފާރިތައް މި ގޮތަށް ހިންގާކަމުގެ ކިތާބީ ހެކި ވަނީ ލިބިފަ. މީގެ އިތުރުން އަބްދުﷲ ސައީދުގެ މައްޗަށް ކުރޭ އަނެއް ތުހުމަތަކީ ދައުލަތް ހިންގުމަށް ގަސްތުގައި ހުރަސް އަޅައި، އަދި މިކަންކަން މިގޮތަށް ކުރުމަށް ސުޕްރީމް ކޯޓުގެ އައިޓީ ވިއުގަ ހުއްޓުމަކަށް ގެނައުމަށް މަސައްކަތް ކޮށްފައިވަނީ ސީދާ އަބްދުﷲ ސައީދުގެ އަމުރުގެ ދަށުން ކަމަށް ވަނީ ޔަގީން ކުރެވިފައި.
ރާއްޖޭގެ ބޮޑު ކުންފުންޏަކުން ސުޕްރީމް ކޯޓުގެ ފަނޑިޔާރުންނަށް ނާޖާއިޒް މަގްސަދެއް ހިމެނޭ ގޮތަށް ދިން ކަމަށް ތުހުމަތު ކުރެވޭ 2.4 މިލިއަން ޑޮލަރުގެ އެއް ބެނިފެޝަރީ އަކީ އަބްދުﷲ ސައީދުކަން އަޅުގަނޑުމެންގެ ތަހުގީގަށް ވަނީ ޔަގީން ކުރެވިފައި.
މައްސަލައިގެ ތަހުގީގަށް ބޮޑެތި ކުރިއެރުންތަކެއް ވަނީ ލިބިފަ. މީގެ އިތުރަށް ފުލުހުންގެ ތަހުގީގަށް ބަންދުކުރެވިފައިވާ ފަރާތްތައް ފުލުހުންގެ ތަހުގީގަށް އެއްބާރުލުން ނުދޭކަން ފާހަގަކޮށްލަން. އެގޮތުން މި މައްސަލާގައި ހެކި ދިނުމަށް ބައެއް ފަރާތްތަކުން އިންކާރުކޮށްފައިވާތީ އެ ފަރާތްތައް ފުލުހުންގެ ދައުރު އަދާކުރުމަށް ހުރަސް އަޅަމުންދާ ކަމުގެ މައްސަލަ ތަހުގީގުކޮށް މި ހަފްތާ ތެރޭގައި ޕީޖީ އަށް ފޮނުވުމުގެ މަސައްކަތް ކުރަމުން މިދަނީ.
ގާނޫނީ ގޮތުން އުފެދިފައިވާ ސަރުކާރެއް ގާނޫނާ ހިލާފަށް ވައްޓާލަން އުޅުމުގެ ތުހުމަތުގައި މިހާތަނަށް ހައްޔަރުކޮށްފައިވާ ފަރާތްތަކަކީ، މައުމޫން އަބްދުލް ގައްޔޫމް، އަބްދުﷲ ސައީދު، އަލީ ހަމީދު މުހައްމަދު، ހަސަން ސައީދު ހުސައިން، އަބްދުﷲ ސިނާން، އިލްހާމް އަހުމަދު، އިބްރާހިމް ސިޔާދު ގާސިމް، ފާތިމަތު ނާސިރާ، އަހުމަދު ފާރިސް މައުމޫން، ނަޖުމާ އިބްރާހިމް، މުހައްމަދު އަޒްމީ، މުހައްމަދު ނަދީމް، ސްރީލަންކާގެ ރައްޔިތެއް ކަމަށްވާ ބޮނިއާ ސުދާގަރު. މިއީ މިވަގުތު ފުލުހުންގެ ބަންދުގައި ތިބި މި މައްސަލާގައި ސުވާލު ކުރަމުންދާ ފަރާތްތައް
އިންޑީއާއިން ރާއްޖެއަށް ސިފައިން ނުފޮނުވާނޭ ކަމުގެ ޔަގީންކަން ލިބިފައިވާ ކަމަށް މިނިސްޓްރީ އޮފް ޑިފެންސް އެންޑް ނޭޝަނަލް ސެކިއުރިޓީން ބުނެފި.
ޑިފެންސުން ނެރުނު ބަޔާނެއްގައި ބުނެފައި ވަނީ، ދިވެހިރާއްޖެއާ އިންޑިއާ އަކީ، ޒަމާނުއްސުރެ ވަރަށް ބަދަހި ގުޅުމެއް ގާއިމުކުރެވިފައިވާ އަދި މިހާރުވެސް އެ ގުޅުން ދަމަހައްޓަމުންދާ ދެ ގައުމަށް ވާތީވެ، އިންޑިއާއިން ސިފައިން ރާއްޖެއަށް ނުފޮނުވާނޭ ކަމުގެ ފުރިހަމަ ޔަގީންކަން ދިވެހި ސަރުކާރަށް ލިބިފައިވާ ކަމަށެވެ. އަދި މިފަދަ ވާހަކަތަކަކީ، އިންޑިއާއާއި ދިވެހިރާއްޖެއާ ދެމެދު އޮންނަ ޒަމާންވީ ގުޅުމާ މެދު ސުވާލުއުފެއްދުމުގެ ނިޔަތުގައި ދައްކާ ވާހަކަތަކަކަށް ވުމާއެކު އެފަދަ ވާހަކަތައް ނުދެއްކުމަށް އިލްތިމާސް ކުރާ ކަމަށެވެ.
ސަރުކާރު ވައްޓާލަން އުޅުނު މައްސަލާގައި 13 މީހަކު ހައްޔަރުކޮށްފައިވާ ކަމަށް މޯލްޑިވްސް ޕޮލިސް ސާވިސް އިން ބުނެފި
ފުލުހުން ބާއްވާ ނިއުސް ކޮންފަރެންސެއް ކުޑަ ވަގުތުކޮޅެއްގެ ތެރޭގައި ފެށޭނެ
މިހާރު ކުރިއަށްދާ ތަހުގީގުތަކާ ގުޅޭގޮތުން މީޑިއާތަކަށް މައުލޫމާތު ދިނުމަށް މިއަދު 3:45ގައި އިސްކަންދަރު ކޮށީގައި ޕްރެސް ކޮންފަރެންސެއް ބާއްވަނީ.
ކުއްލި ނުރައްކަލުގެ ހާލަތު އިއުލާނު ކުރުމާ ގުޅިގެން ފުލުހުން ބަންދުކޮށްފައި ތިބޭ މީހުންނާއި އެ މީހުންގެ ވަކީލުންނާ ބައްދަލު ކުރަން ލިބޭނީ ދުވާލަކު 30 މިނިޓް ކަމަށް ފުލުހުން ބުނެފި.
އިންޑިއާ އިން ރާއްޖޭގެ ހާލަތާ މެދު ކަންބޮޑުވާ ނަމަވެސް، ޗައިނާއިން ރާއްޖޭގައި ތަރައްގީގެ މަޝްރޫއުތައް ހިންގަން ޝައުގުވެރިވާ ކަމަށާއި އެކަމަށް ވެސް ފުރުސަތު ދޭން ޖެހޭ ކަމަށް ފިޝަރީޒް މިނިސްޓަރު ޑރ. މުހައްމަދު ޝައިނީ ވިދާޅުވެއްޖެ.
ސަރުކާރު ވައްޓާލަން އުޅުނު ކަމުގެ ތުހުމަތުގައި ހައްޔަރު ކުރި ސްރީލަންކާގެ ޕޮނިއާ ސުދާގަރަށް ވަކީލެއްގެ ފުރުސަތު ނުދޭ ކަމަށް ބުނެ މައްސަލާގައި ސްރީލަންކާގެ ބައިވެރި ވުމަށް ވަކީލުން އެދެފި.
ސަރުކާރުން އިސްތިއުފާ ދޭން ތައްޔާރަށް ހުންނެވި ކަމުގެ އިޝާރާތެއް ކުރައްވައި، ހެލްތު މިނިސްޓްރީގެ ސްޓޭޓް މިނިސްޓަރު ދުންޔާ މައުމޫން ޗުއްޓީއަށް ވަޑައިގެންފި.
ރާއްޖޭގެ ހާލަތު ހަލަބޮލިވެފައިވާ ދަނޑިވަޅެއްގައި އިންޑިއާއިން ރާއްޖެއަށް ސިފައިން ފޮނުވަން ނިންމައިފި ނަމަ ޗައިނާއިން އެކަން ހުއްޓުވާނެ ކަމަށް އެގައުމުން ބުނެފި.
ރާއްޖޭގެ އަމާންވެށި މިގޮތުގައި ދެމެހެއްޓުމަށް ފުލުހުންނާއިއެކު މަސައްކަތް ކުރަމުން އަންނަ ކަމަށް މޯލްޑިވްސް ނޭޝަނަލް ޑިފެންސް ފޯސް އިން ބުނެފި
ގައުމުގެ އަމަންއަމާންކަން ނަގާލައި ގައުމު ހަލަބޮލި ކުރުމަށް ކުރާ ކަންކަން ފުލުހުން ބަލައެއް ނުގަންނާނެ ކަމަށާއި އެފަދަ ކަންކަން ނުކުރުމަށް އިލްތިމާސްކުރާ ކަމަށް މޯލްޑިވްސް ޕޮލިސް ސާވިސް އިން ބުނެފި
މި މަހުގެ 19 ވަނަ ދުވަހު ސަލާމަތީ ބާރުތަކާއި ކުރިމަތިލައި ގައުމު ހަލަބޮލި ކުރަން ރާވާފައިވާ ކަމުގެ މައުލޫމާތު ފުލުހުންގެ އިންޓެލިޖަންސަށް ލިބިފައިވާ ކަމަށް މޯލްޑިވްސް ޕޮލިސް ސާވިސް އިން ބުނެފި
މި މަހުގެ 16 ވަނަ ދުވަހު މާލޭގައި އެއްވުމެއް ބާއްވަން ނިންމާފައިވާތީ އެކަން ކުއްވެރިކުރާ ކަމަށް ސަލާމަތީ ބާރުތަކުން ބުނެފި
ރޭ އައްޑޫސިޓީގެ ދެ ގެއަކާ ތަނެއް ރޯކޮށްލާފައިވަނީ ހަމަނުޖެހުން ނަގާލައި ހަލަބޮލި ކުރުމަށް ކަމަށާއި އެ މައްސަލަ ސީރިއަސް މައްސަލައެއް ގޮތުގައި ބަލަމުންދާ ކަމަށް މޯލްޑިވްސް ޕޮލިސް ސާވިސް އިން ބުނެފި
ބޮޑެތި ތުހުމަތުތަކެއްގައި ހައްޔަރުކޮށްފައިވާ ކުރީގެ ރައީސް އަދި ބައްޕާފުޅު މައުމޫން އަބްދުލްގައްޔޫމް މިނިވަންކުރުމަށް ފުރަތަމަ ފަހަރަށް ދުންޔާ މައުމޫން ގޮވާލައްވައިފި.
ކުރީގެ ރައީސް މައުމޫން އަބްދުލްގައްޔޫމްގެ އޮފީހުގެ މުވައްޒަފެއް ކަމަށްވާ ނަޖުމާ އިބްރާހީމްގެ ގެއިން ފެނުނު ކަޅު ފޮއްޓެއްގެ ތެރެއިން ފަނޑިޔާރުންނަށް ނުފޫޒު ފޯރުވުމަށް، އަހުމަދު ފާރިސް މައުމޫން މަސައްކަތް ކޮށްފައިވާކަމުގެ ކިތާބީ ހެކި ލިބިފައިވާ ކަމަށް ފުލުހުން ބުނެފި.
އަދިވެސް މި މައްސަލާގައި ފުލުހުންނަށް އެނގެން ބޭނުންވާ އަދި ތަހުގީގަށް ސާފުކޮށް އެނގެން ބޭނުންވާ ކަންކަން ހުރުމާއެކު، މިއިން އެއްވެސް ފަރާތެއް އެއްޗެއް ނުވަތަ މުދަލެއް ފޮރުވުމުގެ ނިޔަތުގައި ހަވާލު ކޮށްފައިވާ ނަމަ އަވަހަށް އެކަން ފުލުހުންނަށް އެންގުމަށް ގޮވާލަން.
އަދިވެސް މި މައްސަލާގައި ފުލުހުންނަށް އެނގެން ބޭނުންވާ އަދި ތަހުގީގަށް ސާފުކޮށް އެނގެން ބޭނުންވާ ކަންކަން ހުރުމާއެކު، މިއިން އެއްވެސް ފަރާތެއް އެއްޗެއް ނުވަތަ މުދަލެއް ފޮރުވުމުގެ ނިޔަތުގައި ހަވާލު ކޮށްފައިވާނަމަ އަވަހަށް އެކަން ފުލުހުންނަށް އެންގުމަށް ގޮވާލަން
މި މައްސަލައިގެ ތަހުގީގުތަކާއި ގުޅޭ ގޮތުން ކަމުގެ ހަގީގަތް އޮޅޭ ގޮތަށް މި ކަންކަމުގެ ހަގީގަތް ވަރަށް ސާފުކޮށް ފެނަން ހުރި އިރުވެސް ބައެއް ފަރާތްތަކުން ވާހަކަދައްކައި ސޯޝަލްް މީޑިއާގައި އެކި ސިފަސިފާގައި އެނބުރެމުންދާ ކަމަށް ވަރަށް ހިތާމައާއެކު ފާހަގަކުރަން
މި މައްސަލާގައި ތުހުމަތުކުރެވިފައިވާ ފަރާތްތައް ރާއްޖެއިން ބޭރުން އަގުބޮޑެތި މުދާގެ ގޮތުގައި ފްލެޓާއި އެޕާޓްމެންޓް ފަދަ ތަކެތި ގަނެފައިވާކަން ޔަގީންވާ ވަރަށްް ކިތާބީ ހެކި ވަނީ ލިބިފައި.
އެންދެރިމާގެއިން ސިއްރުން ނެރެގެން ގެންދިޔަ ކަޅު ފޮއްޓެއްގެ ތެރެއިން މި މައްސަލައިގެ ތަހުގީގަށް ބޭނުންވާ ހެކި ވަނީ ލިބިފައި. މި ކަޅު ފޮށީގެ ތެރެއިން ފަނޑިޔާރުންނަށް ނުފޫޒު ފޯރުވުމަށް ފާރިސް މަސައްކަތް ކޮށްފައިވާކަމުގެ ކިތާބީ ހެކި ލިބިފައިވޭ. މި ފޮށި ހޯދާފައިވަނީ ފުލުހުން ހިންގި ހާއްސަ އޮޕަރޭޝަނެއްގައި. މި ފޮށި ފެނިފައި ވަނީ އެންދެރިމާގެ އަދި ކުރީގެ ރައީސް މައުމޫންގެ އަރިހުގައި މަސައްކަތްކުރާ މިހާރު ފުލުހުންގެ ހައްޔަރުގައި ހުރި ނަޖްމާގެ ގެއިންކަން ޔަގީންކޮށް އަރުވަން
އަލީ ހަމީދަށް ނިސްބަތްވާ ދަބަހަކުން 2،15000 ޑޮލަރާއި 150،000 ރުފިޔާ ފެނިފައި. މީގެ އިތުރުން އަލީ ހަމީދުގެ އާއިލާ އަށް ކުރީގެ ރައީސް މައުމޫން ތަފާތު އެކި ގޮތްގޮތުން އެހީވަމުން އަންނަ ކަމަށް ތަހުގީގަށް ވަނީ ޔަގީން ކުރެވިފައި. މީގެ އިތުރުން އަލީ ހަމީދު ރިޝްވަތުގެ ފައިސާ ބޭނުން ކޮށްގެން ފްލެޓެއް ގަނެފައިވާ ކަމުގެ ކިތާބީ ހެކި ޔަގީން ކުރެވޭ ވަރަށް ވަނީ ލިބިފަ. ރާއްޖޭގައި ވިޔަފާރިކުރަމުން އަންނަ ބިޔަ ކުންފުންޔަކުން 2.4 މިލިއަން ޑޮލަރުގެ ލޯނު އެހީ އަލީ ހަމީދަށް ދީފައިވާކަމުގެ ކިތާބީ ހެކި ވަނީ ޔަގީންވާ ވަރަށް ލިބިފަ.
ހަސަން ސައީދު ހުސައިނަށް ތުހުމަތު ކުރެވޭ ކަންކަމަކީ ފަނޑިޔާރުންނަށް ނުފޫޒު ފޯރުވައި ރިޝްވަތުގެ ފައިސާ ދިނުމާއި ރިޝްވަތުގެ ގޮތުގައި ހޯދާފައިވާ ފައިސާއިން މަންފާ ހޯދުން. މިކަމާ ގުޅޭ ކިތާބީ ހެކި އެބަހުރި ކަން ޔަގީންކޮށް އަރުވަން.
މި މައްސަލަގެ ތަހުގީގަށް ސުވާލު ކުރެވުނު މީހުން އަދަދު 30. މައްސަލައާ ގުޅޭ ހެކި ހޯދުމަށް 15 ތަނެއް ބަލާ ފާސްކޮށްފައިވާނެ.
ގާނޫނީ ގޮތުން އުފެދިފައިވާ ސަރުކާރެއް ގާނޫނާއި ހިލާފަށް ވައްޓާލަން މަސައްކަތް ކުރި މައްސަލާގައި ގުޅޭ މިވަގުތަށް ލިބިފައި ހުރި މައުލޫމާތު މި މައްސަލާގެ ތަހުގީގަށް ހައްޔަރު ކޮށްފައި ވަނީ މައުމޫން އަބްދުލް ގައްޔޫމް، އަބްދުﷲ ސައީދު، އަލީ ހަމީދު މުހައްމަދު، ހަސަން ސައީދު ހުސައިން، އިބްރާހިމް ސިޔާދު ގާސިމް، ފާތިތަމު ނާސިރާ، އަހުމަދު ފާރިސް މައުމޫން، އަބްދުﷲ ސިނާން އަދި މި މައްސަލާގައި ގއ. ގެމަނަފުށި އޯކިޑްމާގެ، އިލްހާމް އަހުމަދު ހޯދުމުގެ މަސައްކަތް ވެސް ފުލުހުން އަންނަނީ ކުރަމުން
އަހުމަދު ފާރިސް މައުމޫން ފަނޑިޔާރުންގެ މަސައްކަތަށް ނުފޫޒު ފޯރުވި ކަމުގެ ޑޮކިއުމެންޓްރީ އެވިޑެންސް ލިބިފައިވާ ކަމަށް މޯލްޑިވްސް ޕޮލިސް ސާވިސް އިން ބުނެފި
ފަނޑިޔާރު އަލީ ހަމީދު މުހައްމަދު ރިޝްވަތުގެ ފައިސާ ބޭނުންކޮށްގެން ފްލެޓެއް ގަނެފައިވާ ކަމުގެ މައުލޫމާތު ތަހުގީގަށް ލިބިފައިވާ ކަމަށް މޯލްޑިވްސް ޕޮލިސް ސާވިސް އިން ބުނެފި
ރައްޔިތުންގެ މަޖިލީހުގެ ދަނގެތީ ދާއިރާގެ މެމްބަރު އިލްހާމް އަހުމަދު ހޯދަމުން ދަނީ ސަރުކާރު ވައްޓާލަން އުޅުނުކަމުގެ ތުހުމަތުގައި ކަމަށް މޯލްޑިވްސް ޕޮލިސް ސާވިސް އިން ބުނެފި
ސަރުކާރު ވައްޓާލަން އުޅުނު މައްސަލައާ ގުޅޭ އެއްވެސް މައުލޫމާތެއް ލިބިފައިވާނަމަ އެ މައުލޫމާތެއް ފުލުހުންނަށް ހިއްސާކޮށްދިނުމަށް މޯލްޑިވްސް ޕޮލިސް ސާވިސް އެދެފި
ފަނޑިޔާރު އަލީ ހަމީދު މުހައްމަދުގެ އާއިލާ އަށް ތަފާތު އެކި ފަހަރުމަތިން ރައީސް މައުމޫން ވަނީ އެހީތެރިކަން ފޯރުކޮށްދީފައި ކަމަށް މޯލްޑިވްސް ޕޮލިސް ސާވިސް އިން ބުނެފި
ފަނޑިޔާރުންނަށް ރިޝްވަތުދީ ނުފޫޒު ފޯރުވި މައްސަލައިގެ ކިތާބީ ހެކި ވަނީ ލިބިފައި ކަމަށް މޯލްޑިވްސް ޕޮލިސް ސާވިސް އިން ބުނެފި
ގާސިމްގެ ދަރިކަލުން ހައްޔަރުކުރީ ސަރުކާރު ވައްޓާލަން އުޅުނު ކަމުގެ ތުހުމަތުގައި ކަމަށް މޯލްޑިވްސް ޕޮލިސް ސާވިސް އިން ވަނީ ބުނެފި
ފުލުހުން ބާއްވާ ޚާއްސަ ނޫސްވެރިންގެ ބައްދަލުވުމެއް ފަށައިފި
ޑިޕާޓްމަންޓް އޮފް ޖުޑިޝަލް އެޑްމިނިސްޓްރޭޝަން (ޑީޖޭއޭ)ގެ ތަރުޖަމާނު ފައިސަލް އާދަމް ފުލުހުންގެ ބެލުމުގެ ދަށަށް ގެންގޮސްފި
ވެރިކަމުގެ ދަހިވެތިކަމުގައި ގައުމުގެ އުސޫލާއި ހަމަތަށް ނައްތާލުމަށް ކުރާ މަސައްކަތާ ދެކޮޅަށް ސާބިތުކަން މަތީ ހުންނަވައި، ރައީސުލްޖުމްހޫރިއްޔާ އަބްދުﷲ ޔާމީން އަބްދުލްގައްޔޫމް، 2018 ވަނަ އަހަރުގެ ރިޔާސީ އިންތިހާބު ކާމިޔާބު ކުރައްވާނެކަމަށް އިސްލާމިކް މިނިސްޓަރު ޑރ. އަހްމަދު ޒިޔާދު ބާގިރު ވިދާޅުވެއްޖެ.
އިއްޔެ ޒުވާނުން ބޭއްވި މުޒާހަރާގެ ތެރެއިން ހައްޔަރު ކުރި ދެ ކައުންސިލަރުން ފަސް ދުވަހަށް ޖަލު ބަންދު ކުރަން އަމުރުކޮށް ދެން ތިބި މީހުން ގޭ ބަންދަށް ލާން ކްރިމިނަލް ކޯޓުން މިއަދު އަމުރު ކޮށްފި.
ބޭރު ގައުމެއްގެ ސިފައިން ރާއްޖެ އެރުމަށް ދިވެއްސަކު ތާއީދު ކުރުމަކީ އަމިއްލަ މެއަށް ވަޅި ހެރުން ކަހަލަ ކަމެއް ކަމަށް ރައްޔިތުންގެ މަޖިލީހުގެ ނައިބު ރައީސް އަދި ހުޅުހެންވޭރު ދާއިރާގެ މެންބަރު ރީކޯ މޫސާ މަނިކު ވިދާޅުވެއްޖެ.
ފުލުހުންގެ ޗީފް ސުޕްރިޓެންޑެންޓުގެ މަގާމުގައި މިހާތަނަށް ހުންނެވި ހަމްދޫން ރަޝީދު، އެސިސްޓަންޓް ކޮމިޝަނަރު އޮފް ޕޮލިސް (އޭސީޕީ)ގެ މަގާމަށް މިއަދު ހަމަޖައްސަވާފައިވާ ކަން "ސަން" އަށް އެނގިއްޖެ.
ސުޕްރީމް ކޯޓަށާއި ޑިޕާޓްމަންޓް އޮފް ޖުޑިޝަލް އެޑްމިނިސްޓްރޭޝަނަށް ފޮނުވާ ސިޓީ ފަނޑިޔާރު އަބްދުﷲ އަރީފަށް އެޑްރެސް ކުރަން އަންގައި ސުޕްރީމް ކޯޓުން ސާކިއުލާއެއް ނެރެފި.
ސަސްޕެންޑް ކޮށްފައިވާ ގާނޫނީ ވަކީލު ނާޒިލު އަފީފުގެ ސަސްޕެންޝަން އުވާލައި ޖުޑިޝަލް އެޑްމިނިސްޓްރޭޝަނުން އެކަން އަންގައިފި .
ރައީސުލްޖުމްހޫރިއްޔާ އަބްދުﷲ ޔާމީން އަބްދުލް ގައްޔޫމް ވެރިކަމުން ދުރުކުރަން ގޮވާލި މައްސަލާގައި ރައްޔިތުންގެ މަޖިލީހުގެ ތިމަރަފުށީ ދާއިރާގެ މެމްބަރު މުހައްމަދު މުސްތަފާ ފުލުސް އޮފީހަށް ހާޒިރުވުމަށް ހަތަރު ވަނަ ފަހަރަށް ޗިޓް ފޮނުވައިފި.
ރައްޔިތުންގެ މަޖިލީހުގެ ދަނގެތީ ދާއިރާގެ މެމްބަރު އިލްހާމް އަހުމަދުގެ އަނބިކަނބަލުން އައިމިނަތު މާޝާ ހަސަން ހައްޔަރުކޮށްފި.
ފުލުހުން ތަހްގީގު ކުރަމުން އަންނަ މައްސަލައަކާ ގުޅިގެން މިދިޔަ ހުކުރު ދުވަހު، ހޯދަން އިއުލާންކޮށްފައިވާ، ދަނގެތީ ދާއިރާގެ މެމްބަރު އަހްމަދު އިލްހާމް އަހްމަދު އަދި ވެސް ނުފެންނަ ކަމަށް ފުލުހުން ބުނެފި.
ސަރުކާރު ވައްޓާލުމަށް މަސައްކަތްކުރެވި ކަމުގެ ތުހުމަތުގައި ތަހުގީގަށް ހައްޔަރުކޮށްފައިވާ ކުރީގެ ރައީސް މައުމޫން އަބްދުލްޤައްޔޫމްގެ ވަކީލުންނަށް، މިދިޔަ ހުކުރު ދުވަހުން ފެށިގެން އެމަނިކުފާނާ ބައްދަލު ނުކުރެއްވޭ ކަމަށް ބުނެ ކަންބޮޑުވުން ފާޅުކުރުމާ ގުޅިގެން، ރައީސް މައުމޫނުގެ ވަކީލުންނަށް އެމަނިކުފާނާ ބައްދަލުކުރެއްވުމުގެ ފުރުސަތު މޯލްޑިވްސް ކަރެކްޝަނަލް ސަރވިސް އިން ދީފި.
ސުޕްރީމް ކޯޓުގެ ތެރެއިން ރައީސުލްޖުމްހޫރިއްޔާ އަބްދުﷲ ޔާމީން އަބްދުލްގައްޔޫމް އަޒުލުކުރުމަށް، އެ ކޯޓުގެ ފަސް ފަނޑިޔާރުންގެ ބެންޗުގައި ހިމެނޭ ތިން ފަނޑިޔާރަކު ދެކޮޅު ހެއްދެވި ކަމަށް ރައީސުލްޖުމްހޫރިއްޔާގެ އޮފީހުން ބުނެފި.
ބޭރުގެ އަސްކަރިއްޔާގެ އެހީތެރިކަން ހޯދަން ސަރުކާރުން، ބޭރުގެ ދައުލަތްތަކުގައި އެދިފައިވާ ކަމަށް ބުނެ ފަތުރަމުންދަނީ ހަގީގަތާ ހިލާފު ދޮގު ވާހަކަތައް ކަމަށް ޑިފެންސް މިނިސްޓްރީން ބުނެފި.
ބޭރުގެ ކުލީ ސިފައިން ރާއްޖެ އަރަން ގޮވުމަކީ ދިވެހިން އެކަމަކާ ދެކޮޅު ހަދާ ކަމެއް ކަމަށާއި އަދި އެއީ އެކަމަށް ގޮވާލި ކުރީގެ ރައީސް މުހައްމަދު ނަޝީދުގެ ސިޔާސީ ހަޔާތް ނިމޭނެ ހިސާބު ކަމަށް ހެލްތު މިނިސްޓަރު އަބްދުﷲ ނާޒިމް އިބްރާހިމް ވިދާޅުވެއްޖެ.
މޯލްޑިވްސް ޕޮލިސް ސާވިސް ހިންގުމާ ހަވާލުވެ ހުންނެވި ޑީސީޕީ އަބްދުﷲ ނަވާޒާއި، ކުރިން އެ ސާވިސްގައި މަސައްކަތް ކުރެއްވި ބައެއް އޮފިސަރުން ހައްޔަރު ކުރަން އުޅޭ ކަމަށް ބުނެ ފަތުރަނީ ދޮގު ހަބަރެއް ކަަމަށް ފުލުހުން ބުނެފި.
ހައްޔަރުކޮށްފައިވާ ސުޕްރީމް ކޯޓުގެ ފަނޑިޔާރު އަލީ ހަމީދު މުހައްމަދު ގެ އަނބިކަނބަލުންގެ މައްޗަށް ރިޝްވަތާއި ޓެރަރިޒަމް ހިމެނޭ ގޮތަށް ބޮޑެތި ތުހުމަތުތަކެއް ކޮށްފި
ސަރުކާރު ވައްޓާލަން އުޅުމުގެ ތުހުމަތުގައި ހައްޔަރުކޮށްފައިވާ ރާއްޖޭގެ އުއްތަަމަ ފަނޑިޔާރު އަބްދުﷲ ސައީދު ވަގުތުން ދޫކޮށްލުމަށް އިދިކޮޅު އެމްޑީޕީން ގޮވާލައިފި
އިދިކޮޅު ފަރާތްތަކުން މިއަދު ހަވީރު ކުރިއަށް ގެންދިޔަ މުޒާހަރާއިން ދެ ކައުންސިލަރަކާއެކު ފަސް މީހަކު ފުލުހުން ހައްޔަރުކޮށްފި
ބޭރުގެ އަސްކަރިއްޔާތައް ރާއްޖެ ގެންނަން ގޮވާލައި ގައުމުގެ އިސްތިގުލާލަށް ބުރު އަރުވަން ގޮވާލުމަކީ ރައްޔިތުން ކިބައިން މާފަށް އެދެންޖެހޭ ކަމެއް ކަމަށް ރައީސުލްޖުމުހުރިއްޔާ އަބްދުﷲ ޔާމީން އަބްދުލް ގައްޔޫމް ވިދާޅުވެއްޖެ އެވެ.
"މަގޭ ގައުމު، މަގޭ ދީން" މި ނަމުގައި ރޭ ކާނިވާ ސަރަހައްދުގައި ކުރިއަށް ގެންދިޔަ ބައްދަލުވުމެއްގައި ވާހަކަފުޅު ދައްކަވަމުން ރައީސް ޔާމީން ވިދާޅުވީ ބޭރުގެ އަސްކަރިއްޔާތައް ގެންނަން ގޮވާލުމަކީ ރައްޔިތުން ބަލައިގެނެގެންވާނެ ކަމެއް ނޫން ކަމަށެވެ. އަދި ވިދާޅުވީ އެފަދަ މީހުން ރައްޔިތުންގެ ކިބައިން މާފަށް އެދެން ޖެހޭ ކަމަށެވެ.
"ބޭރުގެ އަސްކަރިއްޔާ ގެންނަން ބުނުމަކީ ރައްޔިތުން ކިބައިން މާފަށް އެދެން ޖެހޭ ކަމެއް. އެއީ ގާނޫނީ ކުށެއް،" ރައީސް ވިދާޅުވި އެވެ.
ޔޫއެންގައި ރާއްޖެއަށް ފިޔަވަޅު އަޅަން މަސައްކަތް ކުރި، ނަމަވެސް އެކަން ކާމިޔާބު ނުވި
ސުޕްރީމް ކޯޓުގެ އަމުރާ އެކު އަދީބު މާލެ ގެންނަން ލޯންޗަށް އެރުވި
ސުޕްރީމް ކޯޓު ތައްޔާރުކުރީ ރައީސް އަޒުލުކުރަން ކަމަށް ރައިސް ޔާމީން ވިދާޅުވި
އަސްކަރިއްޔާ ގެންނަން ބުނުމަކީ ރައްޔިތުންގެ ކިބައިން މައާފަށް އެދެން ޖެހޭ ކަމެއް
ޕާޓީގެ ކަންކަން ހުއްޓިގެން ދިޔަ ހިސާބުން ޕީޕީއެމް އުފެދުނީ ދެ ދަންޑަހެލުން
ދިވެހިރާއްޖޭގެ ކަންކަން ހައްލުކުރަން ބޭރުގެ އަސްކަރިއްޔާ އަންނާކަށް ދިވެއްސަކަށް ގޮވައެއް ނުލެވޭނެ. އެއީ ގާނޫނީ ކުށެއް
ފެބްރުއަރީ އެކެއް އިރުއޮއްސިގެން މެންދަމާއި ހަމައަށް ދިޔައީ ގައުމު އަޅުވެތިކަމާ ދިމާލަށް
ރޭ އެންޑީ ޓީވީގައި މަޖިލީހުގެ ކުރީގެ ރައީސް އަބްދުﷲ ޝާހިދު ދެއްކެވި ވާހަކަފުޅާ ގުޅޭ ގޮތުން ރައީސް ޔާމީންގެ ވާހަކަފުޅުގައި ވަނީ ކަންބޮޑުވުން ފާޅުކުރައްވާފައި
ޝަޚްސު ހަރުދަނާކަމާއި ވިސްނުމުގެ ހަރުދަނާކަން ރައްޔިތުންނަށް ދައްކަން ޖެހޭ
އަސްކަރިއްޔާގެ މަސައްކަތަށް ސާބަސް ދަންނަވަން ޖެހޭ
އިލްމީ ބޭފުޅުންނާއި ފުންނާބުއުސް ލޯޔަރުންގެ އަޑު މިދިޔަ ހަފްތާގައި އަޑު ނީވުނީ ކިއްވެތޯ
މީހަކު މީނާނެ މިންގަނޑަކީ މީހެއްގެ އަމަލުތަކުން އޭނާގެ އިޚްލާސްތެރިކަމުން. ރައްޔިތުންނަށް އޭނާ ކޮށްދޭ ކަންކަމުން
ހަސަންތާޖުއްދީނަކީ ހިދުމަތްތަކެއް ގައުމަށް ކޮށްދެއްވި ބޭފުޅެއް. ނަމަވެސް އޭނާގެ ދެ ދަރިންނަކީ ގައުމަށް ޣައްދާރުވި ދެ މީހުން
ދިވެހިރާއްޖެ ރަނގަޅު މިސްރާބަކަށް ދިޔުމަށް އަތުކުރި އޮޅާލަން ޖެހޭ
ތާރީޚާ މެދު އަބަދުވެސް ވިސްނަން ޖެހޭ
ޕީޕީއެމް ޖަލްސާގައި ރައީސް އަބްދުﷲ ޔާމީން ވާހަކަފުޅު ދައްކަވަން ފައްޓަވައިފި
ފުލުހުން ހޯދަން އިއުލާންކޮށްފައިވާ ރައްޔިތުންގެ މަޖިލީހުގެ މައްޗަންގޮޅި ދެކުނު ދާއިރާގެ މެމްބަރު އަބްދުﷲ ސިނާން އަމިއްލައަށް ފުލުހުންނާ ހަވާލުވެއްޖެ
ރައްޔިތުންގެ މަޖިލީހުގެ މައްޗަންގޮޅި ދެކުނު ދާއިރާގެ މެމްބަރު އަބްދުﷲ ސިނާނާއި ދަނގަތީ ދާއިރާގެ މެންބަރު އިލްހާމް އަހްމަދު ހޯދަން ފުލުހުން އިއުލާން ކޮށްފި
ރައްޔިތުންގެ މަޖިލީހުގެ މައްޗަންގޮޅި ދެކުނު ދާއިރާގެ މެމްބަރު އަބްދުﷲ ސިނާނާއި ދަނގަތީ ދާއިރާގެ މެންބަރު އިލްހާމް އަހްމަދު ހޯދަން ފުލުހުން އިއުލާން ކޮށްފި
ރާއްޖޭގައި މިހާރު އުފެދިފައިވާ ސިޔާސީ ހަލަބޮލިކަމުގެ ތެރެއަށް އދއިން ވަނުމަށް ޗައިނާ ދެކޮޅު ކަމަށާއި އެ މައްސަލަތަކަށް ރާއްޖެއިން ހައްލު ހޯދޭނެ ކަމަށް ޗައިނާ ސަރުކާރުން ބުނެފި
ރާއްޖޭގައި ހިނގަމުންދާ ސިޔާސީ ހަލަބޮލިކަމާ ގުޅޭގޮތުން އެމެރިކާގެ ރައީސް ޑޮނަލްޑް ޓްރަމްޕާއި އިންޑިއާގެ ބޮޑުވަޒީރު ނަރެންދްރާ މޯދީ، ފޯނު މެދުވެރިކޮށް މަޝްވަރާ ކުރައްވައިފި
ބޭރުގެ ސިފައިން ގެނެސްގެން ރާއްޖޭގެ ވެރިކަން ވައްޓާލުމަށް ގޮވާލުމަކީ ޖަރީމާއެއް ކަމަށް އިސްލާމިކް ޔުނިވާސިޓީގެ ޗާންސެލަރ ޑރ. މުހައްމަދު ޝާހީމް އަލީ ސައީދު ވިދާޅުވެއްޖެ.
ކުރީގެ ރައީސް މައުމޫން އަބްދުލްގައްޔޫމާއި އުއްތަމަ ފަނޑިޔާރު އަބްދުﷲ ސައީދާއި ފަނޑިޔާރު އަލީ ހަމީދު މުހައްމަދު އަދި ރައީސް މައުމޫންގެ ދަނބިދަރިކަލުން މުހައްމަދު ނަދީމް ގާނޫނާ ހިލާފަށް ހައްޔަރުކުރި ކަމަށް ބުނެ ހުށަހެޅި މައްސަލަ ބަލައިނުގަތުމަށް ކްރިމިނަލް ކޯޓުން ނިންމައިފި.
މިނިވަން ނޫސްވެރިކަމުގެ މާހައުލެއް ނެތުމާއި ރާއްޖެ ޓީވީއަށް މެދު ނުކެނޑި އިންޒާރުތައް ލިބެމުން ދާކަމަށް ބުނެ އެ ސްޓޭޝަންގެ ޚިދުމަތް މެދުކަނޑާލައިފި.
ރާއްޖޭގެ ޤައުމީ ސަލާމަތަށް ނުރައްކާވާފަދަ މަޢުލޫމާތާއި ކޮންޓެންޓް ހާމަކުރާ ފަރާތްތަކާއިމެދު އިތުރު އިންޒާރެއް ދިނުމެއްނެތި ފިޔަވަޅު އަޅަމުންގެންދާނެ ކަމަށް އެމްއެންޑީއެފުން ބުނެފި.
ގާނޫނާ ޚިލާފަށް ސަރުކާރު ވައްޓާލަން އުޅުންފަދަ، ދިވެހިރާއްޖެއަށް ދިމާވާ މިފަދަ ހިތާމަވެރި ކަންކަމުގައި އައްޑޫ ސިޓީީއަށް ނިސްބަތްވާ ބައެއްގެ ހިއްސާ އޮތުމަކީ ހިތާމަކުރައްވާ ކަމެއް ކަމަށް، ހުޅުދޫ ދާއިރާގެ މެމްބަރު މުހައްމަދު ޝާހިދު ވިދާޅުވެއްޖެ.
ރާއްޖޭގެ މިހާރުގެ ސިޔާސީ މަސްރަހާ ގުޅޭ ފަހުގެ މައުލޫމާތު ދިނުމަށް ރައީސްގެ ހާއްސަ މަންދޫބެއް އެންމެ ފުރަތަމަ ވެސް ފޮނުވަން ހަމަޖެހިފައި އޮތީ އިންޑިއާއަށް ކަމަށާއި ނަމަވެސް އެކަން ހަމަނުޖެހުނީ އިންޑިއާގެ ވެރިންގެ މަސައްކަތް ހުރި ގޮތުން ކަމަށް ސަރުކާރުން ބުނެފި.
ރާއްޖޭގެ ތާރީހުގައި މިހާތަނަށް ނުބާއްވާ ވަރުގެ މިނިވަން އިންތިހާބެއް މި އަހަރު އޮންނާނެ ކަމަށް ވެރިކަން ކުރާ ޕާޓީ، ޕީޕީއެމް އިން ބުނެފި.
ޕަބްލިކް ސާވިސް މީޑިއާ (ޕީއެސްއެމް)ގެ ޑެޕިއުޓީ މެނޭޖިން ޑިރެކްޓަރ ޝާޔަން ޝާހިދު ސަސްޕެންޑް ކޮށްފި. ސަސްޕެންޑު ކުރި ސަބަބެއް އަދި ނޭނގެ.
ދިވެހި ގައުމުގެ މިނިވަންކަމަށް އެއްވެސް މިންވަރަކަށް ބުރޫ އަރާނެ ފަދަ ބޭރުގެ އަސްކަރީ ނުފޫޒެއްގައި، އެމަނިކުފާނާއި ޖުމްހޫރީ ޕާޓީން ބައިވެރި ނުވާނެ ކަމަށް އެޕާޓީގެ ލީޑަރު ގާސިމް އިބްރާހިމް ވިދާޅުވެއްޖެ.
Press Note: PMC/2018/05 pic.twitter.com/miic1lzAFQ
— Maldives Police (@PoliceMv) February 7, 2018
ޕީޕީއެމް ކަނބަލުންގެ ޖަލްސާ ނިންމާލައިފި.
ރައީސް ނަޝީދު ވެރިކަމަށް އަތުވެއްޖެނަމަ މިތާ ތިބި ސިފައިންގެ ބޭނުމެއް ނޯންނާނެ. ސަލާމަތީ ކަންކަން ބަލަހައްޓާނީ ބޭރުގެ ސިފައިންކަން ޔަގީން. މިކަމާ ދިވެހި ސިފައިން ވިސްނަންޖެހޭ
މިހާރު ނަގަމުން ދަނީ ފުލް މުސާރަ ކަމަށް ރައީސް ޔާމީން ވިދާޅުވެއްޖެ
މިދިޔަ ފަސް ދުވަހު އަޅުގަނޑުމެން ތިބީ ކުޑަކަކޫ މަތީގައި. އަޅުގަނޑުމެން ސަލާމަތް ކުރީ ފުލުހުންނާއި ސިފައިން
ބޭރުގެ މީހުން ގެނެސްގެން ވެރިކަން ހޯދަން އުޅޭ މީހުންނަށް ރާއްޖޭގެ ވެރިކަމާއި 10 ފޫޓް ކައިރިއަށް އަޔަ ނުދޭން މަޖިލީހުން ފާސް ކުރަން ޖެހޭ
މާލެ ނުފައިބަނީސް އެނގޭ އަހްމަދު އަދީބުކަން އެކަން ކުރީ، ފިނިފެންމާ ލޯންޗުކޮޅު ގޮއްވާލީ
ބޮޑަސް ކުޑަޔަސް އިސްތިއުމާރީ ބާރެއްގެ ދަށަށް ދާކަށް ބޭނުމެއް ނޫން
ސަލާމަތީ ބާރުތަކުން ދެއްކެވި ސާބިތުކަން އަދިވެސް ފާހަގަ ކުރަން
ދިވެހިރާއްޖެ މަތިން ލޯބިވާ މީހަކު މިދުވަސްމަތިން ހަނދާން ނައްތައެއް ނުލާނެ
އަޅުގަނޑު ދަންނަވާނީ އަޅުގަނޑުމެން އަދިވެސް މިތިބީ މޮޅިވެރިކަމާއެކީ. ހަތަރު މީހަކު ދިވެހި ދައުލަތް ކުޑަކަކޫ ޖައްސާލި ދުވަސް ތާޜީހުން ނުފިލާނެ
ގައުމަށް ދިމާވި ހިތާމަވެރި ހާދިސާއާ ގުޅިގެން ރޭ ބޭ އިޚްތިޔާރުގައި ވާހަކަތަކެއް ދެއްކެވުނު ކަމަށް ރައީސް ޔާމީން ވިދާޅުވެއްޖެ
މެޑަމް އަޅުގަނޑުގެ ހައްގުގައި ގައުމުގެ ހައްގުގައި ދީނުގެ ހައްގުގައި ކަނަބަލުންގެ ހައްގުގައި ބުރަ މަސައްކަތްތަކެއް ކުރައްވި
އާޒިމާ އަކީ ފިސާރި އަދި އިލްމީ ކަނބަލެއް
ނަސްރެއްގެ މަތީގައި ތިއްބަވައިގެން ކަނބަލުންގެ ފިސާރި ކަމާއި ކުޅަދާނަކަން މިރޭ ދައްކާލީ
މިހާރު ޖަލްސާގައި ވާހަކަފުޅު ދައްކަވަނީ ރައީސުލްޖުމްހޫރިއްޔާ އަބްދުﷲ ޔާމީން އަބްދުލް ގައްޔޫމް
މީގެކުރިން ހުރީ ވަރަށް މަޑުން އެކަމަކު ދެން އަޅުގަނޑަށް ވުރެ ދޫ ނުބައި މީހަކު ނުހުންނާނެ
ޕީޕީއެމް ދޫކޮށް ދިޔަ މެމްބަރުން އަލުން ޖެހޭނީ ޕީޕީއެމްއާ ގުޅެން
މަޖިލިސް ހުޅުވާ ދުވަހު އަޅުގަނޑުމެންގެ އަޣުލަބިއްޔަތު ﷲ އިރާދަކުރެއްވިއްޔާ އޮންނާނެ
އުދުވާނީ ހަމަލާ ނާކާމިޔާބުވުމުން އިންޑިއާ ކިއްކުރަންތޯ ބޮޑު ގައުމަކުން ވެސް ރާއްޖެ ނާރާނެ
މިހާރު ޖަލްސާގައި ވާހަކަފުޅު ދައްކަވަނީ މާފަންނު މެދު ދާއިރާގެ މެމްބަރު އަސްމާ ރަޝީދު
އިދިކޮޅު މީހުން އާޓިފިޝަލް ބީޗް ސަރަހައްދަށް އެއްވެފައިވާތީ، ރަޔަޓް ކިޔަރުގައި ގިނަ އަދަދެއްގެ އެސްއޯ ފުލުހުން ދަނީ ހަރަކާތްތެރިވަމުން
ވެސްޕާކް ސަރަހައްދުގައި ތިބި ޕީޕީއެމް ސަޕޯޓަރުންދަނީ އުފާ ފާޅުކުރަމުން
އަޅުގަނޑުމެންނަށް ކަރަކަރައިގަ ތިބެގެން ބޭކާރު ވާހަކަދައްކާ މީހުން މުހިންމެއް ނޫން. ލާދީނީ ފިކުރުގެ މީހުން އަޅުގަނޑުމެން ބޭނުމެއް ނޫން
ރައީސް ޔާމީން ވެރިކަމަށް ވަޑައިގަތީ އަންހެނުންގެ ވޯޓުން
މިހާރު ޖަލްސާގައި ވާހަކަފުޅު ދައްކަވަނީ އެމްޑީއޭ ގެ ނައިބު ލީޑަރު އައިޝަތު ރަފިއްޔާ
ބޭރުގެ ސިފައިން ގެންނަން ބުނީމަ އެކަމަށް ތައިދު ކުރާ ބަޔަކު ދިވެހިންގެ ތެރޭގައި ތިބޭކަމީ ކަންބޮޑުވާން ޖެހޭ ކަމެއް
ރައީސް ޔާމީން ބައިވެރިވެވަޑައިގަންނަވާ ޖަލްސާ އެއް ވައި18 ކެމްޕެއިން އޮފީސް (ވެސްޓް ޕާކް ސަރަހައްދު) ކައިރީގައި ކުރިއަށްދަނީ
މިހާރު ޖަލްސާގައި ވާހަކަފުޅު ދައްކަވަނީ ރައީސް އޮފީހުގެ ލީގަލް އެފެއާޒް މިނިސްޓަރު އާއިޝަތު އާޒިމާ ޝަކޫރު
ދިވެހިރާއްޖޭގެ ސުޕްރީމް ކޯޓުގައި ތިން ފަނޑިޔާރުންގެ ބެންޗަކުން ވެސް މައްސަލަތައް ބެލޭނެ ކަމަށާއި، އެ ކޯޓުގެ އަގު ވެއްޓޭ ގޮތަށް ވާހަކަ ދައްކާ ނަމަ ފިޔަވަޅު އަޅާނެ ކަމަށް ބުނެ ސުޕްރީމް ކޯޓުން އަމުރެއް ނެރެފި.
ދިވެހި ރައްޔިތުންގެ ހިތްތަކުގައި ބިރުވެރިކަން އުފެއްދުމަށް އިދިކޮޅު ފަރާތްތަކުން ފަތުރަމުންދާ ވާހަކަތައް މިހާރުން މިހާރަށް ހުއްޓާލަން ޖެހޭ ކަމަށް ޕީޕީއެމްގެ ސެކްރެޓަރީ ޖެނަރަލް ޑރ. އަބްދުﷲ ޚަލީލު ވިދާޅުވެއްޖެ.
މާތް ﷲގެ އިރާދަފުޅާއެކު މަޑުމަޑުން، ދިވެހި ގައުމު އަމާންކަމުގެ ބަނދަރަކާ ދިމާއަށް އެބަދާކަމަށް އެމްޑީއޭގެ ޑެޕިއުޓީ ލީޑަރު އަދި ރައްޔިތުންގެ މަޖިލީހުގެ ކެނދިކުޅުދޫ ދާއިރާގެ މެމްބަރު އަލީ މައުރޫފު ވިދާޅުވެއްޖެ.
ރައީސް އަބްދުﷲ ޔާމީން އަބްދުލްގައްޔޫމް ފިޔަވަޅެއް އަޅުއްވާނީ ވަރަށް ބޮޑަށް ވިސްނާވަޑައިގެން، އެނޫން އެހެން ގޮތެއް ނެތިގެން ކަމަށް ޕީޕީއެމްގެ ނައިބް ރައީސް އަދި ރައްޔިތުންގެ މަޖިލީހުގެ ފޮނަދޫ ދާއިރާގެ މެމްބަރު އަބްދުއްރަހީމް އަބްދުﷲ (އަދުރޭ) ވިދާޅުވެއްޖެ.
ހަސަން ސައީދު ހުސައިނަށް ކުރެވޭ ތުހުމަތުތަކަކީ ފަނޑިޔާރުންގެ މަސައްކަތަށް ނުފޫޒު ފޯރުވުމަށް ރިޝްވަތުގެ ފައިސާ ދިނުން. ރިޝްވަތުގެ ގޮތުގައި ލިބިފައިވާ ފައިސާ ބޭނުންކޮށްގެން މަންފާ ހޯދުން. މިކުރެވުނު ތުހުމަތުގައި ތަހުގީގަށް އެ ބޭފުޅާގެ ގެއަށް ގޮސް އެ ބޭފުޅާގެ ކޮޓަރިން، އެ ބޭފުޅާ ނިދިކުރެއްވުމަށް ބޭނުންކުރި ގޮނދަޑީގެ ދަށުން ގިނަ އަދަދެއްގެ ފައިސާ ފުލުހުނަށް ވަނީ ލިބިފައި. އަދި ހަމައެއާއެކު އިތުރު ހެކިތައް ފުލުހުންނަށް ވަނީ ހޯދިފައި. މި މައްސަލައާ ގުޅިގެން ފުލުހުން ކުރި މަސައްކަތުން އެތައް މިލިއަން ރުފިޔާ އަކާއި އެތައް މިލިއަން ޑޮލަރެއްގެ ޓްރާންސެކްޓަންތަކުގެ ހެކި މުހާރުވެސް ފުލުސް އޮފީހަށް ލިބިފައިވާ ވާހަކަ މައުލޫމާތައް ޓަކައި ދަންނަވާލަން.
އަލީ ހަމީދަށް ކުރެވޭ ތުހުމަތުތައް. ރިޝްވަތުގެ ގޮތުގައި ފައިސާ ހިފުމަށްފަހު ޝަރުއީ ހުކުމްތައް ވަކިގޮތަކަށް ކުރުން. ގާނޫނީގޮތުން އުފެދިފައިވާ ސަރުކާރު ގާނޫނާ ހިލާފަށް ބަދަލުކުރުމަށް މަގާމު ނުފޫޒު ބޭނުން ކޮށްގެން މަސައްކަތް ކުރުން. ދައުލަތް ހިންގުމަށް ހުރަސްއަޅައި ޖިނާއީ އަދުލުގެ ނިޒާމު ހިންގުމަށް ގަސްތުގައި ހުރަސްއެޅުން. މި ކުރެވުނު ތުހުމަތުތަކުގައި މިހާތަނަށް އައިއިރު، މި މައްސަލަ އާ ގުޅިގެން އަލީ ހަމީދާ ގުޅުންހުރިކަމަށް ގަބޫލު ކުރެވޭ ގިނަ އަދަދެއްގެ ފައިސާ ވެސް ފުލުހުން ކުރި މަސައްކަތަކުން މިވަނީ ހޯދިފައި. އޭގެ އިތުރުން މިކަމާ ގުޅުންހުރި އިތުރުހެކިތައް ވެސް ލިބިފައިވާ ވާހަކަ ދަންނަވަން.
ޗީފް ޖަސްޓިސް އަބްދުﷲ ސައީދު ހައްޔަރުކުރެވިފައި ވަނީ 6 ފެބްރުއަރީ 2018 ގައި. ކުރެވޭ ހުތުމަތުތަކަކީ ރިޝްވަތުގެ ގޮތުގައި ފައިސާ ހިފުމަށްފަހު ޝަރުއީ ހުކުމްތައް ވަކިގޮތަކަށް ކުރުން. ގާނޫނީ ގޮތުން އުފެދިފައިވާ ސަރުކާރު ގާނޫނާ ހިލާފަށް ބަދަލުކުރުމުގައި މަގާމުގެ ނުފޫޒު ބޭނުންކޮށްގެން މަސައްކަތް ކުރުން. ދައުލަތް ހިންގުމަށް ހުރަސްއަޅައި ޖިނާއީ އަދުލުގެ ނިޒާމު ހިންގުމަށް ހުރަސް އެޅުން. މި ތުހުމަތު ކުރެވުނު ކަންތައްތަކުގައި މި މައްސަލައާ ގުޅޭގޮތުން ހެކިބަސް ލިބި މި މައްސަލައާއި ގުޅުންހުރި އިތުރު ހެކިތައް މިވަނީ ލިބިފައި.
ރައީސް މައުމޫނަށް ކުރެވޭ ތުހުމަތަކީ ރައްޔިތުންގެ މަޖިލީހުގެ މެމްބަރުންނަށް ރިޝްވަތުދީ، ގާނޫނީ ގޮތުން އުފެދިފައިވާ ސަރުކާރެއް ވައްޓާލަން އުޅުނު ކަމުގެ ތުހުމަތު. ފަނޑިޔާރުންގެ މަސައްކަތަށް ނުފޫޒު ފޯރުވައި ވަކިގޮތަކަށް ހުކުމެއް ނެރުމަށް ފަނޑިޔާރުންނަށް ރިޝްވަތުދިނުން. ސަރުކާރާ ދެކޮޅަށް ސަލާމަތީ ބާރުތައް ނިކުތުމަށް ހިތްވަރުދީ ރޭވުންތައް ރޭވުން. ތުހުމަތު ކުރެވިފައިވާ ކަންތައްތަކަށް އަޅުގަނޑުމެނަށް ވަނީ ހެކިތައް ލިބިފައި. މިހާރު މި ނޫސްވެރިންގެ ބައްދަލުވުން ކުރިއަށްދާއިރު ވެސް އަޅުގަނޑުމެން މިދަނީ އެކަމާ ގުޅުންހުރި ތަންތައް ބަލައި ފާސްކުރަމުން.
އަލީ ހަމީދު ހިފިކަމަށް ތުހުމަތު ކުރެވޭ ރިޝްވަތުގެ ފައިސާ ވަނީ ފެނިފައި
ރައީސް މައުމޫނަށް ތުހުމަތު ކުރެވެނީ ފަނޑިޔާރުންނަށް ރިޝްވަތު ދީގެން ވަކި ގޮތަކަށް ހުކުމް ނެރުމަށް މަސައްކަތް ކުރި ކަމުގެ ތުހުމަތު. މިކަމާ ގުޅޭ ހެކި ވަނީ ލިބިފައި
މިހާރު ތަހުގީގު ކުރަމުން މިދަނީ ގާނޫނީގޮތުން އުފެދިފައިވާ ސަރުކާރު ގާނޫނާ ޚިލާފަށް ވައްޓާލަން އުޅުނު މައްސަލަ. މި މައްސަލާގައި ހައްޔަރުކޮށްފައި ވަނީ ކުރީގެ ރައީސް މައުމޫން އަބްދުލް ގައްޔޫމް، އުއްތަމަ ފަނޑިޔާރު އަބްދުﷲ ސައީދު، ފަނޑިޔާރު އަލީ ހަމީދު މުހައްމަދު އަދި ޖުޑީޝަލް އެޑްމިނިސްޓްރޭޓާ ހަސަން ސައީދު ހުސައިން
ފުލުހުން ބާއްވާ ނޫސްވެރިންގެ ބައްދަލުވުން ފެށުމަށް ތައްޔާރުވެއްޖެ
ސުޕްރީމް ކޯޓުގެ ފަނޑިޔާރު އަލީ ހަމީދު މުހައްމަދު ސަސްޕެންޑުކޮށްފި
ނޫސްވެރިންނަށް މައުލޫމާތު ދެއްވާނީ އެކްޓިންގ ކަމިޝަނަރ އޮފް ޕޮލިސް ޑީސީޕީ އަބްދުﷲ ނަވާޒް
މިހާރު ހިނގަމުންދާ މުހިންމު ތަހިގީގުތަކެއްގެ މައުލޫމާތު އާންމުންނަށް ހާމަ ކުރުމަށް ފުލުހުން ތައްޔާރުވެއްޖެ. އެ ސާިވސް އިން ބާއްވާ ނޫސްވެރިންގެ ބައްދަލުވުމެއް މިއަދު ހަވީރު 16:30 ގައި އޮންނާނެ ކަމަށް ފުލުހުން ބުނޭ.
ސިޔާސީ މައްސަލަތަކީ ދާހިލީ މައްސަލަތައް ކަމަށާއި ރާއްޖޭގެ މައްސަލަތަކުގެ ތެރެއަށް އެހެން ގައުމަކުން ވަނުމާ ދެކޮޅު ކަމަށް ޗައިނާގެ ފޮރިން މިނިސްޓްރީން ބުނެފި އެވެ.
ޗައިނާގެ ފޮރިން މިނިސްޓްރީގެ ތަރުޖަމާނު ޗައިނާގެ މީޑިއާތަކަށް ދެއްވި އިންޓަވިއުއެއްގައި ވިދާޅުވި ގޮތުގައި ޗައިނާ އިން ދަނީ ރާއްޖޭގެ ހާލަތު ވަރަށް ގާތުން ބަލަމުންނެވެ. އަދި ރާއްޖޭގައި ތަފާތު ޕާޓީތަކުގެ މެދުގައި އުފެދިފައިވާ ހިޔާލު ތަފާތުވުންތައް ވާހަކަ ދައްކައިގެން ހައްލުކޮށް، ރާއްޖެ އާއްމު ހާލަތަށް ރުޖޫއަ ވާނެ ކަމަށް އުއްމީދު ކުރައްވާ ކަމަށް ތަރުޖަމާނު ވިދާޅުވި އެވެ.
އަދިވެސް މިހިނގާ ދިޔަ ކަންކަން ނިމުނު ކަމެއް ނޭނގޭ ކަމަށާއި އަދިވެސް އަޑުއިވެނީ ބޭރުގެ ފަރާތްތަކަށް ރާއްޖެ އަރަން ގޮވާލާ އަޑުކަމަށް ރައީސް އަބްދުﷲ ޔާމީން އަބްދުލްގައްޔޫމު ވިދާޅުވެއްޖެ އެވެ.
ރޭ 'ރުމާލު 2' ޖަގަހާގައި ވާހަކަފުޅު ދައްކަވަމުން ރައީސް ވިދާޅުވީ ބޭރުގެ ފަރާތްތަކުން ރާއްޖެ އަރަން ގޮވާލާ އަޑު އިވުނީމަ އުނދަގޫ ވާ ކަމަށެވެ.
"އަދިވެސް އަޑު މި އިވެނީ ބޭރުގެ ފަރާތްތަކަށް ދޭ ދައުވަތު ދިވެހިރާއްޖެ އަށް ދަތިކުރަން ގޮވާ ވާހަކަ. މީގެ އުނދަގޫ އަޅުގަނޑަށް އިހުސާސް އެބަކުރެވޭ،" ރައީސް ޔާމީން ވިދާޅުވި އެވެ.
ރައީސް ޔާމީން އެހެން ވިދާޅުވެފައިވާ އިރު ކުރީގެ ރައީސް މުހައްމަދު ނަޝީދު ވަނީ އިންޑިއާ ސިފައިންގެ އެހިތެރިކަން ރާއްޖޭގެ ސިޔާސީ މަޝްރަހު ހައްލުކުރަން ބޭނުންވާ ކަމަށް ބުނެ ޓުވީޓެއް ކޮށްފަ އެވެ.
މައުލޫމާތު ލިބޭގޮތުގައި ސުޕްރީމް ކޯޓުގެ ފަނޑިޔާރު އަލީ ހަމީދުގެ ހާލު އެހާ ސީރިއަސްއެއް ނޫން.
އެގްޒެކެޓިވް ވޯޑު ސަރަހައްދުގައި އެއްވެ ތިބި މީހުން އައިޖީއެމްއެޗުން ބޭރުކުރުމުގެ މަސައްކަތް އެސްއޯ ފުލުހުން ފަށައިފި. އޭގެ ތެރޭގައި ފަނޑިޔާރު އަލީ ހަމީދުގެ އާއިލާގެ މީހުންވެސް ހިމެނޭ.
ފަނޑިޔާރު އަލީ ހަމީދުގެެ އާއިލާއިން ދަނީ، އާއިލާގެ ބައެއް މެމްބަރުން ވޯޑަށް ވަނުމުގެ ހުއްދަ ދިނުމަށް ފުލުހުންގެ ކިބައިން އެދެމުން.
ސުޕްރީމް ކޯޓުގެ ފަނޑިޔާރު އަލީ ހަމީދުގެ ހާލުކޮޅު ދެރަވެގެން އައިޖީއެމްއެޗުގައި ފަރުވާ ހޯއްދަވަނީ.
ފަނޑިޔާރު އަލީ ހަމީދު ވަނީ އައިޖީއެމްއެޗުގެ އެގްޒެކެޓިވް ވޯޑުގައި އެޑްމިޓް ކުރެވިފައި. ވޯޑުގެ ކުރިމަތީގައި ހަތަރު އެސްއޯ ފުލުހުން ހަރަކާތްތެރިވޭ.
މައުލޫމާތު ލިބިފައިވާ ގޮތުގައި ފަނޑިޔާރު އަލީ ހަމީދު ހޮސްޕިޓަލަށް ގެނައީ ހާޓް އެޓޭކެއް ޖެހިގެން، މިރޭ 12:15 ހާ އިރު.
އެމްޑީޕީ ހަރުގެ ކައިރީގައި ގިނަ އަދަދެއްގެ ފުލުހުން ހަރަކާތްތެރިވޭ. އެއްވެ ތިބި މީހުން ތިބީ އާޓިފިޝަލް ބީޗު ތެރޭގައާއި އެމްޑީޕީ ހަރުގެ ތެރޭގައި. ބޮޑުތަކުރުފާނުމަގުގައި އެސަރަހައްދު ކުރިން ބަންދުކޮށްފައި ހުރި ނަމަވެސް، މިހާރު އެސަރަހައްދު ވަނީ ދުއްވާތަކެތި ދުއްވުމަށް ހުޅުވާލާފައި
ރައީސް ޔާމީންގެ ވާހަކަފުޅު ނިންމަވާލައްވައިފި
ދިފާއީ ދެ ބާރުން މުޅި ރާއްޖޭގެ ހައްގުގައި އަޅުގަނޑު ކުރި އިލްތިމާސްތައް ގަބޫލުކޮށް ކުރި މަސައްކަތައް ޝުކުރިއްޔާ. އެންމެ ބޮޑު ޝުކުރެއް ފުލުހުންނާއި ސިފައިންނަށް
ނިޒާމުތައް ރަނގަޅަށް ނުހިނގަންޏާ އެންމެ ވަރުބަލިވާނީ ރައީސް. ހަމަނިދި ނުނިދޭ ދުވަސްތަކެއް މި ފާއިތުވީ
އަޅުގަނޑު މިތަނަށް އައީ ސިޔާސީ ވަހަކަ ދައްކާކަށް ނޫން. އަޅުގަނޑު އައީ ހުރިހާ ބޭފުޅުންނަށް ޝުކުރިއްޔާއޭ ބުނެލަން
މިއީ ބަގާވާތެއްތޯ ނިންމާކަށް އަޅުގަނޑަކަށް ނޭންގެ
ނުރައްކާތެރި މާހައުލު އުފެއްދުމުން އެ ހުޅާވެލެވެނީ ބޭރުގެ ނުފުޒު ވަނުމުގެ ފުރުސަތު
އަޅުގަނޑު ވަރުބަލިވެއްޖެ. ހަގީގަތުގައިވެސް ވަރުބަލިވެއްޖެ
ފަނޑިޔާރުން އަމަލުކުރި ގޮތުން ބޮޑެތި މައްސަލަތަކުގެ މާއްދީ ހެކި ނެތިގެން ދިޔަ
ކުއްލި ނުރައްކަލުގެ ހާލަތު އިއުލާން ނުކުރިނަމަ ހުރިހާ ބާރެއް އޮންނާނީ ފަނޑިޔާރެއްގެ އަތްމަތީގައި
އަޅުގަނޑުމެންނަށް މި ފެންނަނީ ކިޔަވާ ކުދިންނަށްވެސް ނަމޫނާއަކަށް ދައްކަން ހެޔޮ ނުވާނެ ސިޔާސީ ލީޑަރުން
އަދިވެސް މިކަން ނިމުނު ކަމެއް ނޭނގޭ. ބޭރުގެ މީހުން ގެންނަން ގޮވީމަ އުނދަގޫވޭ
ނަމޫނާ ޑިމޮކްރަސީތަކުގައި އުމުރުން ދުވަސްވީ ސިޔާސީ މީހުން ތިބެނީ ނަމޫނާއަކަށް
އަބަދުވެސް އަޅުގަނޑަށް ބޭވަފާތެރިވަނީ އެންމެ ގާތް މީހުން
އަބްދުﷲ ސައީދާއި އަލީ ހަމީދު ސުޕްރީމް ކޯޓުގެ ބެންޗުގައި ހިމަނަން މަސައްކަތް ކުރީ އަޅުގަނޑު. އެކަމަކު މިއަދު އެކަމެއް ނުދެކެން
އަލީ ހަމީދު ބެންޗުގައި ނުހިމަނަން ބައެއް މީހުން އެދުނު
ސުޕްރީމް ކޯޓުގެ ބެންޗުގައި އަލީ ހަމީދު ހިމެނުނީ އަޅުގަނޑު ހުއްދަ ދިނީމަ
ގެންނަންވީ ބޭރުގެ ސިފައިންނެއް ނޫން. ފިލާ ތިބި މީހުން ޖުމްހުރީ މައިދާނަށް އައިސް ރައްޔިތުން ގާތު އަހަންވީ ތިމަންނަމެންތޯ ބޭނުންވަނީ
ބޭރުން ސިފައިން ގެންނަން ބުނާ މީހުންނަށް ދިވެހިން ދެންވެސް ވޯޓު ދޭނެތޯ
ވަގަކަށް ކިހިނެތްތޯ ފިލާ ހުރެވޭނީ ވައްކަން ކޮށްފައި، ތިމަންނަގެ މައްސަލަ ނުބެލޭނޭ ބުނެފައި
ހިނގި ކަންތައްތަކަށް ވުރެ ބޮޑެތި ކަންކަން ނުހިނގީ ފަސް ފަނޑިޔާރުންގެ ތެރޭގައި ސުލްހައަށް ލޯބިކުރާ ތިން ފަނޑިޔާރަކު ތިބީމަ
ބާރެއް ދިނީމާ އެ ބާރުގެ ބޭނުން ހެޔޮގޮތުގައި ބޭނުން ނުކުރީމަ ފިޔަވަޅު އޭޅޭނެ އުސޫލެއް ރާއްޖޭގެ ގަނޫނުގައި އޮތް ކަމަކަށް ގަބޫލެއް ނުކުރަން
މިއީ އިހުލާސްތެރިކަމާ އެކު މަސައްކަތް ނުކުރެވުމުގެ ނަތީޖާ. ސުޕްރީމް ކޯޓުން ނިންމާ ނިންމުމަކީ ފަހުގެ ނިންމުންކަން ގަބޫލު ކުރެވޭނެ ދުވަހެއް އަންނާނެތޯ
ސުޕްރީމް ކޯޓުގެ ފަނޑިޔާރުންގެ ބޮލަށް ސިޔާސީ ވިސްނުން ވަނުން އެއީ ގައުމުގެ ހަލާކު. އެ ފަނޑިޔާރުން ތައުބާވާން ޖެހޭ
ދައުލަތުގެ އެންމެ އިސްވެރިއަކީ ސުޕްރީމް ކޯޓުގެ ފަނޑިޔާރެއް ނޫން. އެންމެ އިސްވާނީ ރައީސުލްޖުމްހުރިއްޔާ
ކޮންމެ މީހަކީ އަމުރެއް އަންނަ އިރަށް ގާނޫނު މޮޅަށް އެނގޭ މީހެކޭ ހީނުކުރޭ
ސިޔަސީ ބަގާވާތް ގެންނަން އުޅުނު މީހުން އެދުނީ ސުޕްރީމް ކޯޓުގެ އަމުރު ފުލުހުން ނުކުމެ ތަންފީޒު ކުރަން. އެކަން އެގޮތަށް ކުރިނަމަ ދެވަނަ ފެބުރުއަރީ ހަތެއް ތަކުރާރުވީސް
މަގޭ ދީނާ ނުތޮޅޭށޭ. މަގޭ ގައުމާއި ނުތޮޅޭށޭ. މިއީ މިރޭވެސް، އަބަދުވެސް ދޭން ބޭނުންވާ ނަސޭހަތެއް
އެންމެ އިހުލާސްތެރި މަސައްކަތެއް ކޮށްދެއްވީ ދިވެހި ފުލުހުންނާއި ސިފައިން. އެމީހުންނަށް ސްޓޭންޑިންގ އޮވޭޝަނެއް ޑިޒާވް ވޭ.
ސިޔާސީ ކަންކަމަކީ ވަރަށް" ޑަރޓީ" ކަމެއްކަން މިހާރު ގަބޫލުކުރަން. އެކަމު އަޅުގަނޑު މިހުރީ އިހުލާސްތެރި ހިތަކާ އެކު
ދިވެހިރާއްޖެއަށް މި ލިބުނީ ނަސްރެއް
އެ ނާޒުކު ހާލަތުގައި އަޅުގަނޑުގެ އަންހެނުންނާއި ޕީޕީއެމްގެ އެކި ފެންވަރުގެ މީހުން ވަނީ ބުރަ މަސައްކަތެއް ކޮށްދެއްވާފައި
ރައީސްކަން ކުރާ މީހެއްގެ މައްސަލައެއް އުޅެންޏާ ކޯޓުތަކަށް ގޮސް ހައްލު ކުރަންވީ
ދިވެހި ތަހުތުގައި ރެދަލިކުރުމަކީ ކަރާމާތެއް ނޫން. އެއީ ތަކުލީފެއް
ސިޔާސީ މީހުން ބޭނުންކުރީ ސަރުކާރާ ދެކޮޅަށް ވަރުގަދަ ހަތިޔާރެއް. އެކަމު އެ ހަތިޔާރު އުފެއްދި މީހާގެ ގައިގައިވެސް އެ ހަތިޔާރު ކޮންޓްރޯލް ކުރާނެ ބާރެއް ނެތް
ކޮންމެ އަހަރެއްގެ ފެބްރުއަރީ ހަތަކީ ލެއިން ތަތްތެޅެން ޖެހޭ ދުވަހެއްތޯ، މިއީ ކުރަން ސުވާލެއް
މިދިޔަ ދުވަސްތަކުގައި ނިދި ނަގާލައިގެން މަސައްކަތް ކުރިން. ޑިފެންސް މިނިސްޓްރީގައި ކޮންމެ ރެއަކު އިނދެފައި ގެއަށް ދަނީ އަނެއް ދުވަހު ފަތިހު ހައެއް ޖަހާއިރު
އުފާ ކުރާކަށް ޖާގައެއް ނެތް. ހަމްދު ކުރަންވީ.
އަޅުގަނޑު މިހުރީ އުފާވެރިކަމުގެ ފިޔަވަޅު މަތީގައެއް ނޫން
ޝަރުއީ ނިޒާމަށް އަޅުގަނޑު ވަރަށް އިތުބާރު ކުރިން
ޖަލްސާގައި މިހާރު ވާހަކަފުޅު ދައްކަވަމުންދަނީ ރައީސް އަބްދުﷲ ޔާމީން
ރައީސް އޮފީހުގެ ލީގަލް އެފެއާޒް މިނިސްޓަރު އާޒިމާ ޝަކޫރަކީ ބަތަލެއްގެ
އެމްޑީޕީ ހަރުގެ ސަރަހައްދުގައި އިދިކޮޅު އެއްވުމެއް އެބަ ބާއްވާ. އެހާ ގިނަ މީހުންނެއް މިވަގުތު ނެތް
އިންޑިއާ ސިފައިން ރައީސް ނަޝީދު ބުނެގެން މި ރައްޖެއަކަށް ނާންނާނެ. އިންޑިއާއަކީ އަޅުގަނޑުމެންނަށް އަނިޔާވެރިވާނެ ބައެއް ނޫން.
ފަނޑިޔާރުގެ އަކީ ދިވެހިން އަބަދުވެސް ބިރުގަންނަ ތަނެއް. އެހެން ވަނީ އެތަނަށް އިތުބާރު ކުރާތީ.
ކުރިން 7 ފެބްރުއަރީގައި މަގުމަތީގައި ލެއިން ތަތްތެޅިފައި އޮތީ އޭރު ހުރި ވެރިމީހާ ފިލީމައި
ރައްޔިތުންނަށް ގޮވާލަން ބޭނުންވަނީ މި ހާލަތުން މިންޖު ވުމަށްޓަކައި ރައީސް ޔާމީނަށް ހެޔޮދުއާ ކުރައްވާށޭ
ރުމާލު2 ޖަގަހަ ސަރަހައްދުގައި ސިފައިން ދަނީ ހަތިޔާރާ އެކު ހަރަކާތްތެރިވަމުން. އޭގެ ތެރޭގައި ސްޕެޝަލް ފޯސަސްގެ ސިފައިންވެސް ހިމެނޭ
ދައްކަވަން އޮތް ތަނެއް ދައްކަވާނެ. ވެރިކަން ވިއްޔާ ވެރިކަން، ކުޑަގޮޅި ވިއްޔާ ކުޑަގޮޅި
މިއަދަކީ ރައީސް ޔާމީން 2018 އަހަރުގެ އިންތިހާބު ކާމިޔާބުކުރި ދުވަސް. އެ އިތުބާރު ރައްޔިތުން ދީފި
މި ސަރުކާރާ ދެކޮޅަށް ކުރަން އުޅުނު ކޮންމެ ބަގާވާތަކުންވެސް އިތުރުވީ ރައީސް ޔާމީނާ މެދު އޮތް ލޯތްބާއި އިތުބާރު
އެޕްޑީޕީ ހަރުގެ ސަރަހައްދަށް މީހުން ދަނީ ޖަމާވަމުން. ފުލުހުން އޮތީ އެ ސަރަހައްދު ބަންދުކޮށްފައި
ރައީސް ޔާމީނުގެ ސަރުކާރާ ދެކޮޅަށް މަސައްކަތް ކުރާ މީހުން އެތެރެއިންނާ ބޭރުން ބޭރު ކުރާނަން
ސަކަރާތެއް ޖަހައިގެން ވެރިކަން ބަދަލުކުރަން އުޅެނީ އިންތިހާބަކުން ބަލި ނުކުރެވޭނެތީ
ނާޒުކު ހާލަތުގައިވެސް ރައީސް ޔާމީން އެންމެ ފުރަތަމަ އިސްކުރެއްވީ މަޝްވަރާ
ރުމާލު2 ޖަގަހަ ހިމެނޭ ސަރަހައްދު ވަނީ ފުލުހުން ބަންދުކޮށްފައި. ސިފައިން ދަނީ ފޯރި މަރަމުން.
ސިޔާސީ ގޮތުން ރާއްޖެއަށް އައިސްފައިވާ ހަލަބޮލިކަމުގެ ފައިދާ ނަގައިގެން އިދިކޮޅު ފަރާތްތަކުން މިވަގުތު މަސައްކަތް ކުރަނީ ފަތުރުވެރިކަމަށް ގެއްލުން ދޭންކަމަށް ދިވެހި ވިޔަފާރިވެރިންގެ ގައުމީ ޖަމިއްޔާއިން ތުހުމަތުކޮށްފި.
ދިމާވި ހާލަތުގައި ޒުވާނުންނާއި ކަނބަލުން ދައްކައިދިނީ އެ މީހުން ތިބީ ރައީސް ޔާމީނާ އެކުގައި ކަން
އަމުރާ އެކު އިދިކޮޅުގެ ވިސްނުން ހުރީ ބަގާވާތުން ވެރިކަން ވައްޓާލުމަށް
ސަރުކާރު ވައްޓާލަން ބަޔަކު ކުރި މަސައްކަތް ނާކާމިޔާބުވީ ރައީސް ޔާމީންގެ ކުޅަދާނަކަމުން
ރައީސުލްޖުމްހޫރިއްޔާ އަބްދުﷲ ޔާމީން އަބްދުލްގައްޔޫމް ދާދި ދެންމެ އަކު ރުމާލު2 ޖަގަހައިގައި ބާއްވާ ޖަލްސާގައި ބައިވެރިވެވަޑައިގަތުމަށް އެތަނަށް ވަޑައިގެންފި. ރައީސް ވަޑައިގަތް އިރު ގިނަ އަދަދެއްގެ ސިފައިން ދަނީ އެ ސަރައްދުގެ ސަލާމަތީކަންކަން ބަލަހައްޓަމުން.
ސަރުކާރު ހިންގާ ކޯލިޝަނުން ރުމާލު2 ޖަގަހައިގައި ބާއްވާ ޖަލްސާ ދެންމެ ފަށައިފި. ގިނަ އަދަދެއްގެ ބަޔަކު ދަނީ ބައިވެރިވަމުން.
ފެބްރުއަރީ 1 ވަނަ ދުވަހު ސުޕްރީމް ކޯޓުން ނެރުނު އަމުރުގައިވާ، ސުޕްރީމް ކޯޓު ފަނޑިޔާރުންގެ މައްސަލަ ޖޭއެސްސީއަށް ނުބެލޭ ކަމަށް ބުނާ ބައިވެސް ބާތިލުކުރި.
ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަނުން، ކޯޓުތަކުގައި ވާކާލާތުކުރަން އަލުން ހުއްދަދިން ގާނޫނީ ވަކީލުންގެ ތެރޭގައި ހިމެނެނީ:-
ސުޕްރީމް ކޯޓުން މިމަހުގެ އެއްވަނަ ދުވަހު ނެރުނު އަމުރުގައި ސިޔަސީ ކުށްވެރިން ކަމަށް ބުނެ ނުވަ މީހަކު ދޫކޮށްލަން އަމުރުގައި ހިމެނި ބައި ބާތިލުކޮށްފި. އެބައި ބާތިލުކޮށްފައިވަނީ މިރޭ ސުޕްރީމް ކޯޓުން ނެރުނު އަމުރަކުން.
ދިވެހިރާއްޖޭގެ ކޯޓުތަކުގައި ވަކާލާތުކުރުން މަނާކޮށްފައިވާ ހަތް ގާނޫނީ ވަކީލަކަށް، ދިވެހިރާއްޖޭގެ ކޯޓުތަކުގައި ވަކާލާތުކުރުމުގެ ހުއްދަ އަލުން ދީފި.
ކުއްލި ނުރައްކަލުގެ ހާލަތު ވީހާވެސް އަވަހަކަށް އުވާލުމަށް އދގެ ސެކްރެޓަރީ ޖެނެރަލް އެންޓޯނިއޯ ގުޓެރޭސް ދިވެހި ސަރުކާރަށް ގޮވާލައްވައިފި.
.@antonioguterres urges the Government of the Maldives to lift the state of emergency as soon as possible, and take all measures to ensure the safety and security of the people in the country, including members of the judiciary. Full text: https://t.co/bF8io49Alb
— UN Spokesperson (@UN_Spokesperson) February 6, 2018
ރައީސް އޮފީހުން ބުނީ، ގަރާރުގައިވާ 145 ވަނަ މާއްދާގެ (ނ) އުނިކޮށް، އެ މާއްދާއަށް އަމަލުކުރުން ހިފަހައްޓާފައިވާ ހިފެހެއްޓުން ނިމުމަކަށް ގެނައުމަށް ރައީސުލްޖުމްހޫރިއްޔާ ކަނޑައަޅުއްވާފައިވާ ކަމަށް.
ގާނޫނު އަސާސީއާއި ގާނޫނު މާނަކުރުމުގައި ސުޕްރީމް ކޯޓުގެ ނިންމުމަކީ އެންމެ ފަހު ނިންމުން ކަމަށް ބުނާ މާއްދާއެއް އަލުން އިޔާދަކޮށް، ކުއްލި ނުރައްކަލުގެ ގަރާރަށް އިސްލާހު ގެނެސްފި.
ވިލާގެ ޗެއާމަން ގާސިމް އިބްރާހިމްގެ ދަރިކަލުން އިބްރާހިމް ސިޔާދު ގާސިމް ހައްޔަރުކޮށްފި.
ސިޔާދަކީ ވިލާ ޝިޕިންގް އެންޑް ޓްރޭޑިންގްގެ މެނޭޖިންގް ޑިރެކްޓަރު.
އަޅުގަނޑުމެން މި ދަނީ ޗައިނާގެ ޓްރެވަލް އޭޖެންޓުންނާ ވާހަކަ ދައްކަމުން. އެފަރާތުން ބުނާ ގޮތުގައި މިހާތަނަށް އެހާ ގިނަ ބަޔަކު ރާއްޖެއަށް ކުރާ ދަތުރުތައް ކެންސަލެއް ނުކުރޭ.
ޗައިނާއިން ޓްރެވަލް އެޑްވައިޒަރީއަށް ބަދަލެއް ނުގެނޭ. މިކަހަލަ ހާލަތްތަކުގައި ޗައިނާއިން އަބަދުވެސް ފުރަތަމަ ވިސްނަނީ އެގައުމުގެ ރައްޔިތުންގެ ސަލާމަތަށް، އަދި އެވަގުތެއްގައި ދަތުރު ނުކުރުމަށް އިލްތިމާސް ކުރަނީ. ޗައިނާ ސަރުކާރުން ދަނީ ރާއްޖޭގެ މަސްރަހު ގާތުން ބަލަމުން
ޗައިނާއިން ރާއްޖެއަށް ނެރެފައިވާ ޓްރެވަލް އެޑްވައިޒަރީ އަޕްގްރޭޑުކޮށް، އެގައުމުގެ ފަތުރުވެރިން ރާއްޖެ އައުމަށް ހަދާފައިވާ ބުކިންގްތައް ކެންސަލް ކުރުމަށް އެގައުމުގެ ފޮރިން މިނިސްޓްރީން އެންގި ކަމަށް ބޭރުގެ މީޑިއާގައި ދެކެވޭ ވާހަކަތައް، ޗައިނާގައި ހުންނަވާ ދިވެހި ސަފީރު ޑރ. މުހައްމަދު ފައިސަލް ދޮގުކުރައްވައިފި.
ޗައިނާގައި ހުންނަވާ ދިވެހި ސަފީރު ޑރ. ފައިސަލް "ސަން"އަށް ވިދާޅުވީ އެހާ ގިނަ ބަޔަކު ޗުއްޓީ ކެންސަލް ކޮށްފައި ނުވާކަމަށް.
ކުލަ ހެދުމުގައި ތިބި ފުލުހުން ޕެރެޑައިޒް އައިލެންޑް ރިސޯޓަށް އަރައިފި.
ރާއްޖަެއަށް އަންނަ ފަތުރުވެރިންވެސް ރެއިން ފެށިގެން މިއަދާ ހަމައަށްވެސް ހަމަ ދަނީ އަންނަމުން
ވިލާ ބިލްޑިންގް ކައިރިން ފުލުހުންގެ ބެލުމުގެ ދަށަށް ގެންދިޔަ މީހާ ދޫކޮށްލައިފި
ފަނޑިޔާރުންގެ ވިސްނުމަށް މިހާބޮޑު ބަދަލެއް އައި ސަބަބު ވަރަށްބޮޑަށް ދިރާސާ ކުރަން އެބަ ޖެހޭ
ޕީޕީއެމްއިން މިވަގުތު ދަނީ ނޫސްވެރިންގެ ބައްދަލުވުމެއް ބާއްވަމުން
މިރޭ ޕީޕީއެމްގެ ރުމާލު2 ޖަގަހައިގައި އެޕާޓީގެ މުސްތަޝާރު ރައީސް އަބްދުﷲ ޔާމީން ބައިވެރިވެވަޑައިގަންނަވާ ވަރަށް ޚާއްސަ ޖަލްސާއެއް އޮންނާނެ ކަމަށް އެޕާޓީގެ ނައިބު ލީޑަރު އަބްދުއްރަހީމް އަބްދުﷲ ވިދާޅުވެއްޖެ
ފުލުހުން ހަރަކާތްތެރިވަމުން ދަނިކޮށް، ވިލާ ބިލްޑިންގްއަށް ވަނުމަށް މަސައްކަތް ކުރި އެތަނުގެ މުވައްޒަފަކު ފުލުހުންގެ ބެލުމުގެ ދަށަށް ގެންގޮސްފި
ވިލާ ބިލްޑިންގްގެ އެތެރެއާއި ބޭރުގައިވެސް އެސްއޯ ފުލުހުން ހަރަކާތްތެރިވޭ
ކުއްލި ނުރައްކަލުގެ ހާލަތު އިއުލާނުކުރުމާ ގުޅިގެން ރައީސުލްޖުމްހޫރިއްޔާ އަބްދުﷲ ޔާމީން ގައުމާ މުޚާތަބުކުރެއްވުން ނިންމާލައްވައިފި
އަޅުގަނޑުގެ މައްސަލަ ބަލާ ދުވަހެއްވެސް ގެންނަންވީ. މިއަދު އަޅުގަނޑުގެ މައްސަަލަ ބަލަން ބުންޏަސް އެ ފުރުސަތު ދޭނަން
މިއީ ކޮރަޕްޝަން ނައްތާލުމަށް ކުރާ މަސައްކަތް. މި މަސައްކަތް ކުރީމާ ރައީސަށް ތާއިދު ކުރަންޖެހޭނީ.
ފަނޑިޔާރަކާ ދެކޮޅަށްވެސް ކިތާބީ ހެކި ހުރި ނަމަ އެ މައްސަލަ ބެލޭނެ
މި ކުރަނީ ބޮޑު އަމުރެއް ކުއްލިއަކަށް ނެރުނީ ކީއްވެގެންތޯ ހޯދުމުގެ މަސައްކަތް
އަމިއްލައަށް ކުރާ ކަންކަން އެހެން ބަޔަކަށް ނުބެލޭނެ ކަމަށް ބުނުމަކީ ޑިކްޓޭޓަޝިޕްގެ ސިފައެއް
ގާނޫނީ ނިޒާމުގެ ތެރެއިން ދައުލަތް ހިންގަން ހުރަސް އެޅީތީ ކުއްލި ނުރައްކަލުގެ ހާލަތު އިއުލާން ކުރަން ޖެހުނީ
މިހާރު ހިނގަމުންދާ ކަންކަމުގެ ބޮޑު މަންޒަރު ފުލުހުން ވަރަށް އަވަހަށް ހާމަކުރައްވާނެ
މިއުޅެނީ އަހުލީ ހަނގުރާމައެއް ހިނގާފާނެތީ ބިރަކުން ނޫން
ކުއްލި ނުރައްކަލުގެ ހާލަތު އިއުލާނުކުރަން ޖެހުނީ ސުޕްރީމް ކޯޓުގެ ފަނޑިޔާރުން ޖަވާބުދާރީ ނުކުރެވިގެން
ގާނޫނީ ގޮތުން ދިމާވެފައިވާ ކަންކަން ހައްލު ކުރަން ކުއްލި ނުރައްކަލުގެ ހާލަތު އިއުލާންކުރީ
މި ކުއްލި ނުރައްކަލުގެ ހާލަތުގައި "ކާފިއު"އެއް ނޯންނާނެ
މިކަހަލަ ހާލަތެއްގައި ބަންޑާރަ ނައިބު ވަކިކޮށްފިނަމަ ކާކުތޯ އަޅުގަނޑަށް ލަފާދޭނީ
އުއްތަމަ ފަނޑިޔާރާ ބައްދަލުކުރަން އިއްޔެ 12 ޖެހި އިރު އަޅުގަނޑު އެދުމުން ބައްދަލެއް ނުކުރި
ދައުލަތް މިކަހަލަ ނާމަން ކަމެއްގައި ބިރުވެރިކަމެއްގައި ބޭއްވޭކަށް ނެތް
ބާރުތައް ވަކިކުރެވިފައި އޮންނަ ވެރިކަމެއް ދިވެހިރާއްޖޭގައި ނުކުރެވޭނެ
ސުޕްރީމް ކޯޓުގެ އަމުރާ ހިލާފުވެގެން މުއައްސަސާތަކަށް ފިޔަވަޅު ނޭޅުމަށް އަޅުގަނޑު ވާނީ އަންގާފައި
ގަސްދުގައި "ޖެމްސް" ހުރީ ކަނޑާލާފައި. އިލެކްޓްރޯނިކް ނިޒާމުގެ ތެރެއިން މައްސަލަތައް ހުށައެއް ނޭޅުނު. އެންމެ ގަދީމީ ގޮތަށް މީހަކު ފޮނުވައިގެން ސިޓީ ފޮނުވަން ކުރި މަސައްކަތް ވެސް ކާމިޔާބެއް ނުވި
ހަތަރު އަމުރެއް ސުޕްރީމް ކޯޓަށް ކުރިން. ގާނޫނީ ވެރިކަން ދެމެހެއްޓުން އެއީ ރައީސް ކުރަންޖެހޭ ކަމެއް ކަމަށް އެ އަމުރުގައި ދެންނެވިން
ސުޕްރީމް ކޯޓުގެ ފަނޑިޔާރުންނަކީ ގާނޫނަށް ވުރެ މަތީގައި ތިބޭވޭނެ ބައެއް ނޫން
ރައީސް މަގާމުން އަޒުލު ކުރެވޭނެ. އެކަން ކުރެވޭނީ ރައްޔިތުންގެ މަޖިލީހުގެ މެމްބަރުންނަށް
އަލީ ހަމީދާއި އުއްތަމަ ފަނޑިޔާރުގެ ވިސްނުމަށް ބަދަލު އައީ ކޮން ނުފޫޒަކުންތޯ ބަލަން ޖެހޭ
މި މައްސަަލަތައް އުފެދުމުން ހައްލު ކުރުމަށް އެއްވެސް މަގެއް ނުފެނުނު. އެއްވެސް ޗޮއިސްއެއް އަޅުގަނޑަކަށް ނުފެނުނު
ޑެޕިއުޓީ ސީޕީ ސައުދީ ވެސް މަގާމަށް އަލުން ގެންނަން ސުޕްރީމް ކޯޓުން މަސައްކަތް ކުރި
ޕޮލިސް ކޮމިޝަނަރު އަހްމަދު އަރީފް އަލުން މަގާމަށް ގެންނަން ސުޕްރީމް ކޯޓުގައި މަސައްކަތް ކުރި. ނަމަވެސް އެކަން ފެއިލްވި
ބަންޑާރަ ނައިބު ވަކިކުރަން މަސައްކަތް ކުރުމުން އެކަން ފެއިލްވި
ރައީސް މަގާމުން ވަކިކުރަން ސުޕްރީމް ކޯޓުގައި މަޝްވަރާ ކުރި
މައްސަލަތައް ލަސްވާ ކަމަށް ވަންޏާ އުއްތަމަ ފަނޑިޔާރު އަރިހުގައި މައްސަލަ އަވަސް ކުރުމަށް އަބަދުވެސް ދަންނަވަން. ނަމަވެސް މައްސަލަ ވަކިގޮތަކައް ނިންމާކަށް ދުވަހަކުވެސް ނުބުނަން
ސުޕްރީމް ކޯޓުގެ ތެރޭގައި ދެން ތިބި ތިން ފަނޑިޔާރުންގެ އެއްވެސް މައްސަލައެއް ނެތް
ހަސަން ސައީދުގެ މައްސަލަ ސުޕްރީމް ކޯޓުން ބާތިލު ކުރުމުން އުއްތަމަ ފަނޑިޔާރާއި ފަނޑިޔާރު އަލީ ހަމީދުގެ މައްސަލަ ސުޕްރީމް ކޯޓުގެ ތެރެއިން ނުބެލޭނެކަން އެނގިއްޖެ
އެއްވެސް މީހެއްގެ ނުބެލޭ މައްސަލައެއް އޮވެގެން ނުވާނެ
ޖުޑިޝަރީގެ ތެރެއިން ސަރުކާރުން ބަލަން މަސައްކަތް ކުރި އެއްވެސް މައްސަލައެއް ބެލުމުގެ ޖާގައެއް ނުދިން
ހަސަން ސައީދަކީ ފަނޑިޔާރުންނަށް ލިބޭ އެއްވެސް އިމްތިޔާޒެއް ލިބޭ މީހެއް ނޫން. ތަހުގީގު ކުރަން ފެށުމުން އޭނާ ފިލީ
ތަހުގީގު ކުރަން އުޅުނީ ސުޕްރީމް ކޯޓުގެ ފަނޑިޔާރުންގެ މައްސަލައެއް ނޫން. ބަލަން އުޅުނީ ހަސަން ސައީދުގެ މައްސަލަ
ދައުލަތުގެ މީހުންގެ މުސާރައާ ނުބައްދަލު ކަންކަން ހިނގާނަމަ އެކަން ބަލަންޖެހޭ
ހަސަން ސައީދަކީ އުއްތަމަ ފަނޑިޔާރު އަދި ފަނޑިޔާރު އަލީ ހަމީދާ އެކުގައި އަބަދު އުޅޭ ބޭފުޅެއް
ސުޕްރީމް ކޯޓަށް ނުފޫޒު ވަންނަނީ އެއް ފަރާތުން ނޫންކަން ކަށަވަރުވެއްޖެ
ސުޕްރީމް ކޯޓުން ނިންމި ނިންމުމެއްގައި އެކޯޓުގެ ފަނޑިޔާރުންގެ މައްސަލަ ނުބެލޭނެ ކަމަށް ބުނުމުން ދައުލަތުން ކަންބޮޑުވޭ
އަމުރު ތަންފީޒުކުރަން މަސައްކަތް ކުރުމަކީ ކޯޓުގެ ހުރުމަތް ކަނޑާލުމެއް ނޫން
ޕްރޮސެކިއުޓަރ ޖެނެރަލް ހުށަހެޅި އެއްވެސް މައްސަލައަކަށް ސުޕްރީމް ކޯޓުން ފަރުވާއެއް ދީފައެއް ނުވޭ
ބޭރުގެ ބަޔަކު ގެނެސްގެން ކޯޓު އަމުރު ތަންފީޒު ކުރާނެ ކަމަށް ބުނާ އޯޑިއޯ ކްލިޕެއް އުއްތަމަފަނޑިޔާރާއި ހިއްސާ ކުރިން. އެފަދަ ކަމެއް ނުކުރެވޭނެ ކަމަށް އުއްތަމަ ފަނޑީޔާރު ވަނީ ވިދާޅުވެފައި
ކޯޓު އަމުރާއި ގުޅިގެން ސީދާ އަޅުގަނޑުވެސް އުއްތަމަ ފަނޑިޔާރާ ގުޅިން. އެކަމަކު ހުކުރު ދުވަހުގެ ހަވީރާ ހިސާބަށްވެސް ފޯނު ނުނަންގަވާ
ޖޭއެސްސީގެ ބައްދަލުވުމެއް ބާއްވައިގެން ފަނޑިޔާރުން ޖަވާބުދާރީ ކުރުވަން މަސައްކަތް ނުކުރީ ހުކުމުގައި އޮތް ގޮތުން ކޯޓުގެ ހުރުމަތް ކެނޑިކަމަށް ޖޭއެސްސީގެ ހުރިހާ މެމްބަރުންގެ މައްޗަށް ނިންމާފާނެތީ އެ ރިސްކް ނުނެގުމަށް
ބޮޑެތި ކުށްވެރިންތަކެއް ދޫކޮށްލައިފިނަމަ ދާހިލީ މަސްލަހަތަށް ވެގެން ދާނެ ގޮތް ބަލަން ޖެހޭނީ ސަރުކާރުން
ސުޕްރީމް ކޯޓުން ކުރެއްވި ކަންތައްތަކާއި މެދު ދައުލަތަށް ޖަވާބުދާރީވާން ފުރުސަތު ނުލިބުމަކީ ގާނޫނާ ހިލާފު ކަމެއް
ކޯޓު އަމުރުގައި ހުރީ ދައުލަތުގެ މައްޗަށް ވަރަށް ވަރުގަދަ ކަންކަމެއް ނިންމާފައި. އެކަމަކު އެގޮތަށް ނިންމެވި ސަބަބެއް ސާފެއް ނުކޮށްދެއްވާ
ސިޔާސީ ކުށްވެރިންނަކީ ދިވެހިރާއްޖޭގެ ގާނޫނު އަސާސީ ދަންނަ އެއްޗެއް ނޫން
ފެބުރުއަރީ މަހުގެ އެއްވަނަ ދުވަހުގެ ރެއަކީ އެހާ ފަސޭހައިން ބަލައިގަނެވުނު ދުވަހެއްނޫން. އެ އަމުރާއި އެކު ލިބުނީ ކުއްލި ހައިރާން ކަމެއް
ރައީސް ޔާމީން ގައުމާ މުޚާތަބު ކުރައްވަން ފައްޓަވައިފި.
11 އަހަރުގެ ހުކުމެއް ތަންފީޒު ކުރަމުންދާ ކާނަލް ނާޒިމް ހުންނެވީ ގޭ ބަންދުގައި.
ގޭބަންދުގައި ހުންނެވި ކުރީގެ ޑިފެންސް މިނިސްޓަރު ކާނަލް (ރޓޑ) މުހައްމަދު ނާޒިމް ދާދި ދެންމެއަކު އަނބުރައި ޖަލަށް ގެންގޮސްފި
ރައްޔިތުންގެ ސަލާމަތާއި ރައްކާތެރިކަން ކަށަވަރުކޮށް، ގާނޫނީ ސަރުކާރު ހިމާޔަތްކުރުމަށް ގާނޫނު އަސާސީން ފުލުހުްނނަށް ލާޒިމުކޮށްފައިވާ އެންމެހާ ކަންކަން ތަންފީޒުކުރުމުގައި ސާބިތުކަމާ އެކު ފުލުހުންގެ މުއައްސަސާ ދެމިއޮތްކަން ދިވެހި ލޮބުވެތި ރައްޔިތުންނަށް ޔަގީންކަން އަރުވަމެވެ.
ކުއްލި ނުރައްކަލުގެ ހާލަތު އިއުލާންކޮށްފައިވާ އިރު، ރައްޔިތުން ކެތްތެރިވެ ތިބުމަށާއި، އަމާންކަމާއި ރައްކާތެރިކަން ފޯރުކޮށްދިނުމަށް ފުލުހުން ކުރަމުންދާ މަސައްކަތުގައި ރައްޔިތުން އެއްބާރުލުން ދިނުމަށް ފުލުހުން އެދިއްޖެ. ފުލުހުން މިހެން ބުނީ ދެންމެ ނެރުނު ބަޔާނެއްގައި.
ޑިޕާޓްމެންޓް އޮފް ޖުޑީޝަލް އެޑްމިނިސްޓްރޭޝަންގެ ތަރުޖަމާނު ފައިސަލް އާދަމް "ސަން"އަށް ވަނީ، ސުޕްރީމް ކޯޓުގެ ފަނޑިޔާރުންގެ މަޖިލީހުގެ ލަފާގެ ދަށުން، ސުޕްރީމް ކޯޓުގެ މަސައްކަތްތައް ކުރިޔަށް ދާކަން ކަށަވަރު ކޮށްދެއްވާފައި.
ރައީސް ޔާމީން މިއަދު މެންދުރު ގައުމާ މުޚާތަބު ކުރައްވާނެ ކަމަށް ރައީސް އޮފީހުން އަންގައިފި
"Raeesuljumhooriyyaa dhivehi qaumaa mukhaathabu kurevvun, miadhu mendhurufahu 1.30 gai" -im
— ɪʙʀᴀʜɪᴍ ᴍᴜᴀᴢ ᴀʟɪ (@SpokespersonMV) February 6, 2018
ކުއްލި ނުރައްކަލުގެ ހާލަތުގައި ހައްޔަރު ކުރާ މީހުންގެ ހައްގުތައް ހަނިކުރެވޭ ގޮތަށް، ކުއްލި ނުރައްކަލުގެ ހާލަތު އިއުލާނުކުރުމާ ގުޅޭ ރައީސުލްޖުމްހޫރިއްޔާގެ ގަރާރަށް އިސްލާހެއް ގެނެސްފި.
އެ އިސްލާހުގައި، ކުއްލި ނުރައްކަލުގެ ހާލަތުގައި ހަނިކުރެވޭ ހައްގުތަކުގެ ތެރެއަށް ގާނޫނު އަސާސީގެ 48 ވަނަ މާއްދާގެ ތިން އަކުރެއް. އެ މާއްދާގައި ވަނީ ހައްޔަރު އަދި ބަންދުކުރެވޭ މީހުންގެ ހައްގުތައް.
އުއްތަމަ ފަނޑިޔާރު އަބްދުﷲ ސައީދު ހައްޔަރުކޮށްފި ކަމަށް މޯލްޑިވްސް ޕޮލިސް ސާވިސް އިން ބުނެފި
ސުޕްރީމް ކޯޓުގެ ފަނޑިޔާރު އަލީ ހަމީދު މުހައްމަދު ހައްޔަރުކޮށްފި ކަމަށް މޯލްޑިވްސް ޕޮލިސް ސާވިސް އިން ބުނެފި
އެމްއެންޑީއެފްގެ ވެހިކަލެއް ސުޕްރީމް ކޯޓު ގޯތިތެރޭން ނުކުމެގެން ހިނގައްޖެ.
ދިވެހިރާއްޖޭގައި އިއުލާނުކޮށްފައިވާ ކުއްލި ނުރައްކަލުގެ ހާލަތު ސުލްހަވެރިކަމާއެކު ނިމުމަކަށް ގެނައުމަށާއި، ގާނޫނުއަސާސީގެ ހުރިހާ މާއްދާއަކަށް ފުރިހަމައަށް އަމަލުކޮށް ހައްގުތައް އިއާދަކުރުމަށާއި ސުޕްރީމް ކޯޓުގެ އަމުރަށް ތަބާވެ، ރައްޔިތުންގެ މަޖިލީހުގައި މިނިވަންކަމާއެކު މަސައްކަތްކުރެވޭނޭ މަގު ފަހިކޮށްދިނުމަށް، އިނގިރޭސި ފޮރިން ސެކްރެޓަރީ ބޮރިސް ޖޯންސަން ރައީސް ޔާމީނަށް ގޮވާލައްވައިފި.
ގިނަ އަދަދެއްގެ ފުލުހުންނާއި ސިފައިން ސުޕްރީމް ކޯޓު ތެރެއިން ނުކުމެއްޖެ.
ފުލުހުންގެ އިންވެސްޓިގޭޝަން އޮފިސަރުންތަކެއްވެސް ސުޕްރީމް ކޯޓުގައި ދަނީ ހަރަކާތްތެރިވަމުން
ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަންގެ ޖުޑީޝަލް އެޑްމިނިސްޓްރޭޓާ ހަސަން ސައީދު ހުސައިން ހައްޔަރުކޮށްފައިވާ ކަމަށް މޯލްޑިވްސް ޕޮލިސް ސާވިސް އިން ބުނެފި
ކުރީގެ ރައީސް މައުމޫނާއި އެމަނިކުފާނުގެ ދަނބިދަރިކަލުން މުހައްމަދު ނަދީމް ގޮވައިގެން ފުލުހުންގެ ލޯންޗުގައި ދޫނިދުއަށް ދިޔުމަށް ދަތުރު ފަށައިފި.
އެ ދަތުރުގައި އެ ދެ ބޭފުޅުންގެ ގާނޫނީ ވަކީލުންގެ ގޮތުގައި ހުސައިން ޝަމީމާއި މޫސާ ސިރާޖު ވެސް ބައިވެރިވެވަޑައިގަންނަވާ
ފުލުހުން ތަހުގީގު ކުރަމުންދާ މައްސަލައަކާ ގުޅިގެން ކުރީގެ ރައީސް މައުމޫން ހައްޔަރުކޮށްފައިވާ ކަމަށް މޯލްޑިވްސް ޕޮލިސް ސާވިސް އިން ބުނެފި
މާފަންނު ކުނޫޒު ސަރަހައްދުގައި ފުލުހުން ވަނީ ވަށާލާފައި. ކުނޫޒު ތެރެގައި ގިނަ އަދަދެއްގެ މަޖިލިސް މެމްބަރުން އެބަތިބި
ކުރީގެ ރައީސް މައުމޫން އަބްދުލް ގައްޔޫމް ފުލުހުންގެ ވެހިކަލަށް އަރުވައިފި
ޔުމްނާ މައުމޫންގެ ފިރިކަލުން މުހައްމަދު ނަދީމް ހައްޔަރުކޮށްގެން ގެންގޮސްފި
ކުއްލި ނުރައްކަލުގެ ހާލަތު އިއުލާނު ކުރީ ގާނޫނީ ހަމަޔަކުން ނޫން ކަމަށް މަޖިލީހުގެ މައިނޯރިޓީ ލީޑަރު އަދި ހިންނަވަރު ދާއިރާގެ މެމްބަރު އިބްރާހިމް މުހައްމަދު ސޯލިހު (އިބޫ) ވިދާޅުވެއްޖެ.
މިހާރު ކުނޫޒުގައި އިދިކޮޅު ޕީޖީ ގުރޫޕުން ކުރިއަށް ދާ ނޫސްވެރިންގެ ބައްދަލުވުމުގައި އިބޫ ވިދާޅުވީ އިސްލާހީ މަސައްްކަތް ހުއްޓާ ނުލާނެ ކަމަށް
އަޅުގަނޑު މިހާރު މިދަނީ ފުލުހުން ބަލާ އައިމަ. އެމީހުން އަޅުގަނޑު ހައްޔަރުކޮށްގެން މި ގެންދަނީ. ކޮން ތުހުމަތެއްގައި ކަމެއް އަޅުގަނޑަކަށް ނޭންގޭ. އަޅުގަނޑު ހައްޔަރު ކުރާ ކަހަލަ ކަމެއް ކޮށްފައެއް ނޯންނާނެ. ހުރިހާ ބޭފުޅުންނަށް އެކަމުގެ ޔަގީންކަން އަރުވަން
ރައްޔިތުންގެ މަޖިލީހުގެ މެމްބަރުންނަށް ރިޝްވަތު ދިން ކަމަށާއި، ރިޝްވަރު ދޭން މަސައްކަތް ކުރި ކަމަށާއި، ގާނޫނާ ޚިލާފަށް ސަރުކާރު ވައްޓާލަން މަސައްކަތް ކުރި ކަމުގެ ތުހުމަތުގައި ކުރީގެ ރައީސް މައުމޫން އަބްދުލްގައްޔޫމް ހައްޔަރުކޮށްފި ކަމަށް ގާނޫނީ ވަކީލު މައުމޫން ހަމީދު ވިދާޅުވެއްޖެ.
.@PoliceMv have arrested Pres. @maumoonagayoom on charges of bribery of MPs, attempted bribery, & attempting to unlawfully overthrow the government.
— Maumoon Hameed (@maanhameed) February 5, 2018
Police have also informed Pres. Maumoon that after their search of his residence, he will be taken to Dhoonidhoo Custodial Jail.
ރައީސް މައުމޫން އަބްދުލްގައްޔޫމް ދިރިއުޅުއްވާ މ. އެންދެރިމާގެ ކައިރީގައި ސަލާމަތީ ބާރުތަކުން ހަރަކާތްތެރިވަނީ. މިވަގުތު އެ ގޭ ދޮރުމަތީގައި ސަލާމަތީ ބާރުތަކުގެ ފަރާތްތައް އެބަ ތިބި
BREAKING NEWS:
— Maldives Judiciary (@judiciarymv) February 5, 2018
THE NATIONAL DEFENSE FORCES OF THE MALDIVES HAVE BROKEN INTO THE SUPREME COURT OF THE MALDIVES.
ޔުމްނާ މައުމޫނު ހުށަހެޅުއްވި މައްސަލާގައި ޔުމްނާގެ ފަރާތުން ގާނޫނީ ވަކީލަކަށް ހަމަޖައްސަވާފައި ވަނީ ގާނޫނީ ވަކީލު ހިސާން ހުސައިން
ކުއްލި ނުރައްކަލުގެ ހާލަތު ބާތިލުކޮށްދޭން އެދި ސުޕްރީމް ކޯޓަށް ހުށަހަޅައިފި.
މައްސަލަ ހުށަހެޅުއްވީ ރައީސް މައުމޫންގެ ދަރިކަނބަލުން ޔުމްނާ މައުމޫން
State of Emergency baathil kohdhinumah edhi alhugandu SC ah dhemme hushahalhaifin. pic.twitter.com/rTa2x8rtam
— Yumna Maumoon (@yumna_maumoon) February 5, 2018
ޖުޑިޝަލް އެޑްމިނިސްޓްރޭޝަން އަދި ސުޕްރީމް ކޯޓުގެ މުވައްޒަފުން ސުޕްރީމް ކޯޓުގެ ތެރެއަށް ނުވެއްދި. އެތަނުގެ މުވައްޒަފަކު ބުނީ ވަންނަން ދިޔަ ތަނުން ނުވަދެވޭނެ ކަމަށް ސިފައިން އެންގި ކަމަށް.
އޯކިޑު މަގުގެ ބޮޑުބައެއް ވަނީ ސަލާމަތީ ބާރުތަކުން ބަންދުކޮށްފައި
ގިނަ އަދަދެއްގެ ބަޔަކު ސުޕްރީމް ކޯޓު ކައިރިއަށް ވަނީ އެއްވެފައި. މައުލޫމާތު ލިބޭގޮތުން ސުޕްރީމް ކޯޓު ގޭޓުގެ ތަޅު ހަލާކުކޮށްލައިގެން ވަނުމަށް ސިފައިން ދަނީ މަސައްކަތް ކުރަމުން
ސުޕްރީމް ކޯޓު ސަރަހައްދުގައި، މަގުމަތީގައި ތިބި އާންމުން ދުރަށް ޖައްސަން ފަށައިފި
ސުޕްރީމް ކޯޓު ހުންނަ ސަރަހައްދު ވަނީ، ހަމަ އެކަނި ސަލާމަތީ ބާރުތަކަށް ވަދެވޭގޮތަށް ބަންދުކޮށްފައި.
ޕީޕީއެމުން މިހާރު ކުރިއަށް ގެންދާ ނޫސްވެރިންގެ ބައްދަލުވުމުގައި އެ ޕާޓީގެ ނައިބް ރައީސް އަދި ފޮނަދޫ ދާއިރާގެ މެންބަރު އަބްދުއްރަހީމް އަބްދުﷲ ވިދާޅުވީ، މި ގައުމު ސަލާމަތުގެ އައްސޭރިއަށް ވާސިލް ކޮށްދިނުމުގައި ރައީސް އަބްދުﷲ ޔާމީން ނިންމެވި ނިންމެވުމަށް ޕީޕީއެމުން ފުރިހަމައަށް ތާއިދުކުރާ ކަމަށް.
ރާއްޖޭގައި ކުއްލި ނުރައްކަލުގެ ހާލަތު އިއުލާންކުރުމުން ސަރުކާރު ހިންގާ ޕީޕީއެމުން ރައީސް ޔާމީނަށް މަރުހަބާ ކިޔައިފި.
ޕީޕީއެމްގެ ޕްރެސް ކޮންފަރެންސެއް މިވަގުތު ކުރިއަށް ދަނީ.
ގްރީން ޒޯން ކަމަށް ކަނޑައަޅާފައިވާ ސަރަހައްދު މިހާރު ވަނީ ބަންދުކޮށްފައި.
ކުއްލި ނުރައްކަލުގެ ހާލަތު އިއުލާނު ކުރާ ގަރާރުގެ ނުވަތަ އެ ގަރާރުން ބައެއްގެ ސައްހަ ކަމާމެދު ނުވަތަ ކުއްލި ނުރައްކަލުގެ ހާލަތާ ގުޅިގެން ހަދާ ގާނޫނަކާ މެދު ނުވަތަ ނެރޭ އަމުރަކާ މެދު ސުވާލު އުފެދިއްޖެ ހާލަތެއްގައި އެ ކަމާމެދު ގޮތެއް ކަނޑައަޅާނީ ސުޕްރީމް ކޯޓުން ކަމަށް ގާނޫނުއަސާސީގެ 258 ވަނަ މާއްދާގައި ވަނީ ބުނެފައި.
ކުއްލި ނުރައްކަލުގެ ހާލަތު އިއުލާނު ކުރާ ގަރާރު 48 ގަޑިއިރުގެ ތެރޭގައި ރައްޔިތުންގެ މަޖިލީހަށް ހުށަހަޅަން ވާނެ ކަމަށް ގާނޫނުއަސާސީގެ 257 ވަނަ މާއްދާގެ (ހ) ގައި ވަނީ ބުނެފަ. ގަރާރު ބާތިލް ކުރުމުގެ ބާރު ރައްޔިތުންގެ މަޖިލީހަށް ގާނޫނު އަސާސީން ލިބިދީފައިވޭ.
ގިނަ އަދަދެއްގެ އެސްއޯ ފުލުހުން އެބަ ހަރަކާތްތެރިވޭ. ފުލުހުން ދެންމެ ވަނީ މުޒާހަރާގެ ބައިވެރިންނަށް އަމާޒުކޮށް ޕްޕާ ސްޕްރޭ ޖަހާފައި. މުޒާހަރާގެ ބައިވެރިން މިހާރު ވަނޯ އޯކިޑު މަގުން، މާފަންނާ ދިމާލަށް ހިނގަން ފަށާފައި.
މި މުޒާހަރާއަކީ ސުޕްރީމް ކޯޓުގެ އުއްތަމަ ފަނޑިޔާރު އަބްދުﷲ ސައީދުގެ އިސްތިއުފާއަށް ގޮވާލައި، ސަރުކާރަށް ތާއީދުކުރާ ފަރާތްތަކަކާ ޕީޕީއެމްއިން ބާއްވާ މުޒާހަރާއެއް.
ފުލުހުންގެ ބެރިކޭޑު ފަޅާލައި، ކުރިޔަށް ޖެހުމަށް މަސައްކަތް ކުރަނީ. އެސްއޯ ފުލުހުން ވަނީ އެމީހުން ފަހަތަށް ޖައްސާފައި.
ކުރީގެ ރައީސް މައުމޫނު ހައްޔަރުކުރުމަށްވެސް މުޒާހަރާގެ ބައިވެރިން ދަނީ ގޮވާލަމުން
ބޯކޮށް ވިއްސާރަކުރަމުން ދިޔަ ނަމަވެސް ސުޕްރީމް ކޯޓު ކައިރީގައި މުޒާހަރާ ކުރިޔަށް އެބަ ގެންދޭ.
މިސަރަހައްދަށް އެސްއޯ ފުލުހުން މިހާރު ވަނީ އައިސްފައި
މުޒާހަރާ ލީޑުކުރަމުން ދަނީ ޕީޕީއެމްގެ ޔޫތު ވިންގުގެ ރައީސް އިބްރާހިމް ޔޫސުފް އަދި ވެލިދޫ ދާއިރާގެ މެމްބަރު ޔާމިން ރަޝީދު.
މުޒާހަރާގެ ބައިވެރިން ތިބީ އާބުރުޒު ހިނގުމުގައި. ސިފައިން ދަނީ އެސަރަހައްދުގެ ސެކިއުރިޓީ ބަލަހައްޓަމުން.
ޕީޕީއެމްއާއި ސަރުކާރަށް ތާއީދުކުރާ ފަރާތްތަކުން ސުޕްރީމް ކޯޓު ކައިރީގައި މުޒާހަރާ ކުރަނީ. މުޒަހަރާގެ ބައިވެރިން ގޮވަމުން ދަނީ އުއްތަމަ ފަނޑިޔާރު އަބްދުﷲ ސައީދުގެ އިސްތިއުފާއަށް. އަދި އެހެން ފަނޑިޔާރުންނަށް ބިރުދެއްކުން ހުއްޓާލުމަށް
ސުޕްރީމް ކޯޓުން ކުރި އަމުރާ ދެކޮޅަށް އަޑު އުފުލައި ސަރުކާރަށް ތާއީދު ކުރާ ބަޔަކު މަގުމައްޗަށް ނުކުމެއްޖެ.
ވެސްޓް ޕާކުގައި ހުރި ރައީސް ޔާމީނުގެ ކެމްޕޭން އޮފީހުން ނުކުމެގެން އެމީހުން ހިނގާފައި ދިޔައީ ސުޕްރީމް ކޯޓު ކައިރިއަށް.
ޕީޕީއެމުން ހިންގާ ހަރަކާތުގައި އިސްވެ ހުރީ މަޖިލީހުގެ ވެލިދޫ ދާއިރާގެ މެމްބަރު އަބްދުﷲ ޔާމިން ރަޝީދު
އުއްތަމަ ފަނޑިޔާރު އަބްދުﷲ ސައީދު ވިޔަސް ފަނޑިޔާރު އަލީ ހަމީދު ވިޔަސް ޖިނާއީ ކުށެއް ކޮށްފި ނަމަ ގާނޫނު އަރާ ހަމަ ކުރާނެ ކަމަށް ޕީޕީއެމްގެ ނައިބު ލީޑަރު އަބްދުއްރަހީމް އަބްދުﷲ ވިދާޅުވެއްޖެ
ޕީޕީއެމުން ބާއްވާ ނޫސްވެރިންގެ ބައްދަލުވުމުގައި އަދުރޭ ދަނީ ސުޕްރީމް ކޯޓުގެ ފަނޑިޔާރުންނަށް ފާޅުގައި ފާޑު ވިދާޅުވެފައެވެ. އުއްތަމަ ފަނޑިޔާރުގެ މައްޗަށް ކޮރަޕްޝަންގެ ތުހުމަތު ކުރައްވައި އަދުރޭ ވިދާޅުވީ އެވާހަކަ ދައްކާތީ " އަބްދުﷲ ސައީދުގެ ލޮލަށް ނިދި ނައިސްގެން އުޅެނީ" ކަމަށް
ސުޕްރީމް ކޯޓުގެ އަމުރު ތަންފީޒު ކުރުމަށް ގޮވާލަައި އިދިކޮޅު ފަރާތްތަކުން އާޓިފިޝަލް ބީޗު ސަރަހައްދުގައި ދަމާފައިވާ ބެނާ ފުލުހުން ނަގައިފި
އެ ބެނާ ނެގުމުން އާ ބެނާއެއް ވަނީ ދަމާފައި
އުއްތަމަ ފަނޑިޔާރު އަބްދުﷲ ސައީދު އެމަނިކުފާނުގެ ބާރުން ގައުމު ހަލާކުގެ ތެރެއަށް ވައްޓާލާތަން ބަލަން ނުތިބޭނެ ކަމަށް ޕީޕީއެމްގެ ނައިބު ރައީސް އަބްދުއްރަހީމް އަބްދުﷲ (އަދުރޭ) ވިދާޅުވެއްޖެ
https://sun.mv/100895
ސުޕްރީމް ކޯޓަށް މިގައުމަށް ބޭނުންހާގޮތެއް ނުހެދޭނެ. އަޅުގަނޑުމެން އެ ފުރުސަތު ނުދޭނަން
ރައީސް ޔާމީން އެ ސިޓީ އުއްތަމަ ފަނޑިޔާރު އަބްދުﷲ ސައީދަށް ފޮނުއްވެވީ ގާނޫނުއަސާސީގެ 115 ވަނަ މާއްދާގެ (ހ) އަދި (ނ) ގެ ދަށުން ލިބިދޭ ބާރުގެ ދަށުން ކަމަށް ބުނެ
ރައީސުލްޖުމްހޫރިއްޔާއަށް ލިބިގެންވާ ބާރުތައް
ގާނޫނުއަސާސީގެ 115 ވަނަ މާއްދާގެ (ހ) ގައި ގާނޫނުއަސާސީ އާއި ގާނޫނުން ކަނޑައަޅަފައިވާ ކަންތައްތައް އިހުލާސްތެރިކަމާ އެކު ތަންފީޒުކޮށް ދައުލަތުގެ މުއައްސަސާތަކުންނާއި ރައްޔިތުން ގާނޫނު އަސާސީ އާއި ގާނޫނާ އެއްގޮތަށް އަމަލު ކުރުމަށް ބާރުއެޅުން ގާނޫނު އަސާސީގެ 115 ވަނަ މާއްދާގެ (ނ) - ގާނޫނުގެ ވެރިކަން ކުރިއަރުވައި އެންމެންގެ ހައްގުތަކާއި މިނިވަންކަން ރައްކާތެރިކޮށްދިނުން
އެހެން މުއައްސަސާތަކުގެ ބާރުތައް ނުގެއްލޭ ގޮތަށް އަމަލު ކުރުމަށް އެދި ރައީސް ޔާމީންގެ ސިޓީއެއް އުއްތަމަ ފަނޑިޔާރަށް ފޮނުއްވައިފި
ފުލުހުން ތަހުގީގު ކުރަމުންދާ މައްސަލައަކާ ގުޅިގެން ކުރީގެ ރައީސް މައުމޫނު އަބްދުލްގައްޔޫމާ ސުވާލު ކުރުމަށް އެމަނިކުފާނުގެ ގެކޮޅަށް ދިއުމުން ސުވާލު ކުރުމުގެ ފުރުސަތު ނުދިން ކަމަށް ފުލުހުން ބުނެފި
ސުޕްރީމް ކޯޓު ކައިރީ ގިނަ އަދަދެއްގެ ސިފައިން ފޯރިމަރަން ފަށައިފި
މިހާރު މިކުރަމުންދަނީ އައުތަމަ ފަނޑިޔާރު އަބްދުﷲ ސައީދުގެ އަމިއްލަ ފައިދާ އަށް ކުރަމުންދާ ކަންކަން
ފާރިސް މައުމޫން ބަންދުން ދޫކޮށްލުމަށް ގާނޫނީ ވަކީލު ހުސައިން ޝަމީމް ޕީޖީ އޮފީހުގައި އެދިވަޑައިގެންފި
ވަކި ބަޔަކު ކުރީމައެއް ނޫން ކޮރަޕްޝަން ތަހުގިގު ކުރަންޖެހޭނީ. ޒައިދުލް އަމީން ފަނޑިޔާރު އަލީ ހަމީދާ މެދު ކުރާ ތުހުމަތުތައްވެސް ބަލަން ޖެހޭ. ކީއްވެތޯ ނުބެލިގެން އުޅެނީ
މިހާރު މި ފެންނަނީ ދަށު ކޯޓު ތަކުގެ ބޭނުން ކެނޑިފައިވާތަން ކަމަށް ޕީޕީއެމްގެ ނައިބު ރައީސް އަބްދުއްރަހީމް އަބްދުﷲ ވިދާޅުވެއްޖެ
ސުޕްރީމް ކޯޓުގެ އަމުރު ވީ އެންމެ އަވަހަކަށް ތަންފީޒުކޮށްދިނުމަށް ކަމާ ބެހޭ އިދާރާތަކަށް ދަނގެތީ ދާއިރާގެ މެމްބަރު އިލްހާމް އަހުމަދު ގޮވާލައްވައިފި
އަދުލު އިންސާފުގެ ނިޒާމް ވަރަށް ރަނގަޅަށް މަސައްކަތް ކުރާތަން މި ފެނިގެން ދަނީ
އިސްލާމިކް މިނިސްޓްރީގެ ކޯޑިނޭޓަރު ކަމުން ހިޝާމް އަހުމަދު އިސްތިއުފާ ދެއްވައިފި
ސުޕްރީމް ކޯޓަށް ފާޑުކިޔައިގެން އަޅުގަނޑަށް ދޭން ބޭނުންވާ އަދަބެއް ދޭންވީ. އެ އަދަބެއް ދެން ނުދެވޭނެ
މައްޗަންގޮޅި ދެކުނު ދާއިރާގެ މެމްބަރު އަބްދުﷲ ސިނާން ބަންދުގައި ބަހައްޓަންޖެހޭ ސަބަބެއް ނެތް ކަމަށް ކްރިމިނަލް ކޯޓުން ވަނީ ކަނޑައަޅާފައި
މެމްބަރު ސިނާން ދޫކޮށްލަން ކޯޓަށް އަމުރު ކޮށްފި
ސުޕްރީމް ކޯޓު ކައިރީ ހަރަކާތްތެރިވި ބައެއް މަޖިލިސް މެމްބަރުންގެ ލޮލަށް ޕެޕަސްޕްރޭ ޖަހައިފި
ސުޕްރީމް ކޯޓު ކައިރިއަށް އިދިކޮޅު ބައެއް މަޖިލިސް މެމްބަރުންނާއި ސަޕޯޓަރުން އެއްވެއްޖެ
ސުޕްރީމް ކޯޓުގެ ހުކުމް ތަންފީޒު ކުރުމަށް އެ ކޯޓުން އިންޑިއާގެ އެހީތެރިކަމަށް އެދިފައި ނުވާނެ ކަމަށް ޑިޕާޓްމެންޓް އޮފް ޖުޑިޝަލް އެޑްމިނިސްޓްރޭޝަނުން ބުނެފި
އަމުރާ ގުޅިގެން ޕީޖީން ހުށައަޅާފައިވާ ކަންކަމަށް ސުޕްރީމް ކޯޓުން ފައުވާއެއް ހޯދައިދީފައި ނުވާތީ އެކަމުގެ ކަންބޮޑުބުން ވެސް ރައީސް ވަނީ ފާހަގަ ކުރައްވާފައި .
ސުޕްރީމް ކޯޓުގެ ހުކުމާ ގުޅިގެން ދައުލަތުގެ ހިންގުމުގެ ބާރު އޮޅުންބޮޅުންވެ ގައުމީ ސަލާމަތަށް ނުރައްކާވެފައިވާ ކަމަށް ރައީސް ޔާމީންގެ ސިޓީގައި ވަނީ ފާހަގަ ކުރައްވާފައި.
ގާނޫނޫގެ ތެރެއިން އެ އަމުރު ތަންފީޒު ނުކުރެވޭނެ ކަމަށް ޕީޖީ ވަނީ ލަފާ ދީފައި
އެ އަމުރާ އެއްގޮތަށް ދައުލަތް ހިންގަން ފަށައިފި ނަމަ ދައުލަތުގެ ބާރު ކެނޑިދާނެ
ޖުޑޝަލް ސާވިސް ކޮމިޝަންްގެ ބާރު ނުކެޑޭ ގޮތަށް އަމުރު ބަދަލުކުރަން އެދިފައިވޭ
ދެންނެވި ތިން ނުކުތާއަށް ބަލައި ސުޕްރީމް ކޯޓުގެ އަމުރު ބާތިލުކުރަން ރައީސް ވަނީ އެދިވަޑައިގެންފައި
އަމުރުގައި ހުރި ބައެއް ގާނޫނީ މައްސަލަތައްތަކުގެ ތެރޭގައި ހުކުމެއްގައި ތިބި ކުށްވެރިންތަކެއް ހުކުމް ތަންފީޒުކޮށް ނުނިމެނީސް ދޫކޮށްލުން ހިމެނޭ ކަމަށް އާޒިމާ ވިދާޅުވި
ތިން މައްސަލަ ވެސް ފޮނުވާފައި ވަނީ ރައީސުލްޖުމުހުރިއްޔާއަށް ލިބިފައިވާ ބާރާއި ގާނޫނު އަސާސީގެ ދަށުން މަތިކުރުވާފައިވާ ކަންތައްތަކުގެ ތެރެއިން މިހާރު ދިމާވެގެން އުޅޭ މައްސަލަައާ ގުޅޭ ހައްލެއް ހޯދުމަށް.
ސުޕްރީމް ކޯޓުގެ ހުކުމާ ގުޅިގެން ރައީސް އަބްދުﷲ ޔާމީންގެ ފަރާތްޕުޅުން ތިން ސިޓީއެއް އުއްތަމަ ފަނޑިޔާރު އަބްދުﷲ ސައީދަށް ފޮނުވައިފި
ސަރުކާރުން ބާއްވާ ޕްރެސް ކޮންފަރެންސް އެއް ކުރިއަށް ދަނީ. ޕްރެސް ކޮންފަރެންސު ދެއްވަނީ ރައީސް އޮފީހުގެ ލީގަލް އެފެއާޒް މިނިސްޓަރު އާޒިމާ ޝުކޫރު.
ވަޅި ހިފައިގެން ތިބި ބަޔަކު ކުރީގެ ރައީސް މައުމޫން ދިރިއުޅުއްވާ ގެ ކައިރި އަޑުގަދަ ކޮށް އިންޒާރު ދިން މައްސަލަ ބަލައިދިނުމަށް އެމަނިކުފާނު ގޮވާލައްވައިފި.
— Maumoon Abdul Gayoom (@maumoonagayoom)
ރައްޔިތުންގެ މަޖިލީހުގެ މަންޗަންގޯޅި ދެކުނު ދާއިރާގެ މެންބަރު އަބްދުﷲ ސިނާންއާއި ދަނގެތި ދާއިރާގެ މެންބަރު އިލްހާމް އަހުމަދުގެ ބަންދާ މެދު ގޮތެއް ނިންމުމަށް ކޯޓަށް ހާޒިރުކޮށްފި.
ކްރިމިނަލް ކޯޓް ހިމެނޭ ސަރަހައްދުގައި އިދިކޮޅު އިއްތިހާދުން ދަނީ ހަރަކާތްތެރިވަމުން.
ފުލުހުން މިހާރުވަނީ އެ ސަރަހައްދުގައި ތިބި މީހުން ފަހަތަށް ޖައްސަން ފަށާފައި.
ދިވެހި ގައުމުގެ އަމާންކަމާއި މަސްލަހަތު ހިމާޔަތްކުރުމަށް ފުލުހުންގެ ސަފުތައް ހިތްވަރާއެކު ރުކުރުވާލެވިފައިވާ ކަމަށް އެ އިދާރާއިން ބުނެފި.
Dhivehi qaumuge amaankama maslahathu himaayai kurumah, Fuluhunge safuthahvany hiyvaraaeku rukuruvaalevifai. pic.twitter.com/Ch5NyBYcqS
— Maldives Police (@PoliceMv) February 4, 2018
ކުރީގެ ރައީސް މުހައްމަދު ނަޝީދު ޖަލަށް ލާން ޖެހޭ ކަމަށް ވިދާޅުވުމާއެކު ޖުމްހޫރީ ޕާޓީގެ ލީޑަރު ގާސިމް އިބްރާހިމްގެ ރައްދު އުމަރު ނަސީރަށް.
Coalition Partner, MDP ge raees, Raees Mohamed Nasheed jalah laan jehey kamah, JP ge member Umar Naseer bune fai vaathee, alhugadumen hithaama kurameve.
— Qasim Ibrahim (@qasimibrahim) February 4, 2018
ކޯލިޝަން ޕާޓްނަރަކާ ގުޅިގެން އުމަރު ދެއްކި ވާހަކައާ މެދު ހިތާމަ ކުރަން
12 ޖެހުމުން އިދިކޮޅު އިއްތިހާދުން އެމްޑީޕީ ހަރުގޭގައި ބޭއްވި އެއްވުން ނިންމާލައިފި. މި އެއްވުމުމުގައި ގިނަ އަދެއްގެ މީހުން ވަނީ ބައިވެރިވެފައި. އަދި މާދަމާ ރޭ ވެސް އެއްވުން އޮންނާނެ ކަމަށް އެއްވުމުގެ ބައިވެރިން ބުނޭ.
ސުޕްރީމް ކޯޓަކީ ރާއްޖޭގެ އެންމެ މަތީ ކޯޓު. ސުޕްރީމް ކޯޓުގެ ނިންމުމަކީ އެންމެ ފަހުގެ ނިންމުން ކަމަށް ދިވެހި ޖުމްހޫރިއްޔާގެ ގާނޫނު އަސާސީގައި އެވަނީ ކަނޑައެޅިގެން ބަޔާންކޮށްފައި. އެހެންވީމަ އަޅުގަނޑުމެން ދަންނަވާނީ ސުޕްރީމް ކޯޓުން ނިންމާ ނިންމުންތަކަކީ ނެރޭ އަމުރުތަކަކީ ކުރާ ހުކުމްތަކަކީ އެއަށް އަމަލުކުރުން ލާޒިމް އެއްޗެކޭ.
އަޅުގަނޑުމެންގެ އިލްތިމާސަކީ އާންމުންގެ ހިތްތަކުގައި ނުތަނަވަސްކަން އުފެދޭގޮތަށް މިފަދަ މައުލޫމާތު ފަތުރަމުން ނުގެންދިޔުން.
ޚާއްސަކޮށް ސުޕްރީމް ކޯޓާ މެދު އާންމުންގެ މެދުގައި އޮންނަ އިތުބާރާއި ޔަގީންކަން ކުޑަވާގޮތަށް ކުރެވޭ މިފަދަ އަމަލުތައް ވެގެންމިދަނީ ކޯޓުގެ ހުރުމަތް ރައްކާތެރިކުރުމާ ބެހޭ ގަވާއިދާ ޚިލާފު އަމަލުތަކެއްގެ ގޮތުގައި. އެހެންވީމަ މިފަދަ އަމަލުތައް ކުރާ ފަރާތްތަކާ މެދު ސުޕްރީމް ކޯޓުގެ ފަރާތުން ގާނޫނާއި ގަވާއިދުގެ ތެރެއިން އެޅެންހުރި ފިޔަވަޅުތައް އަޅުއްވަމުން ގެންދާނެ.
ޝަރުއީ ދާއިރާއާ މެދު އާންމުންގެ ހިތްތަކުގައި ޝައްކާއި ވަހުމު އުފެދޭގޮތަށް ބައެއް ފަރާތްތަކުން ކުރަމުންދާ ކަންތައްތަކާ މެދު ހިތާމަކުރަން.
ޝަރުއީ ދާއިރާގެ ފަރާތުން އާންމުންނާ ހަމައަށް ފޯރުކޮށްދޭ މައުލޫމާތު މި ފޯރުކޮށްދެނީ ޝަރުއީ ދާއިރާގެ ވެބްސައިޓާއި ސުޕްރީމް ކޯޓުގެ ވެބްސައިޓް އަދި ޝަރުއީ ދާއިރާގެ ޓްވީޓާ އެކައުންޓް މެދުވެރިކޮށް. އެހެންވީމަ އެނޫންގޮތަކަށް އަޅުގަނޑުމެންގެ ސައިޑުން އާންމުންނާ ހިއްސާކުރަން ބޭނުންވާ މައުލޫމާތެއް އެހެން ރޫޓަކުން ނުދާނެ ވާހަކަ ދަންނަވަން.
ޕީޕީއެމުން ކުރިއަށް ގެނދިޔަ ޖަގަހަ ޖަލްސާ ނިންމާލައިފި. ޖަލްސާގައި ޕީޕީއެމްގެ މަޖިލިސް މެމްބަރުންނާއި ކެބިނެޓް މިނިސްޓަރުންނާއި ގިނަ އަދަދެއްގެ ޕީޕީއެމް މެމްބަރުން ބައިވެރިވި. ވާހަކަފުޅު ދެއްކެވި ފަރާތްތަކުން ވަނީ އުއްތަމަ ފަނޑިޔާރައި ސުޕްރީމް ކޯޓުގެ ފަނޑިޔާރުންނަށް ފާޑު ވިދާޅުވެފައި
ފުލުހުންނާއި ސިފައިންނާއި މެދު ރައްޔިތުން ކުރާ އިތުބާރު ކަނޑާލައިފި. އެ ބޭފުޅުންނަކީ އަޅުގަނޑުމެންގެ މޫނަށް ޕެޕާ ސްޕްރޭ ޖަހަން ތިބޭ ބައެއް ނޫން
އިރާދަކުރެއްވިއްޔާ ހުރިހާ ލިޑަރުން މިނިވަން ވާނެ. އިރާދަކުރެއްވިއްޔާ ރައީސް މުހައްމަދު ނަޝީދު އަޅުގަނޑުމެންނާއެކީ ވަރަށް އަވަހަށް ވާނެ
އެމްޑީޕީގެ ހަރުގެ ކައިރީގައި އިދިކޮޅު ފަރާތްތަކުން އަދިވެސް ތިބީ އެއްވެ. އެމީހުން އަދިވެސް ދަނީ ސުޕްރީމް ކޯޓުގެ އަމުރު ތަންފީޒުކުރުމަށް ގޮވާލަމުން.
އުންޑަ ލައްވާފައި ހުރި ފިސްތޯލަކުން ރައީސް ޔާމީނާ ދިމާލަށް ބަޑި ޖެހިޔަސް ރައްޔިތުންގެ ހައްގުގައި އިސްތިއުފާއެއް ނުދެއްވާނެ. ރައީސްއަށް މުހިންމު ވާނީ ރައްޔިތުން
ހުކުމް ނެރުނު ރޭ ޕީޕީއެމްގެ މެމްބަރުންނާ އެކު ނުހުރެވުނީ ހަގު ދަރިފުޅުގެ ބޭސްފަރުވާއަށް ކޮޅުނބުގައި ހުރީމަ. އެހެން ނޫންނަމަ އެ މުހިންމު ވަގުތު ހުންނާނީ ޕީޕީއެމް މެމްބަރުންނާއި އެކު
ތަފާތު ދައްކަން ލިބުނު ފުރުސަތުގެ ބޭނުން، ކުރީގެ ސިޔާސީ ލީޑަރުންނަށް ނުކުރެވުނީ އެބޭފުޅުންގެ ކަންނެތްކަމުން
ވޯޓުން ނަތީޖާ ދައްކާނަން. ރަށް ރަށުގެ ރައްޔިތުން ތިބީ ސަރުކާރާއި އެކު.
ގައުމުގެ އަމާންކަން ދެމެހެއްޓުމުގައި ސިފައިންނާއި ފުލުހުން އަދާ ކުރަމުންދާ ރޯލަށް ޝުކުރު އަދާކުރަން. އެބޭފުޅުން ވާނީ ގާނޫނު ތަންފީޒް ކުރުމުގައި މިސާލަކަށް.
އަޅުގަނޑު ދުށް އެންމެ ހިތްވަރުގަދަ އަދި އެންމެ ކެރޭ ރައީސަކީ ރައީސް ޔާމީން. ހުކުމެއް ކުރީމަ އެ ހުކުމް މުރާޖާ ކުރުމަކީ ރައީސް ކުރައްވަން ޖެހޭ ކަމެއް.
މިއީ ގައުމުގެ ދިދަ އުފުލަން ޖެހޭ ވަގުތަކީ. މިއީ ގައުމުގެ އިސްތިގުލާލް ދިފާއު ކުރަންޖެހޭ ވަގުތު
ބަންޑާރަ ނައިބު ހައްޔަރުގައި ބަހައްޓައިގެން ސުޕްރީމް ކޯޓަށް ހާޒިރުކުރުމަށް އަމުރުކޮށް ނެރެފައިވާ ކަމަށް ބުނެ، މިހާރު ސޯޝަލް މީޑިއާގައި ދައުރުވަމުން ދަނީ ސައްހަ ނޫން ކޯޓު އަމުރެއް ކަމަށް ޑިޕާޓްމެންޓް އޮފް ޖުޑިޝަލް އެޑްމިނިސްޓްރޭޝަނުން ބުނެފި
ރައީސް ވަކިކުރުމުގެ ބާރު އޮންނަނީ މަޖިލީހަށް އެކަނި. އެބާރު ސުޕްރީމް ކޯޓަށްވެސް ލިބިގެން ނުވޭ.
ބޭރުގެ ސިފައިން ގެނެސްގެން ކުރެވޭނެ ކަމެއް ނޯންނާނެ. ދީނާއި ގައުމުގެ ދިފާއުގައި ދިވެހިން ނުކުންނާނެ. ޒުވާނުންނަށް ކުޅެން ނޫޅޭ. ޒުވާނުން ތިބީ ރައީސް ޔާމީންއާއެކު
ރައީސް ޔާމީން އަކީ ބަތޮލެއް. މުހައްމަދު ތަކުރުފާނު ފަދަ ބަތޮލެއް
ގައުމަކީ މަންމަ. ގައުމު ދަރުވާލައިގެން ގައުމުގެ މުދަލުން ފޭރުމަކީ. މަންމަގެ މުޅި ގައިގައި ދަތް އެޅުން ކަހަލަ ކަމެއް
ގައުމު ފަނާކުރުމުގެ ފުރުޞަތެއް ނުދޭނަން. ރައީސް ޔާމީން ދެވަނަ ދައުރަކަށް ހޮވާނަން
ޕީޕީއެމްގެ ޖަލްސާގައި ގިނަ ބަޔަކު ބައިވެރިވަމުންދާއިރު ޖަގަހަ ހުންނަ ކޮއިމަލާ ހިނގުމަށް ވަންނަ ހިސާބު ވަނީ ފުލުހުން ބަންދުކޮށްފައި.
ޖަގަހަ ތެރެ ފުރިގެން މަގުމަތީގައިވެސް މީހުން އެބަތިބި.
ޕީޕީއެމުން ރުމާލު2 ޖަގަހައިގައި ޖަލްސާއެއް ފަށައިގެން ކުރިއަށް ގެންދަނީ.
ޕީޕީއެމްގެ ޖަލްސާ ބާވަނީ ރައީސް ޔާމީނަށް އޮތް ތާއީދު ހާމަ ކުރުމުގެ ގޮތުން.
އިދިކޮޅު އިއްތިހާދުގެ އެއްވުމެއް އެމްޑިޕީ ހަރުގެ ކައިރީގައި ފަށައިފި.
މުޒާހަރާގައި ގިނަ އަދަދެއްގެ ބަޔަކު ބައިވެރިވާއިރު އެމީހުން ތިބީ ދިދަ ހިފައިގެން. އަދި ގައުމީ ލަވަ ދަނީ ޖަހަމުން. މުޒާހަރާގެ ބައިވެރިން ގޮވާލަމުން ދަނީ ސުޕްރީމް ކޯޓުގެ އަމުރު ތަންފީޒު ކުރުމަށް.
ރާއްޖޭގައި އުފެދިފައިވާ ގާނޫނީ ސަރުކާރު ހިމާޔަތް ކުރުމަށް ގާނޫނުއަސާސީން ލާޒިމްކުރާ އެންމެހާ ކަންކަން ތަންފީޒުކުރުމުގައި ސާބިތުކަމާއެކު ސަލާމަތީ ބާރުތައް ދެމި އޮންނާނެ ކަމަށް އެމްއެންއެންޑީއެފުން ބުނެފި
ގާނޫނީ ސަރުކާރުން ހިމާޔަތް ކުރުމުގައި ސާބިތުވެ ތިބޭނަން
ސުޕްރީމް ކޯޓުން މިިދިޔަ ބުރާސްފަތި ދުވަހު ނެރުނު އަމުރު ތަންފީޒުކުރުމަށް ގާނޫނީ ގޮތުން އެއްވެސް ހުރަހެއް ނެތް ކަމަށް ސުޕްރީމް ކޯޓުން ދާދި ދެންމެއަކު ބުނެފި.
ޔޫތު މިނިސްޓްރީގެ ކޯޑިނޭޓަރު އިބްރާހިމް އިސްމާއިލް ވިދާޅުވީ ޒުވާނުން މުޒާހަރާ ކުރިޔަށް ގެންދިޔައީ ވަރަށް ސުލްހަވެރިކަމާ އެކު ކަމަށާއި، މުޒާހަރާ ކުރިޔަށް ގެންދިއުމަށް ފުލުހުންނާއި ސިފައިން ދިން އެއްބާރުލުމަށް ޝުކުރު އަދާކުރާ ކަމަށް.
އަދި މާލޭގެ ސުލްހަ މަސަލަސްކަން ނަގާލަން ބަޔަކު އުޅޭނަމަ ކުރިޔަށް އޮތް ތަނުގައިވެސް ޒުވާނުން މިފަދަ ހަރަކާތްތައް ކުރިޔަށް ގެންދާނެ ކަމަށް ޔޫތު މިނިސްޓްރީގެ ކޯޑިނޭޓަރު ވިދާޅުވި.
ޕީޕީއެމްގެ ޒުވާނުންގެ ގޮފީގެ ރައީސް އިބްރާހިމް ޔޫސުފް ވިދާޅުވީ އެ މުޒާހަރާއަކީ ފަނޑިޔާރުންނަށް ނުފޫޒު ފޯރުވުމާ ދެކޮޅަށް ހިންގާ ހަރަކާތެއް ކަމަށް.
ފަނޑިޔާރުންނަށް ބިރުދެއްކުން ހުއްޓާލަން ގޮވާލައި، ސުޕްރީމް ކޯޓު ކައިރީގައި މުޒާހަރާ ކުރަމުން ދިޔަ ޒުވާނުންތައް ވަނީ ފަރީދީ މަގު ކަންމައްޗާ ހަމައަށް ފަހަތަށް ޖައްސާފައި. ފުލުހުން ވަނީ އެ ސަރަހައްދު އެއްކޮށް ބަންދުކޮށްފައި. މުޒާހަރާގެ ބައިވެރިން ދަނީ އަޑުގަދަކުރާ ބޭނުންކުރަމުން
ރޭ ސަލްސާ ރޯޔަލް ކައިރިން މުޒާހަރާ ކުރަނިކޮށް ހައްޔަރުކުރި އައިމިނަތު ނާދިރާ ކްރިމިނަލް ކޯޓުން ދޫކޮށްލައިފި
ރައީސް ޔާމީނަށް ތާއިދުކޮށް ގިނަ އަދަދެއްގެ ޒުވާނުން ހުޅުމާލޭގައި ސައިކަލު ބުރެއް ކުރިއަށްދަނީ.
ސައިކަލު ބުރުގައި އިސްކޮށް އުޅުއްވަނީ ދައުލަތުގެ ބައެއް ވަޒީރުންގެ އިތުރުން ރައްޔިތުންގެ މަޖިލީހުގެ ނައިބު ރައީސް ރީކޯ މޫސާ މަނިކު.
Youth City (Hulhumale’) #Live
Rayyithunnah ketheh nuvi. Raees Yameen faahathugai ethakeh zuvaanun
ވެލާނާ އިންޓަނޭޝަނަލް އެއާޕޯޓުގެ ރަންވޭގެ މަރާމާތެއް ކުރުމަށްޓަކައި ރަންވޭ ވަގުތީ ގޮތުން ބަންދުކޮށްފި. ރަންވޭ ބަންދުކޮށްފައިވަނީ ހަވީރު 5:00 އާ ހަމައަށް ކަމަށް އެމްއޭސީއެލްއިން ބުނޭ. ރަންވޭ ބަންދުކުރުމާ ގުޅިގެން މިވަގުތު ގިނަ ފްލައިޓުތަކެއް ދަނީ ޑައިވާޓް ކުރަމުން.
ރައީސުލްޖުމްހޫރިއްޔާގެ މަގާމުގައި ހުންނަވާ ބޭފުޅަކު އެ މަގާމުން ދުރުކުރުމުގެ ބާރު ލިބިގެން ވަނީ ރައްޔިތުންގެ މަޖިލީހަށް ކަމަށް ކުރީގެ ރައީސް މުހައްމަދު ނަޝީދުގެ ވެރިކަމުގައި ބަންޑާރަ ނައިބުގެ މަގާމް އަދާކުރެއްވި ގާނޫނީ ވަކީލް ހުސުނުއްސުއޫދު ވިދާޅުވެއްޖެ.
ރައީސް ޔާމީނާއެކު ސާބިތުވެ ހުރި ކަމަށް ނައިބު ރައީސް އަބްދުﷲ ޖިހާދު ވިދާޅުވެއްޖެ.
ދައުލަތުގެ މީޑީއާއަށް ޖިހާދު ދެއްވި އިންޓަވިއުއެއްގައި ވިދާޅުވީ ސަރުކާރަކީ ބަޣާވާތްކޮށްގެން މަގުމަތިން ވައްޓާލާ އެއްޗެއް ނޫން ކަމަށް. އަދި ރާއްޖޭގެ ސިޔާދަތާއި އަމަންއަމާން ކަން ދެމެހެއްޓުމަށް ރައްޔިތުންގެ ކިބައިން ޖިހާދު ވަނީ އެދިލައްވާފައި.
މިހުރީ ރައީސް ޔާމީނާ އެކު
އިދިކޮޅު ސިޔާސީ ޕާޓީތަކުގެ ޕާލިމެޓްރީ ގުރޫޕުގެ މެމްބަރުންގެ ބައްދަލުވުމެއް މިވަގުތު އެމްޑީޕީ އޮފީހުގައި ކުރިއަށް ދަނީ
މަޖިލީހުގެ މައްޗަންގޯޅީ އުތުރު ދާއިރާގެ މެމްބަރު މާރިޔާ އަހުމަދު ދީދީ ވިދަޅުވީ އިދިކޮޅު ސިޔާސީ ޕާޓީތަކުގެ ޕާލަމެންޓްރީ ގްރޫޕުން މިއަދު ދެކަމެއް ކުރުމަށް ނިންމާފައިވާ ކަމަށް.
Joint Parliamentary Group passed to make submissions to Parliament:
— Mariya Didi
1- To hold Parliament sessions as per Parliaments Standing Orders
2- Submit no-confidence motions of those acting ultra-vires outside the scope of the powers granted to them by law pic.twitter.com/VZZKCA5QC2
ރައްޔިތުންގެ މަޖިލީހުގެ މަންޗަންގޯޅި ދެކުނު ދާއިރާގެ މެންބަރު އަބްދުﷲ ސިނާންއާއި ދަނގެތި ދާއިރާގެ މެންބަރު އިލްހާމް އަހުމަދު މިއަދު ރާއްޖެ ވަޑައިގަތުމާއެކު ފުލުހުންގެ ބެލުމުގެ ދަށަށް ގެންގޮސްފި.
މަޖިލީހުގެ އަމީން އާންމުގެ ނައިބު މަގާމުން ފާތިމަތު ނިއުޝާ އިސްތިއުފާ ދެއްވި ކަމަށް ބައެއް ފަރާތްތަކުން ބުނަމުން ދިޔަ ނަމަވެސް އެކަމަނާ އެކަން ދޮގުކުރައްވައިފި
ރާއްޖޭގެ ސަލާމަތީ ބާރުތަކުން އަޒުމް އާ ކުރުމުގެ ރަސްމިއްޔާތެއް ބާއްވައިފި
އެ ރަސްމިއްޔާތުގައި ފުލުހުންނާއި ސިފައިނަށް އަޒުމު ލައިދެއްވީ ޗީފް އޮފް ޑިފެންސް ފޯސް މޭޖާ ޖެނެރަލް އަހުމަދު ޝިޔާމް
މަޖިލީހުގެ ޖަލްސާ ނުބާއްވާ ކޮންމެ ދުވަހަކީ ގާނޫނާ ހިލާފުވާ ދުވަހެއް ކަމަށް ހިންނަވަރު ދާއިރާގެ މެމްބަރު އިބްރާހިމް މުހައްމަދު ސޯލިހު ވިދާޅުވި
އެސްއޯ ފުލުހުން މެމްބަރުން ދުރަށް ޖައްސަން ފެށުމުން މަޖިލީހުގެ ގަލޮޅު ދެކުނު ދާއިރާގެ މެމްބަރު އަހުމަދު މަހުލޫފު ވިދާޅުވީ މަޖިލީހަށް ވަނީ މަޖިލީހުގެ އިދާރާގެ ހުއްދަ ލިބިގެން ކަމަށް
މަޖިލީހުގައި މިއަދު އިދިކޮޅު ފަރާތްތަކުގެ ބައްދަލުވުން ނިމިއްޖެ
މަޖިލީހުގެ ގަވައިދުގައި ވާގޮތަށް މަޖިލީހުގެ ޖަލްސާތައް ނުފަށާތީ އެކަން ކުއްވެރިކޮށް މައްސަލައެއް ހުށަހެޅި ކަމަށް ހިންނަވަރު ދާއިރާގެ މެމްބަރު އިބްރާހިމް މުހައްމަދު ސޯލިހު ވިދާޅުވި .
އެސްއޯ ފުލުހުން ދަނީ މަޖިލީހުގެ މެމްބަރުން މަޖިލީހުގެ އިދާރާ ކައިރިން ދުރަށް ޖައްސަމުން
މަޑުއްވަރީ ދާއިރާގެ މެމްބަރު މުހައްމަދު އަމީތު ވިދާޅުވީ މަޖިލީހަށް ވަނުމުގައި އެއްވެސް ހުރަހެއް ނެތް ކަމަށް
މަޖިލީހުގެ އިދާރަތެރެއަށް ވަން ސިފައިން އެ އިދާރާއިން ބޭރަށް ނުކުމެ އިދާރާ ގޭޓުގެ ބޭރުގައި އެތުރި ލައިފި. އިދާރާއިން ބޭރަށް ސިފައިން ނުކުތީ ކީއްވެ ކަމެއް ނޭނގޭ
ރައްޔިތުންގެ މަޖިލީހުގެ އަމީންއާންމު އަހުމަދު މުހައްމަދު މަގާމުން އިސްތިއުފާދެއްވައިފި
ދައުލަތުގެ ކަމާ ބެހޭ އިދާރާތަކަށް މި ގޮވާލަނީ މިހާރުން މިހާރަށް ރާއްޖެ ޓީވީ ބަންދުކުރުމަށް
ރައީސުލްޖުމްހޫރިއްޔާ ވަކިކުރުމުގެ ބާރު ލިބިގެންވަނީ ހަމައެކަނި ރައްޔިތުންގެ މަޖިލީހަށް
މިއީ މުހައްމަދު ނަޝީދާއި ގާސިމް އިބްރާހީމާއި މައުމޫން އަބްދުލް ގައްޔޫމްގެ އެކަނި ގައުމެއް ނޫން
ރައީސް ޔާމީން އަޒުލް ކުރުމުގެ އަމުރެއް މިއަދު ސުޕްރީމް ކޯޓުން ނެރެދާނެ ކަމުގެ ތަސައްވުރެއް އަޅުގަނޑަށް ވަނީ ލިބިފައި
ހުކުމް ބާތިލްނުކޮށް މީހަކު މިނިވަންކުރަން ބުނުމުން ނުކުންނާނެ ގާނޫނީ މައްސަލަތަކެއް ހުންނާނެ. އެކަންކަން ޕްރޮސިކިއުޓާ ޖެނެރަލް ވަނީ ސުޕްރީމް ކޯޓަށް ހުށަހަޅުއްވާފައި
މި މައްސަލައާ ގުޅިގެން ހޯދުނު ހޯދުންތަކުން އުއްތަމަ ފަނޑިޔާރު އަބްދުﷲ ސައީދާއި ފަނޑިޔާރު އަލީ ހަމީދު މުހައްމަދުގެ އާއިލާގެ ދެ ބޭފުޅަކު ވެސް މި ދެންނެވި ހައުސިން ޕްރޮޖެކްޓުން އިމާރާތްކޮށްފައިވާ ފްލެޓްތަކުން ފްލެޓު ބައްލަވައިގަތުމަށްޓަކައި މުއާމަލާތް ކުރި ކަމުގެ ކިތާބީ ހެކި ވެސް ވަނީ ލިބިފައި
މައުލޫމާތު ލިބިފައިވާގޮތުގައި، ހ. ނިޝާން ޕްލާޒާއަށް ވަދެ ފުލުހުން ފާސްކުރަމުންދަނީ ތިންވަނަ ފަންގިފިލާގައި ހުންނަ ޖުޑީޝަލް އެޑްމިނިސްޓްރޭޓަރު ހަސަން ސައީދު ދިރިއުޅުއްވާ އެޕާޓްމަންޓް.
ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަން (ޑީޖޭއޭ)ގެ ޖުޑީޝަލް އެޑްމިނިސްޓްރޭޓަރު ހަސަން ސައީދު ދިރިއުޅުއްވާ ހ. ނިޝާން ޕްލާޒާއަށް ފުލުހުން ވަދެއްޖެ. އެ ގެއަށް ފުލުހުން ވަދެފައިވަނީ ކޮން ކަމަކާ ގުޅިގެން ކަމެއް އަދި ކަށަވަރެއް ނުވޭ.
އިދިކޮޅު ޕާޓީތަކުން ބާއްވާ އެއްވުން ނިންމާލައި، މާދަމާރޭ ވެސް އެއްވުން ކުރިއަށްދާނެކަން އިއުލާންކޮށްފި. އެކަން އިއުލާންކުރައްވަމުން ރައްޔިތުންގެ މަޖިލީހުގެ ގަލޮޅު ދެކުނު ދާއިރާގެ މެންބަރު އަހްމަދު މަހުލޫފް ވިދާޅުވީ މާދަމާރޭ ވަރަށް އުފާވެރި ހަބަރުތަކެއް ލިބިގެންދާނެ ކަމަށް.
ސުޕްރީމް ކޯޓުގެ އަމުރުގައި އުއްތަމަ ފަނޑިޔާރު އަބްދުﷲ ސައީދު ކުރައްވާފައިވަނީ ތަފާތު ސޮޔެއް ކަމަށް ޕީޕީއެމްގެ އެސްޖީ ޑރ. އަބްދުﷲ ޚަލީލް ވިދާޅުވެއްޖެ.
Uhthama fandiyaaru SC ge amuruga kuravvaafa vanee mulhin thafaathu soyeh! Amuru ge sahhakamaa medhu suvaalu thakeh! pic.twitter.com/w74im1g6G9
— Dr Abdullah Khaleel (@abkhaleel) February 3, 2018
ސުޕްރީމް ކޯޓުގެ ފަނޑިޔާރު އަލީ ހަމީދަށް ކުރީގެ ރައީސް މައުމޫން އަބްދުލްގައްޔޫމް ނުފޫޒު ފޯރުވައި ރިޝްވަތު ދިން ކަމަށް ތުހުމަތުކުރެވޭތީ އެ މައްސަލަ ބަލައިދިނުމަށް ޕީޕީއެމުން ފުލުހުންނަށް ހުށަހަޅައިފި.
އެ މައްސަލަ ފުލުހުންނަށް ހުށަހެޅީ މާލޭ ސިޓީ ކައުންސިލްގެ ކުރީގެ މެމްބަރު ޒައިދުލް އަމީން ޗެނަލް 13ގައި ދެއްކެވި ވާހަކައަކާ ގުޅިގެން.
ޒައިދު ވިދާޅުވީ އިސްލާމީ ޝަރީއަތާ ޚިލާފް ކަންތައްތަކެއް ކުރެއްވުމަށް ފަނޑިޔާރު އަލީ ހަމީދުގެ މައްޗަށް މައުމޫން ނުފޫޒު ފޯރުވާފައިވާ ކަމަށް.
އޯކިޑް މަގު ސަލްސާ ރޯޔަލް ކައިރީގައި އިދިކޮޅު ޕާޓީތަކުން ބާއްވާ އެއްވުމުގެ ތެރެއިން ހަތަރު މީހަކަށް އަނިޔާވެގެން ފަރުވާއަށް އެމްބިއުލާންސްގައި ހޮސްޕިޓަލަށް ގެންގޮސްފި. އެއްވުމުގެ ތެރެއިން ފުލުހުން ވަނީ ބައެއް މީހުންވެސް ހައްޔަރުކޮށްފައި.
ޕީޕީއެމް އޮތީ ބަދަހިކޮށް. ހުރިހާ މަޖިލިސް މެމްބަރުން ތިބީ ސަރުކާރާއެކު. އެއްވެސް މެމްބަރަކު ޕާޓީދޫކޮށް ނުދާނެ. އެއީ އިދިކޮޅު ފަރާތްތަކުން ދެކޭ ހުވަފެނެއް. ޕީޕީއެމްގެ ބައެއް މަޖިލިސް މެމްބަރުން ނުފެންނަ ކަމަށް ބުނިނަމަވެސް ކުރަން ހުރި މުހިންމު މަސައްކަތްތައް ނިންމާފައި އެ މެމްބަރުން ގުޅޭނެ. މާދަމާ އޮންނަ މުހިންމު އިވެންޓަކުން މަޖިލީހުގެ ނައިބު ރައީސް މޫސާ މަނިކުވެސް ފެންނާނެ.
އެ އަމުރު ތަންފީޒު ކުރުމަށްޓަކައި ދައުލަތުގެ ހުރިހާ މުއައްސަސާތައް ގުޅިގެން މިދަނީ މަސައްކަތް ކުރަމުން. ރައްޔިތުން ކެތްތެރިވެވަޑައިގަންނަވާ އަޅުގަނޑުމެން ހުކުމް ތަންފީޒު ކުރާނަން
އުއްތަމަ ފަނޑިޔާރާ ގުޅަން ވަރަށް މަސައްކަތް ކޮށްފިން. އެކަމަކު ގުޅޭގޮތެއް ނުވި
މެޖޯރިޓީ ނެތަސް މަޖިލީހުގައި މަސައްކަތް ކުރަން އަޅުގަނޑުމެންނަށް އެނގޭނެ
ފުލުހުންގެ އިދާރާ ހިންގެވުމާ ހަވާލުވެވަޑައިގަތް ހުންނެވި ޑެޕިއުޓީ ކޮމިޝަނަރު އޮފް ޕޮލިސް އަބްދުﷲ ނަވާޒުގެ ޓްވިޓާ އެކައުންޓް ހެކްކޮށްފައިވާ ކަމަށް ފުލުހުން ބުނެފި
ޗުއްޓީގައި ހުންނެވި މޯލްޑިވްސް ކަރެކްޝަނަލް ސާވިސްގެ ކޮމިޝަނަރ އޮފް ޕްރިޒަންސް އަހްމަދު ޝިހާން ދާދި ދެންމެއަކު މާލެ ވަޑައިގެންފި.
މާފުށީ ޖަލު ސަރައްހަދުގައި އިދިކޮޅު ފަރާތްތަކުން އިހުތިޖާޖު ކުރަމުން އެބަދޭ. އިހުތިޖާޖުގެ ބައިވެރިން ގޮވަމުން ދަނީ ސުޕްރީމް ކޯޓުގެ އަމުރުގައިވާ ކުށްވެރިން ދޫކޮށްލުމަށް.
އިދިކޮޅު ފަރާތްތަކުން ބާއްވާ އިހުތިޖާޖުތަކަށް ރަށްރަށުން މާލެ އައުމަށް ގޮވާލާފައިވާތީ އެކަމަށް ރައީސް ޔާމީން ފާޑު ވިދާޅުވި.
ރަށްރަށުގެ މީހުންނަށް ކާންބޯންދޭން ބޭނުންވާނަމަ ފައިސާ ފޮށި ހިފައިގެން ދާންވީނޫންތޯ ރަށްރަށަށް
އަޅުގަނޑު ހިތްވަރު ލިބިގަންނަނީ ރައްޔިތުންގެ ކިބައިން
ގާސިމް އިބްރާހީމަށް ނިސްބަތްކުރައްވައި ރައީސް ޔާމީން ވިދާޅުވީ، "އަތުގައި ފައިސާ ހުރި ކަމަށް ވާނީ ދައުލަތަށް ދައްކަން ޖެހޭ ފައިސާ ދައްކައި ހަލާސްކުރުމުން" ކަމަށް.
ރައީސް ޔާމީން ވިދާޅުވީ، އަދީބަކީ އިންސާނިއްޔަތު ކަމެއް ނެތް ބޭފުޅެއް ކަމަށް.
މިބިމުގައި ވަރަށް ގޯސްހެދި މީހެއް އަހުމަދު އަދީބަކީ. ވަރަށް ގޯސްހެދި މީހެއް އަހުމަދު އަދީބަކީ،
ރައީސް ވިދާޅުވީ ދަތިކަމެއް ދިމާވީމަ އެމަނިކުފާނަކީ ފިއްލަވާނޭ ބޭފުޅެއް ނޫންކަމަށް.
ރައީސް ޔާމީނަކީ ދަތި ތަކެއް ދިމާވީމަ ރައްޔިތުން ދޫކޮށްފަ ފިލާނެ މީހެއް ނޫން،
ރައީސް ޔާމީން ވިދާޅުވީ އެމަނިކުފާނުގެ ފަރާތުން ނުރަނގަޅު ކަމެއް ހިނގާފައިވާ ނަމަ އެކަން ބަލައި ރަނގަޅު ކުރަށްވާނޭކަމަށް.
އަޅުގަނޑުގެ އިލްތިމާސަކީ. ދިވެހި ރައްޔިތުންނަށް ކުރާ އިލްތިމާސެއް. ގާނޫނު ތަންފީޒު ކުރާ ފަރާތްތަކަށް ކުރާ އިލްތިމާސެއް. އަދިވެސް އަޅުގަނޑުމެން ގަބޫލު ކުރަން ޖެހޭނެ ދިވެހި ދައުލަތް ހިންގަން ހުރި އެންމެ މަތީ ފަރާތަކީ ރައީސުލްޖުމްހޫރިއްޔާ އޭ
ރައީސް ޔާމީން ވިދާޅުވީ، މި ދިމާވި ކަންތަކަށް ކެތްތެރިވެވަޑައިގަންނަވާނޭ ކަމަށާއި މިކަން މެދުވެރިވާން ދިމާވި ސަބަބު ބައްލަވާނޭ ކަމަށް.
މިއީ ފަސޭހަ ވަގުތެއް ނޫން. އަޅުގަނޑުމެން އިސްކުރަން ޖެހޭނީ ގައުމުގެ މަސްލަހަތު،
ރައީސް ޔާމީން ވިދާޅުވީ މީގެކުރިން 2018 ގެ ކެމްޕޭން ކުރިއަށް ދިޔަ ކަމަށް. ނަމަވެސް މިއަދު ރަސްމީކޮށް މި ކެމްޕޭން އިއުލާނު ކުރީ ކަމަށް ރައީސް ވިދާޅުވި.
މިއައްވުރެ އުނދަގޫ ފަސް އަހަރެއް ނުވަތަ ދައުރެއް ރާއްޖޭގެ ތާރީހުން ފެންނާކަށް ނެތްކަމަށް ރައީސް ވިދާޅުވި.
މިއީ އަޅުގަނޑުމެން އިންތިޒާމު ކުރި ރެލީއެއް ނޫން. މިއީ އަޅުގަނޑަށާއި އަޅުގަނޑުގެ ސަރުކާރަށް ތާއީދު ކުރައްވާތީ ތިބޭފުޅުން މިއަދު ތި ތިއްބެވީ،
ރައީސް ޔާމީން ވިދާޅުވީ، "އަޅުގަނޑު އިންތިހާބްވީ ރައްޔިތުންގެ ވޯޓުން. އެހެންވީމަ އަޅުގަނޑުމެން ރައްޔިތުންނަށް ހިދުމަތްކޮށްދިނުމުގައި ދެމިތިބެން ޖެހޭ"
ރައީސް ވިދާޅުވީ، ދަންނަވާލަން ބޭނުންވަނީ އަޅުގަނޑާއި އަޅުގަނޑުގެ އަންހެނުންނަށް މާލެއާއި އެކި ކަންކޮޅުތަކުން ތި ކުރައްވާ ތާއީދު ކުރައްވަމުން ގެންދަވާށޭ.
މި ދަނޑިވަޅަކީ ވަރަށް ވިސްނުންތެރި ކަމާ އެކީ ކަންކަން ކުރަންޖެހޭ ދަނޑިވަޅެއް. ވިސްނުންތެރި ކަމާ އެކީ ކަންކަން ކުރައްވަމުން ދާއިރުވެސް އަޅުގަނޑައްވެސް އަޅުގަނޑުގެ ސަރުކާރަށް ލިބެމުންދާ ތާއިދަށްވެސް އިއްޗިއެއްވެސް އުނިކަމެއް ނާދޭ،
މަސައްކަތް މިކުރަނީ ރައްޔިތުންނަށް ތަހައްމަލު ކުރަން ދަތި އެއްވެސް ކަމެއް ކުރިމަތި ނުވެ ސުޕްރީމް ކޯޓުގެ އަމުރު ތަންފީޒު ކުރުމަށް ކަމަށް ރައީސް ވިދާޅުވި.
އަޅުގަނޑުގެ ސަރުކާރު ދެމި އޮންނާނެ،
ރައީސް ޔާމީން ވިދާޅުވީ، "އަޅުގަނޑުމެން އެއްވެސް ގޮތަކަށް އިންތިޒާރުކޮށްގެން ވިސްނައިގެން ތިބި ކަމެއް ނޫން ސުޕްރީމް ކޯޓުގެ އަމުރަކީ. އެހެން ނަމަވެސް ސުޕްރީމް ކޯޓަކީ އަދުލު އިންސާފުގެ އެންމެ މަތީ ކޯޓު މަސައްކަތްތައް ދަނީ ރަނގަޅަށް، އަޅުގަނޑުމެންނާ ސުޕްރީމް ކޯޓުގެ ފަނޑިޔާރުންނާ ގުޅިގެން މިދަނީ މަސައްކަތް ކުރަމުން."
މި ވީކެންޑަކީ ވަރަށް ބުރަކޮށް މަސައްކަތްކުރައްވަން ޖެހިވަޑައިގެންނެވި ވީކެންޑެއް ކަމަށް ރައީސް ވިދާޅުވި.
ޕީޕީއެމުން ބާއްވާ އެއްވުމުގައި ގިނަ އަދަދެއްގެ ބަޔަކު ދަނީ ބައިވެރިވަމުން. އޭގެތެރޭގައި ޕީޕީއެމްގެ މަޖިލިސް މެމްބަރުންނާއި ކެބިނެޓްގެ ވަޒީރުންވެސް ބައިވެރިވެ ވަޑައިގަންނަވާ.
ޕީޕީއެމްގެ ޒުވާނުންގެ ގޮފިން މާލޭގައި ކުރިއަށް ގެންދާ ހިނގާލުމުގައި ރައީސް ޔާމީން ބައިވެރިވެވަޑައިގަންނަވަމުން އެބަ ގެންދަވާ. މި ހިނގާލުމުގައި ގިނަ އަދަދެއްގެ މީހުން ބައިވެރިވޭ.
ރައީސް ޔާމީނާއެކު ދިވެހި ރައްޔިތުން ތިބިކަން ހާމަކުރުމަށް ޕީޕީއެމުން މާލޭގައި އެއްވުމެއް ބާއްވަނީ
އެކެއް ދެމީހެއްގެ ހައްގު ހޯދަން އެހެން އެންމެންގެ ހައްގުތައް ނިގުޅައި ނުގަނެވޭނެ ކަމަށް ހޯމް މިނިސްޓަރު އަޒްލީން އަހުމަދު ވިދާޅުވެއްޖެ.
މިއަދު ބޭއްވި ނޫސްވެރީންގެ ބައްދަލުވުމުގައި ޕީޕީއެމްގެ ވިމެންސް ވިންގް ގެ ނައިބު ރައީސް އިނާ ވިދާޅުވީ، "އެއްވެސް އަންހެން ކަނބަލަކު އިދިކޮޅުގެ އަވައިގައި ޖެހިގެން މުޒާހަރާތަކަށް ނުނިކުތުމަށާއި އަންހެނުންނަށް އަޅާލާއި އަންހެނުން ބާރުވެރި ކުރުވީ މި ސަރުކާރުން ކަމަށް.
ޕާޓީ ބަދަލު ކުރުމުން ގޮނޑިގެއްލޭ އުސޫލާ ގުޅޭ ގޮތުން ބުރާސްފަތި ދުވަހު ސުޕްރީމް ކޯޓުން ނެރުނު ހުކުމް ވަރަށް ސާފު ކަމަށާއި ގޮނޑި ގެއްލިފައިވާ ކަމަށް، އިލެކްޝަންސް ކޮމިޝަނުން ކުރިން ކަނޑައަޅާފައިވާ 12 މެމްބަރުންނަށް ޖަލްސާތަކުގައި ބައިވެރިވުމަށް މިހާރު އެއްވެސް ހުރަހެއް ނެތް ކަމަށް މަޖިލީހުގެ އަމީން އާންމު އަހްމަދު މުހައްމަދު ވަނީ ވިދާޅުވެފައި.
2018 ވަނަ އަހަރަށް މަޖިލިސް ހުޅުވުމަށް، އަންނަ ހޯމަ ދުވަހު ބާއްވަން އުޅުނު ޖަލްސާ މިހާރު ވަނީ ކެންސަލްކޮށްފައި.
މާފުށީ ޖަލު ބެލެހެއްޓެވުމާ ހަވާލުވެ ހުންނެވި ޑައިރެކްޓަރު އޮފް ޕްރިޒަންސް ސަލްމާން ރަޝީދު ވަނީ މަގާމުން އިސްތިއުފާ ދެއްވާފައި.
މިއަދު މެންދުރު ފަހު ޕީޕީއެމްގެ ޔޫތު ވިންގުން ބޭއްވި ބައްދަލުވުމުގެއްގައި އެ ވިންގުން ގޮވާލާފައި ވަނީ، އިދިކޮޅު ފަރާތްތަކުން ސަރުކާރަށް ދުއްތުރާ ކުރުމަށް ކުރަމުންދާ މަސައްކަތް ހުއްޓާލުމަށް.
ޑެޕިއުޓީ ކޮމިޝަނަރ އޮފް ޕޮލިސްގެ މަގާމުން އަޙްމަދު ސަޢުދީ ވަކިކުރައްވައި، އެސިސްޓެންޓް ކަމިޝަނަރ އޮފް ޕޮލިސް އަބްދުﷲ ނަވާޒް ޑެޕިއުޓީ ކަމިޝަނަރުގެ މަގާމަށް ހަމަޖައްސައި ފުލުހުންގެ އިދާރާ ހިންގުން އޭނާއާ ހަވާލުކޮށްފި. މިގޮތަށް ހަމަޖައްސަވާފައި ވަނީ، ރައީސުލްޖުމްހޫރިއްޔާ އަށް ފުލުހުންގެ ޤާނޫނުން ލިބިފައިވާ ބާރުގެ ދަށުން. ފުލުހުންގެ އިންޓެލް ވަނީ ސުޕްރިންޓެންޑެންޓް އޮފް ޕޮލިސް މުހައްމަދު ޖަމްޝީދާ ހަވާލުކުރައްވާފައި.
މިނިވަން އިންތިޚާބެއްގައި ވާދަކޮށް، 2018 ވަނަ އަހަރުގެ ރިޔާސީ އިންތިޚާބުން ރައީސް ޔާމީން ބަލި ނުކުރެވޭނެކަން ޔަގީންވާތީ އިދިކޮޅު ފަރާތްތަކުން ބޭނުންވަނީ ދައުރު ހަމަވުމުގެ ކުރީން މި ވެރިކަން ނިމުމަކަށް ގެނައުމަށް ކަމަށް ޕީޕީއެމްގެ ނައިބު ލީޑަރު އަބްދުއްރަހީމް ވިދާޅުވި.
ފެނަކައިގެ އެމްޑީ ޝަރީފް ވިދާޅުވީ، އެ ކުންފުނިން އަތޮޅުތެރޭ ރަށެއްގައި ހިންގާ އިންޖީނުގެއެއްގައާއި އެމްއާރްޑީސީގެ ސައިޓެއްގައި އަލިފާ ރޯކުރަން އުޅޭ ކަމުގެ އިންޒާރެއް ލިބިފައިވާތީ އެކަން، ކަމާގުޅޭ ފަރާތްތަކާ ހިއްސާކުރެވިފައިވާ ކަމަށް.
ސުޕްރީމް ކޯޓުން ނެރުއްވާފައިވާ އަމުރުގައި ހުރި ކަންކަން ރައީސުލްޖުމްހޫރިއްޔާއަށް ދިރާސާކުރައްވަން ޖެހިވަޑައިގަންނަވާ ކަމަށާއި، އެ ހުކުމުގައި އެއް ކުށެއްގައި ހުކުމް އިއްވާފައިވާ ބައެއް ފަރާތްތަކުގެ ނަންތައް ހިމަނާފައި އަނެއްބައިފަރާތްތަކުގެ ނަންތައް ނެތްކަން ފާހަކަކުރެވިފައިވާ ކަމަށް.
ޕީޕީއެމްގެ ނައިބު ރައީސް އަބްދުއްރަހީމް އަބްދުﷲ ވިދާޅުވީ، އިދިކޮޅު ފަރާތްތަކުން މިހާރު ހިންމަގުން ގެންދާ ހަމަނުޖެހުންތަކުގައި ހުރިހާ ގެއްލުމެއް ލިބެމުން ދަނީ އެކަމުގައި ހަރަކާތްތެރިވާ ޒުވާނުންނާއި އާންމު ރައްޔިތުންނަށް ކަމަށާއި، އެ ހަމަނުޖެހުންތައް ރާވައި ހިންގާ ފަރާތްތައް ތިއްބެވީ ފިއްލަވައި ކަމަށް.
ޔޫތު މިނިސްޓަރު އިރްތިޝާމް އާދަމް ވިދާޅުވީ، ސުޕްރީމް ކޯޓުގެ އަމުރާ ގުޅިގެން ޒުވާނުންނަށް ލިބެންޖެހޭ އެއްވެސް ކަމަކަށް ބުރޫ ނާރާނޭކަމަށް. ރައީސް ޔާމީން އަމަލުފުޅުކުރައްވަމުން ގެންދަވަނީ، "ރޫޕް އޮފް ލޯ"އާ އެއްގޮތަށް ކަމަށް.
އެޑިއުކޭޝަން މިނިސްޓަރ ޑރ. އައިޝަތު ޝިހާމް ވިދާޅުވީ، މިހާރު ގައުމަށް ދިމާވެފައިވާ ނުތަނަވަސް ދަނޑިވަޅުގައި ރައީސް ޔާމީން ގެންގުޅުއްވާ ހިކްމަތްތެރި ވިސްނުންފުޅަށްޓަކައި މުޅި ގައުމު ފަހުރުވެރިވާ ކަމަށް. އަދި ސަރުކާރުން ރައްޔިތުންނަށްޓަކައި ދެމުންގެންދާ ހުރިހާ ހިދުމަތެއްވެސް މެދު ނުކެނޑި ކުރިއަށް ދާނޭ ކަމުގެ ފުރިހަމަ ޔަގީންކަން އެބަ އޮތްކަމަށް.
އެމްޑަބްލިއުއެސްސީގެ އެމްޑީ ފަޒުލް ރަޝީދު ވިދާޅުވީ، އެ ކުންފުނިން ރައްޔިތުންނަށް ދޭ ޚިދުމަތްތައް މެދުކެނޑުމެއް ނެތި ކުރިއަށް ގެންދާނެކަމުގެ ޔަގީންކަން ދެއްވާކަމަށް. އަދި ސަރުކާރުން ރައްޔިތުންނަށް ބޯހިޔާވަހިކަން ފޯރުކޮށްދިނުމަށް ކުރިއަށް ގެންދާ ހިޔާ ޕްރޮގްރާމްގެ ދަށުން އެމްޑަބްލިއުއެސްސީން ކުރިއަށް ގެންދާ މަޝްރޫއުވެސް ހަލުވިކަމާއެކު ކުރިއަށް ގެންދާނޭ ކަމަށް.
ސަރުކާރުގެ ހުރިހާ ކުންފުނިތަކުންވެސް ރައްޔިތުންނަށް ފޯރުކޮށްދޭން ޖެހޭ ޚިދުމަތްތައް މެދުކެނޑުމެއް ނެތި ފޯރުކޮށްދޭނޭ ކަމަށާއި، އިދިކޮޅު ފަރާތްތަކުން ހިންގާ ހަރަކާތްތަކުގައި ކުންފުނިތަކުގެ މުވައްޒަފުން ބައިވެރި ނުވުމަށް އެމްޕީއެލްގެ ސީއީއޯ އިބްރާހިމް އަބްދުއްރައްޒާގް ހަލީމް ވިދާޅުވި.
ފެނަކަ ކޯޕަރޭޝަންސްގެ މެނޭޖިން ޑިރެކްޓަރު އަހްމަދު ޝަރީފް ވިދާޅުވީ، ރައްޔިތުންނަށް ޚިދުމަތް ދިނުމަށް ސަރުކާރުން ގާއިމުކޮށްފައިވާ ވަސީލަތްތަކަށް ހަމަލާ ދިނުމަށް ރާވަމުންދާ ކަމުގެ މައުލޫމާތު ލިބިފައިވާ ކަމަށާއި އެފަދަ ވަސީލަތްތައް ހިމާޔަތްކުރުމަށް ރައްޔިތުން ސަމާލުވެ ތިއްބެވުމަށް.
މިނިސްޓަރު ނާޒިމް ވިދާޅުވީ، ސުޕްރީމް ކޯޓުގެ ހުކުމް ތަންފީޒުކުރުމަށް ފުރިހަމަކުރަން ޖެހޭ އިޖްރާއަތްތައް ފުރިހަމަކުރުމުގެ މަސައްކަތް ދައުލަތުގެ ކަމާ ގުޅުންހުރި މުއައްސަސާތަކުން ކުރިއަށް ގެންދާ ކަމަށާއި އެކަންކަން ވާނީ ބައިނަލްއަގްވާމީ ފަރާތްތަކާވެސް ހިއްސާކުރެވިފައި ކަމަށް.
ހެލްތު މިނިސްޓަރު ނާޒިމް ވިދާޅުވީ، މުޖްތަމައުގެ ހަމަނުޖެހުން ނަގާލުމަށް ކުރާ އެއްވެސް ކަމެއްގައި ރައްޔިތުންގެ އެއްބާރުލުން ނުލިބޭނޭކަން ދިވެހި ރައްޔިތުން ސާބިތުކޮށްދީފި ކަމަށާއި، ރައީސް ޔާމީން ދަނީ ރައްޔިތުން ހަވާލުކުރެއްވި ވާޖިބު އަދާކުރުންމަތީ ސާބިތުކަމާއެކު ކުރިއަށް ކަމަށް. މި ސަރުކާރުން ރައްޔިތުންނަށް ކޮށްދެމުން ގެންދާ އެއްވެސް މަސައްކަތެއް ނުހުއްޓި ކުރިއަށް ދާނޭ ކަމަށް.
އެމްޑީއޭގެ ނައިބު ލީޑަރު އަލީ މައުރޫފް ވިދާޅުވީ، މިހާރު އޮތް ސަރުކާރަކީ، ރައްޔިތުންގެ ލާބައާ މަންފާއަށްޓަކައި އުފެދިފައިވާ ސަރުކާރެެއް ކަމަށް. ރައީސް ޔާމީނާއެކު މި ސަރުކާރު އޮތީ ވަރަށް ބަދަހިކޮށް ކަމަށް.
ސުޕްރީމް ކޯޓުގެ ހުކުމް ތަންފީޒު ކުރުމަށް ހުރަސް އަޅުއްވާ ފަރާތްތަކާ މެދު ބައިނަލް އަގުވާމީ ހަމަތަކުން ފިޔަވަޅު އެޅުން ގާތްކަމަށް ރައީސް ނަޝީދު ވިދާޅުވެއްޖެ.
SC ge hukum thanfeez kurumah huras alhuvva General Shiyam ashai enme beyfulhunah engivadaigannavaanvi haqeegathakee, mulhi dhuniye govanee hukum thanfeez kurumah. Ekan nukohfinama, ekamah huras alhuvva enme beyfulhunge mahchah bainal aqvaamee hama thakun fiyavalhu elhun gaaiy
— Mohamed Nasheed (@MohamedNasheed) February 3, 2018
ސުޕްރީމް ކޯޓުގެ ހުކުމް ތަންފީޒު ކުރުމަށް ހުރަސް އަޅުއްވާ ޖެނެރަލް ޝިޔާމް އަށާއި އެންމެ ބޭފުޅުންނަށް އެނގިވަޑައިގަންނަވާނޭ ހަގީގަތަކީ، މުޅި ދުނިޔެ ގޮވަނީ ހުކުމް ތަންފީޒުކުރުމަށް. އެކަން ނުކޮށްފި ނަމަ، އެކަމަށް ހުރަސްއަޅުއްވާ އެންމެ ބޭފުޅުންގެ މައްޗަށް ބައިނަލްއަގުވާމީ ހަމަތަކުން ފިޔަވަޅު އެޅުންގާތް،
މާދަމާ ވެސް ޕީޕީއެމް ފެނިގެންދާނީ ވަރަށް ހަރަކާތްތެރިކޮށް ކަމަށާއި ހެނދުނު 11 ޖަހާއިރުން ފެށިގެން ކޮންމެ ދެ ގަޑިއަކުން ނޫސްވެރިންގެ ބައްދަލުވުމެއް ބާއްވާނެ ކަމަށް އަބްދުއްރަހީމް ވިދާޅުވިއެވެ.
ދިވެހި ރައްޔިތުންނަށް ހަމަ ވަރަށް ރަނގަޅަށް ވާނުވާ ކިޔައިދޭނަން. އަޅުގަނޑުމެންގެ ޕާޓީއަކީ އަޅުގަނޑުމެންގެ ޕާޓީން އަންގާ އެންގުންތަކާ އެއްގޮތަށް އަމަލުކުރާ މީހުން ޖަލުގައި ތިބެފައި، ލީޑަރުން ސަލާމަތުން ތިބޭ ގޮތަށް ކުރިއައްގެންދާ ޕާޓީއެއް ނޫން
ސަރުކާރާއި ރައްޔިތުން ހިއްސާވާ ކުންފުނިތަކުގެ އިސްވެރިންނާއި އެކު ޕީޕީއެމް އޮފީހުގައި ނޫސްވެރިންގެ ބައްދަލުވުމެއް ބާއްވައިފި.
އެ ބައްދަލުވުމުގައި ފެނަކަ ކޯޕަރޭޝަންގެ މެނޭޖިން ޑިރެކްޓަރު އަހްމަދު ޝަރީފް ވިދާޅުވީ ސަރުކާރުގެ ހުރިހާ ކުންފުނިތައް އޮތީ ޕީޕީއެމް ސަރުކާރުގެ ފަހަތުގައި ކަމަށާއި މި ޚުތޫއަތްތެރި ދަނޑިވަޅުގައި ކުންފުނިތަކުން ރައްޔިތުންނަށް ދެމުންދާ އެއްވެސް ހިދުމަތަކަށް ބުރުލެއް ނާރާނެކަމުގެ ޔަގީންކަން ދޭ ކަމަށެވެ.
މިއީ ރައްޔިތުންގެ މެދުގައި ބިރުވެރިކަން އުފެއްދުމަށް ބަޔަކު ކުރާ ދަށުދަރަޖައިގެ އަމަލެއް. ރައީސުލްޖުމްހޫރިއްޔާ ހުންނެވީ އެމަނިކުފާނާ ދިވެހި ރައްޔިތުން ހަވާލުކުރެއްވި ވާޖިބު އަދާކުރުންމަތީ ހިތްވަރާ ސާބިތުކަމާއެކުކަން ލޮބުވެތި ރައްޔިތުންނަށް ޔަގީންކޮށް އަރުވަން
އަޅުގަނޑުމެންނާ މަޝްވަރާކޮށްގެން ކަންކަން ހައްލުކުރުމަށް ފުލުހުންނާ ސިފައިންނަށް ގޮވާލަން
ސުޕްރީމް ކޯޓުގެ ހުކުމް ތަންފީޒު ކުރާނީ ދިވެހި ފުލުހުންނާއި ކަރެކްޝަންސް އިން.
ދިވެހިރާއްޖޭގެ ރައްޔިތުން ތިބެންވީ ކޮންފިޑެންސާއެކު. އެއްވެސްގޮތަކަށް ހާސްފުޅުވެވަޑައިގަންނަވާނެ ކަމެއް ނެތް
ރައީސް ޔާމީން ހުންނެވީ ކެރިވަޑައިގެން. ވަޒީފާ ދޫކޮށްލާ ގޮތަކަށް ނޫން. އެމަނިކުފާނު ހުންނެވީ ވަރަށް ސާބިތުކަމާ އެކު އަޅުގަނޑުމެން މިތިބީ ރައީސް ޔާމީނާއެކު
ވަކި ބަޔަކަށް ދީފައިވާ ބާރެއް އެހެން ބަޔަކާ ހަވާލުކުރުމުގެ ބާރު ގާނޫނު އަސާސީން ލިބިގެންނުވޭ
ރާއްޖެ ދޫކޮށް ރައީސް ޔާމީން ފުރާވަޑައިގަންނަވަން އުޅުއްވާ ކަމަށް ދެކެވޭ ވާހަކަތައް ޕީޕީއެމްގެ ނައިބު ރައީސް އަބްދުއްރަހީމް އަބްދުﷲ ދޮގު ކުރައްވައިފި
ވަރަށް ސާފުކޮށް ސުޕްރީމް ކޯޓުގެ އަމުރުގައި އެ އޮތީ ނުވަ ބޭފުޅުން މިނިވަންކޮށްދޭށޭ
އަޅުގަނޑު ޗެލޭންޖުކޮށްފަ މި ބުނަނީ ސަރުކާރަކަށް ވެސް އެއްވެސް މުއައްސަސާއަކަށް މި އަމުރު ތަންފީޒު ނުކޮށް ނުތިބެވޭނެއޭ
ކޮމިޝަނަރ އަރީފް މަގާމުން ވަކިކުރީ ސުޕްރީމް ކޯޓުގެ އަމުރު ތަންފީޒު ކުރަން މަސައްކަތް ފެށީމަ
އެ އަމުރުގައި ބަޔާންކޮށްފައިވާ ނުވަ ބޭފުޅުން މިއަދު ބަންދުގައި ބެހެއްޓިގެން ނުވާނެ
ސުޕްރީމް ކޯޓުގެ އަމުރަށް ތަބާނުވެ ވެރިކަމެއް ނުހިންގޭނެ
ފުލުހުންނާއި ކަރެކްޝަންސް އަށް މިރޭ ވެސް މި ގޮވާލަނީ ވީހާވެސް އަވަހަކަށް މި އަމުރު ތަންފީޒު ކޮށްދެއްވާށޭ. ނޫނީ ޝަރީއަތަކާ ކުރުމަތިލާންޖެހިދާނެ
ޔޫތު މިނިސްޓަރު އިރްތިޝާމް އާދަމް ޕީއެސްއެމްގައި ވާހަކަފުޅު ދައްކަވަމުން ވިދާޅުވީ، "ބަގާވާތަކުން ވެރިކަން ވައްޓާލުމަކީ އެއްވެސް ހާލަތެއްގައި ގަބޫލު ކުރެވޭނެ ކަމެއް ނޫން" ކަމަށް.
ބޭރުން ސިފައިން ގެންނަ ވާހަކަ އިދިކޮޅުން ދައްކާތީ ކަންބޮޑުވޭ. އެ ފުރުސަތެއް ދިވެހި ސަރުކާރުން ނުދޭނެ. ގައުމުގެ ސަލާމަތަށް ބުރުއަރާ ފަދަ ވާހަކަތައް ނުދައްކާ.
ރައީސް ޔާމީނަކީ ރައްޔިތުން ހަވާލުކުރާ ޒިންމާތައް ގާނޫނު އަސާސީއާ އެއްގޮތަށް އަދާކުރައްވާ އިހުލާސްތެރި ވެރިއެއް ކަމަށް ހައުސިން މިނިސްޓަރު ޑރ. މުހައްމަދު މުއިއްޒު ވިދާޅުވެއްޖެ.
Raees Yameen akee abadhuves emanikfaanaa rayyithun havaalu kuri hurihaa zimmaa eh qaanoonu asaasee aa eggothah furihama ah adhaakuravvaa ikhlaastheri veriyeh. pic.twitter.com/PF5vqyBQDR
— Dr.Mohamed Muizzu (@MMuizzu) February 2, 2018
ގޮނޑި ނުގެއްލޭ ކަމަށް ސުޕްރީމް ކޯޓުން ކަނޑައެޅި 12 މެންބަރުންނާއެކު އަޅުގަނޑުމެން އެންމެން މަޖިލީހުގެ ފުރަތަމަ ޖަލްސާއަށް ވަންނާނަން. ރައީސް ޔާމީނަށް ހިޠާބު ދެއްވަން ކެރެންޏާ ދެއްވަންވީ.
ސުޕްރީމް ކޯޓުން ރޭ ނެރުނު އަމުރާ ގުޅިގެން ސުޕްރީމް ކޯޓަށް ހުށަހަޅަން ބޭނުންވާ ޝަރުއީ އަދި ގާނޫނީ ކަންކަމުގެ ތަފްސީލު އެ ކޯޓަށް ހުށަހެޅުމަށް މަސައްކަތް ކުރަމުންދާ ކަމަށް ޕްރޮސެކިއުޓަރު ޖެނެރަލް އޮފީހުން ބުނެފި
އަޅުގަނޑުމެންގެ ޕާޓީ މެންބަރުންނާއި ވަޒީރުންނާއި ނައިބު ރައީސް ޖިހާދު އަދި މަޖިލިސް މެންބަރުންގެ މެދުގައި އެއްވެސް ނުތަނަވަސްކަމެއް ނެތް. އަޅުގަނޑުމެން އެންމެން މިތިބީ ރައީސް ޔާމީންއާއެކު ސާބިތުކަމާއެކު.
އަޅުގަނޑުމެންގެ ޕާޓީ ތެރޭގައި އެއްވެސް ނުތަނަސްކަމެއް ނެތް. ޕީޖީ ގްރޫޕުގެ މެންބަރުން އޮތީ ވަރަށް ބަދަހިކޮށް.
ޕީޕީއެމްއަކީ އަބަދުވެސް ގާނޫނަށް ބޯލަނބައި ކޯޓުތަކުގެ ހުރުމަތާއި ކޯޓުތަކުގެ އަމުރުތަކަށް ބޯލަނބާނެ ޕާޓީއެއް ކަމަށް ޕީޕީއެމްގެ ޕާލިމަންޓްރީ ގުރޫޕްގެ ލީޑަރު އަހްމަދު ނިހާން ހުސައިން މަނިކު ވިދާޅުވެއްޖެ. ނިހާން އެހެން ވިދާޅުވީ އޭނާ ކުރެއްވި ޓުވީޓެއްގައި.
— Ahmed Nihan (@ahmed_nihan)
ސުޕްރީމް ކޯޓުގެ އަމުރާ ގުޅޭ ގާނޫނީ ކަންކަން އެ ކޯޓަށް ހުށަހެޅުމުގެ މަސައްކަތް މިދަނީ ކުރަމުން
ކްރިމިނަލް ކޯޓަށް ހުށަހަޅާފައި ވަނީ ބަންދުން ދޫކޮށްލަން ސުޕްރީމް ކޯޓުން އަމުރުކުރި ނުވަ މީހުން ދޫކޮށްދިނުމަށް އެދި
ސުޕްރީމް ކޯޓުން ރޭ ދައުލަތުގެ މައްޗަށް ނެރުނު އަމުރަކީ ފަސް ފަނޑިޔާރުންގެ އިއްތިފާގުން ނެރުނު އަމުރެއް ކަމަށާއި އެ އަމުރަށް އަމަލުކުރަން ޖެހޭނެ ކަމަށް ޑިޕާޓްމެންޓް އޮފް ޖުޑިޝަލް އެޑްމިނިސްޓްރޭޝަނުން ބުނެފި.
ފާރިސް މައުމޫންގެ މައްސަލަ އާއި ކަރެކްޝަންސްގެ ބެލުމުގެ ދަށުގައި ތިއްބެވި ބޭފުޅުންގެ މައްސަލަ ކްރިމިނަލް ކޯޓަށް ވަނީ ހުށަހަޅާފައި
އެބޭފުޅުން ދޫކޮށްނުލާ ކޮންމެ ވަގުތަކު އެ ކުރެވެނީ ގާނޫނީ ކުށެއް
ސުޕްރީމް ކޯޓުގެ ފަނޑިޔާރުން ބަންޑާރަ ނައިބާ މަޝްވަރާކުރަން ޖެހޭނެ ކަމަށް ގަބޫލެއް ނުކުރަން
ހެބިއަސް ކޯޕަސްގެ މައްސަލައެއް ކްރިމިނަލް ކޯޓަށް ހުށަހަޅައިފިން. މިރޭ އެ މައްސަލައިގެ އަޑުއެހުމެއް ބާއްވާނެ ކަމަށް ބެލެވޭ
ބަންޑާރަ ނައިބު އެ ހުންނެވީ ގާނޫނު އަސާސީއާ ޚިލާފު ވެވަޑައިގެން
އަނިލް ވިދާޅުވީ އެގޮތުން ޓެރަރިޒަމްގެ ބައެއް ކުށް ސާބިތުވެފައިވާ ފަރާތްތަކާއި މިހާރުވެސް ޝަރީއަތުގައި ބައެއް މައްސަލަތައް ހިންގަމުންދާ ފަރާތްތައް އޭގެ ތެރޭގައި ހިމެނޭތީ ކަމަށް.
އެކަންބޮޑުވުންތައް އުއްތަމަ ފަނޑިޔާރާ ހިއްސާ ކުރުމުން " ޑިއު ޕްރޮސެސްއަކުން އަމުރުގައި ވާ ކަންކަން ތަންފީޒު ކުރުމަށް" ވިދާޅުވި ކަމަށް ބަންޑާރަ ނައިބު ވިދާޅުވި.
އަނިލް ވިދާޅުވީ، ދައުލަތުން އެމައްސަލާގައި މަޝްވަރާކުރީ ބޮޑެތި ކުށްތައް ތަންފީޒު ކުރަމުންދާ ފަރާތްތަކެއް ދޫކޮށްލަން އަމުރުކޮށްފައިވާތީ ކަމަށް.
ބަންޑާރަ ނައިބު ވިދާޅުވީ، އުއްތަމަ ފަނޑިޔާރާ އެންމެ ބޮޑަށް މަޝްވަރާ ކުރެވުނީ، ސުޕްރީމް ކޯޓުގެ އަމުރުގެ ފަސްވަނަ ނަމްބަރުގައި ފާހަގަކޮށްފައިވާ ބަންދުގައި ބައެއް ގައިދީން މިނިވަން ކުރުމަށް އަމުރުކުރި ކުރުމާ ބެހޭގޮތުން ކަމަށް.
އަވަސް މުސްތަގުބަލެއްގައި ޖުމުހުރީ ޕާޓީގެ ލީޑަރު ގާސިމް އިބްރާހިމް އަދި ކުރީގެ ރައީސް މުހައްމަދު ނަޝީދު މާލެ ވަޑައިނުގަންނަވާނެ
ބަންޑާރަނައިބު އަނިލް ވިދާޅުވީ މިހާރު އުއްތަމަ ފަނޑިޔާރާ މަޝްވަރާ ކުރެވި، ގާނޫނީ ކުއްތަކާ ބެހޭ ގޮތުން މަޝްވަރާ ކުރައްވާފައިވާ ކަމަށް.
ސަރުކާރުގެ އެދުމަކީ ހަމަޖެހުމާއެކު ސަރުކާރުގެ މަސައްކަތްތަކަށް އެއްބާރުލުން ދެއްވުން
ޑިއު ޕްރޮސެސްގެ ތެރެއިން މި އަމުރު ތަންފީޒު ކުރުމަށް އުއްތަމަ ފަނޑިޔާރު ވަނީ އަޅުގަނޑު ކައިރީ ވިދާޅުވެފައި. ފުލުހުން ގެންދަވަނީ އެކަން ކުރައްވަމުން
އުއްތަމަ ފަނޑިޔާރާ ބައްދަލުކޮށް އެ އަމުރުގައި ހުރި ގާނޫނީ ކަންތައްތަކާ ގުޅޭގޮތުން އަޅުގަނޑު މަޝްވަރާކޮށްފިން
އެއްވެސް ޝަރުތެއް ނެތި ސަރުކާރުންް ސުޕްރީމް ކޯޓުގެ އަމުރު ތަންފީޒު ކުރާނެ ކަމަށް އުންމީދު ކުރަން
ހެލްތު މިނިސްޓަރު އަބްދުﷲ ނާޒިމް ވިދާޅުވީ، މިއީ ރިޔާސީ އިންތިހާބު ކާމިޔާބު ކުރުމަށް ރައީސް ޔާމީން ކަޑައްތު ކުރައްވާނެ ވަރަށް މުހިންމު މަރުހަލާއެއްކަމަށް.
ރައީސް ޔާމީން ހުންނެވީ ރައްޔިތުންނާ އެކު ސާބިތުކަން މަތީ
ހެލްތު މިނިސްޓަރު އަބްދުﷲ ނާޒިމް ޕީއެސްއެމްގައި ވާހަކަފުޅު ދައްކަވަމުން ވިދާޅުވީ، މިއީ ރައީސް އަބްދުﷲ ޔާމީނާއި ކުރިމަތި ކުރުވި ފުރަތަމަ އިމްތިހާނި ނޫންކަމަށް.
ރައީސް ޔާމީން ވަނީ ﷲގެ އިރާދަފުޅާއި ރައްޔިތުންގެ ދުއާއާއެކު އެ ހުރިހާ އިމްތިހާނަކުން ފާސްވެފައި.
މައުރޫފް ވިދާޅުވީ، އިބުރަތް ހާސިލް ކުރަންވީ މާޒީން ކަމަށާއި، އިދިކޮޅު ކޯލިޝަންގައި އޮތް ޕާޓީ ތަކުގެ މާޒީން ފިލާވަޅުތަކެއް ލިބިގެންދާ ކަމަށް.
އެމްޑީއޭގެ ލީޑަރު އަހްމަދު ސިޔާމް މުހައްމަދު ހުންނެވީ ރައީސް އަބްދުﷲ ޔާމީނާއި އެކު
އެމްޑީއޭގެ ނައިބު ލީޑަރު އަލީ މައުރޫފް ޕީއެސްއެމްގައި ވާހަކަފުޅު ދައްކަވަމުން ވިދާޅުވީ' ގާނޫނީ ސަރުކާރެއް މަގުމަތިން ވައްޓާލުމުގެ ބާރެއް ގާނޫނު އަސާސީން އެއްވެސް ޕާޓީ އަކަށް ދީފައި ނުވާ ކަމަށް.
ސިފައިންނާއި ފުލުހުން ކުރަމުންދާ ގައުމީ ޖިހާދަށް ޝުކުރު އަދާކުރަން. ތިޔަގޮތުގައި ދެމި ތިބޭތި. ސިފައިންނާއި ފުލުހުން މަސައްކަތް ކުރަމުންދަނީ ރައްޔިތުންގެ ހައްގުގައި،
ރަށްރަށުގައި ތިބީ ޕީޕީއެމް މެމްބަރުން ހާސް ނުވުމަށާއި އަދި ކަންބޮޑު ނުވުމަށް ޓުއަރިޒަމް މިނިސްޓަރު އަދި ޕީޕީއެމްގެ ނައިބު ރައީސް މޫސާ ޒަމީރު އެދިވަޑައިގެންފި.
ހުކުމުގެ ސަބަބުން ސަރުކާރު ހިންގުމަކަށް އެއްވެސް ހުރަހެއް ކުރިމައްޗެއް ނުވާނެ
"ޕީޕީއެމްގެ ކެބިނެޓްގައި ހިމެނިވަޑައިގަންނަވާ މިނިސްޓަރަކުވެސް އަދި އެ ޕާޓީގެ ޕާލިމަންޓްރީ ގުރޫޕްގެ މެމްބަރަކުވެސް ގަލޮޅު ދެކުނު ދާއިރާގެ މެމްބަރު އަހްމަދު މަހުލޫފަށް ގުޅައިގެން އެއްވެސް ކަމަކާއި މަޝްވަރާއެއް ނުކުރާނެ."
އަބްދުއްރަހީމް އަބްދުﷲ ވިދާޅުވީ، "އިދިކޮޅު އިއްތިހާދުގެ އަތުގައި މަޖިލީހުގެ މެޖޯރިޓީ އޮންނާނީ މަޖިލިސް ޗުއްޓީ ދުވަސް ވަރު އެކަނި. މަޖިލީހުގެ ތެރެއިން ކުރެވޭނެ މާބޮޑު ކަމެއް ނޯންނާނެ. ޕީޕީއެމްގެ މަޖިލިސް މެމްބަރުން ތިބީ ބަދަހި ގުޅުމެއްގައި." ކަމަށް.
އަބްދުއް ރަހީމް އަބްދުﷲ ވިދާޅުވީ، ސުޕްރީމް ކޯޓުގެ އަމުރާ ގުޅޭގޮތުން އެއްޗެއް ވިދާޅުވާން ނެތްކަމަށް.
ސުޕްރީމް ކޯޓުގެ ހުކުމާއި ގުޅޭ ގޮތުން އެއްޗެއް ބުނާކަށް ނެތިން. އިންތިޒާރު ކުރަމުން މިދަނީ ބަންޑާރަ ނައިބުގެ ބަހަކަށް
"ފުލުހުންނާއި ސިފައިން ގާނޫނުގެ ތެރެއިން އަމަލު ކުރާނެ ކަމުގެ ޔަގީންކަން އެބައޮތް. ފުލުހުންނާއި ސިފައިންނަށް އެއްވެސް މީހަކަށް ނުފޫޒު ނުފޯރުވޭނެ."
ޕީޕީއެމްގެ ނައިބު ރައީސް އަބްދުއް ރަހީމް އަބްދުﷲ ވިދާޅުވީ "ކެބިނެޓްގެ އެއްވެސް ވަޒީރަކު އިސްތިއުފާ ދެއްވާކަށް ނޫޅޭ. ހުރިހާ މިނިސްޓަރުންވެސް ތިބީ ސަރުކާރުގެ ތަރައްގީ މަޝްރުއުތައް ކުރިއަށް ގެންދިޔުމަށް އަތުގުޅައިލައިގެން." ކަމަށް.
ރައީސް އަބްދުﷲ ޔާމީން ގައުމު ދޫކޮށެއް ނުދާނެ. ރައީސް ޔާމީން ހުންނެވި ސާބިތު ކަމާއިއެކު.
ފިޝަރީޒް މިނިސްޓަރު ޑރ، މުހައްމަދު ޝައިނީ ވިދާޅުވީ، "ފޯރީގައި ކަމެއް ކޮށްފި ނަމަ އެބަޔަކާ ގާނޫނު އަރާ ހަމަ ކުރާނެ." ކަމަށް.
އިކޮނޮމިކް މިނިސްޓަރު މުހައްމަދު ސައީދު ވިދާޅުވީ، "މިވެގެން އުޅޭ ކަމަކީ ތަރައްގީއަށް ބަޔަކު ހަސަދަވެރިވުން." ކަމަށް.
ސަރުކާރުން އޮތީ ސާބިތުކަމާ އެކު ކަމަށް ޕީޕީއެމްގެ ނަައިބު ލީޑަރު އަދި ފޮނަދޫ ދާއިރާގެ މެމްބަރު އަބްދުއްރަހީމް އަބްދުﷲ ވިދާޅުވެއްޖެ.
އަދުރޭ ވިދާޅުވީ މިހާރު މި ގައުމުގައި ހިނގާ ކަންކަމަކީ ވެރިކަމަށް ދަހިވެތިވެފައި ތިބި ބަޔަކު ހިންގާ ޖަރީމާއެއް ކަމަށް.
އެމްޑީއޭ އަބަދުވެސް އޮންނާނީ ގާނޫނީ ގޮތުން އުފެދިފައިވާ ސަރުކާރާއި އެކު. ޕީޕީއެމްއާއި އެކު. ކޯލިޝަން އޮތީ ބަދަހިކޮށް.
ކެބިނެޓްގެ ގިނަ މިނިސްޓަރުންނާއި ޕީޕީއެމްގެ ކައުންސިލްގައި ހިމެނިވަޑައިގަންނަވާ ގިނަ މެމްބަރުން އަދި މަޖިލިސްމެމްބަރުން ބައިވެރިވާ ނޫސްވެރިންގެ ބައްދަލުވުމެއް މިހާރު ކުރިއަށްދަނީ.
ސިޔާސީ ނުވަ ފަރާތެއް މިނިވަންކޮށް ރޭ ސުޕްރީމް ކޯޓުން ނެރެފައިވާ އަމުރަށް ތަބާވެ އަމަލު ކުރުމަށް އިންޑިއާއިން ދިވެހި ސަރުކާރަށް ގޮވާލައިފި.
އިންޑިއާގެ މިނިސްޓްރީ އޮފް އެކްސްޓާނަލް އެފެއާޒުން މިއަދު ނެރުނު ބަޔާނެއްގައި ބުނެފައިވަނީ ޑިމޮކްރެސީއާ ގާނޫނަށް ބޯލެނބުމުގެ ގޮތުން އެ އަމުރަށް ދިވެހި ސަރުކާރުން ބޯލަނބަން ޖެހޭ ކަމަށް.
ރޭ ފުލުހުން ކުރިއަށް ގެންދިޔަ އޮޕަރޭޝަންގައި، ގާގަނޑަކުން ޖެހި އަނިޔާވި ފުލުހަކަށް އޭޑީކޭގައި ފަރުވާދެމުންދާ ކަަމަށް ފުލުހުން ބުނެފި.
ފުލުހުން ބުނީ އަނިޔާވެފައިވަނީ ޕޮލިސް ސާޖަންޓް އައްސަދު އަބްދުލް މުހުސިން އަށް ކަމަށް. އައްސަދުގެ ބޮލުގެ ތެރެއަށް ލޭ އެޅި އޭނާގެ ބޮލުގެ އޮޕަރޭޝަނެއް ކުރަމުންދާ ކަމަށް ފުލުހުން ވަނީ ބުނެފައި.
Operation Update: Reyge operationgai gaagadakun bolugai jehi aniyaavi Police Sergeant Asadh Abdul Muhsin ge bolugai internal bleedeh hurumuge sababun mihaaru ADK gai surgery eh hadhamun dhany.
— Maldives Police (@PoliceMv) February 2, 2018
ސިޔާސީ ނުވަ ފަރާތެއް ވަގުތުން މިނިވަން ކުރުމަށް އަމުރުކޮށް ރޭ ސުޕްރީމް ކޯޓުން ކުރި ހުކުމުގެ އިނގިރޭސި ތަރުޖަމާ ޑިޕާޓްމެންޓް އޮސް ޖުޑިޝަލް އެޑްމިނިސްޓްރޭޝަނުން އާންމުކޮށްފި. މިއަދު ހެނދުނު ކުރި ޓްވީޓެއްގައި ޖުޑިޝަލް އެޑްމިނިޓްރޭޝަނުން ވަނީ އިނގިރޭސި ތަރުޖަމާގެ ޕީޑީއެފް ފައިލް އެޓޭޗްކޮށްފައި.
Unofficial Translation of the Supreme Court's Order (No: 2018/SC-SJ/01).
— Maldives Judiciary (@judiciarymv) February 2, 2018
ReadMore:https://t.co/SInDBMLuQP pic.twitter.com/tePGPlJTuU
ގާނޫނުއަސާސީ ނެގެހެއްޓުމަށާއި ގައުމުގެ އަމަނާއި ހަމަޖެހުން ދެމެހެއްޓުމަށްޓަކައި، ސުޕްރީމް ކޯޓުން ނެރެފައިވާ އަމުރު ތަންފީޒުކުރުމަށް، ސަލާމަތީ ބާރުތަކަށާއި މިނިވަން މުއައްސަސާތަކަށް ކުރީގެ ރައީސް މައުމޫނު އަބްދުލްގައްޔޫމް އަނެއްކާވެސް ގޮވާލައްވައިފި.
Once again I urge @MNDF_mv @PoliceMv and all independent institutions to implement the Supreme Court ruling to the full in order to uphold the rule of law and protect the peace and stability of the nation.
— Maumoon Abdul Gayoom (@maumoonagayoom) February 2, 2018
ސުޕްރީމް ކޯޓުން ރޭ އަމުރު ނެރުނު ފަހުން، ފުލުހުންގެ ބެލުމުގެ ދަށުގައި ދޫނިދޫގައި ހުންނެވި ކުރީގެ ނައިބު ރައީސް އަހުމަދު އަދީބު މާފުށީ ޖަލަށް ބަދަލުކޮށްފި.
އަދީބުގެ ވަކީލު މޫސާ ސިރާޖު ވިދާޅުވީ އަދީބު މާފުށީ ޖަލަށް ބަދަލުކޮށް އެކަން އާއިލާއަށް އަންގާފައިވާ ކަމަށް. އަދި ބަދަލު ކުރި ސަބަބަކީ ކޮބާތޯ އެހުމުން "ނޭނގޭ" ވިދާޅުވި ކަމަށް.
ރޭ ސުޕްރީމް ކޯޓުން ކުރި އަމުރުގައި، ސިޔާސީ ގޮތުން ޖަލަށް ލެވިފައިވާ ގިނަ ފަރާތްތަކެއް ވަގުތުން މިނިވަން ކުރަން އަމުރުކޮށްފައިވާއިރު އެމީހުންގެ ތެރޭގައި އަދީބުވެސް ހިމެނި ވަޑައިގަންނަވާ.
ދައުލަތާއި ބަންޑާރަ ނައިބު މުހައްމަދު އަނިލް ހިންގަވަމުން ގެންދަވަނީ ރަހީނު ކުރުމުގެ އަމަލެއް ކަމަށް ކުރީގެ ރައީސް މުހައްމަދު ނަޝީދު އަދި ގާސިމް އިބްރާހިމްގެ ގާނޫނީ ވަކީލު ހިސާން ހުސައިން ވިދާޅުވެއްޖެ.
ހިސާން މިހެން ވިދާޅުވީ ސިޔާސީ ލީޑަރުން ވަގުތުން މިނިވަން ކުރުމަށް ރޭ ސުޕްރީމް ކޯޓުން ކުރި އަމުރަށް ދައުލަތުން އަމަލު ނުކުރާކަން ފާހަގަކުރައްވަމުން.
ހިސާން ވިދާޅުވީ ސުޕްރީމް ކޯޓުގެ އަމުރަށް ތަބާނުވުމަކީ ގާނޫނާ ހިލާފުވުން ކަމަށާއި އެއީ ޖިނާއީ ކުށެއް ކަަމަށް.
ސުޕްރީމް ކޯޓުގެ އަމުރަށް އަމަލުކުރުމަށް މިހާރިވެސް އަޅުގަނޑުމެން މި ގޮވާލަނީ
ސުޕްރީމް ކޯޓުގެ އަމުރު ލިބިއްޖެ، އަމުރު ތަންފީޒުކުރުމަށް ފުރިހަމަ ކުރަންޖެހޭ އިޖުރާއަތްތައް ފުރިހަމަކުރުމުގެ މަސައްކަތް މިދަނީ ކުރަމުން
ކަލާފާނު ސްކޫލު ކައިރިން ބުރުޒު މަގުގައި ޕާކު ކޮށްފައި އޮތް ޓެކްސީއެއްގައި ރޯކޮށްލައިފި. ނަމަވެސް ކުޑަ ވަގުތުކޮޅެއްގެ ތެރޭގައި ފުލުހުންނާއި ފަޔަރ އެންޑް ރެސްކިއު ގުޅިގެން ވަނީ އަލިފާން ނިއްވާލާފައި.
ފުލުހުން ގެންދަނީ ބޮޑުތަކުރުފާނު މަގު ޗީބޯ ސަރަހައްދުގައި ތިބި މުޒާހަރާގެ ބައިވެރިން ފަހަތަށް ޖެއްސަމުން
ސުޕްރީމް ކޯޓުގެ އަމުރުގައި ވާ ކަންކަން ސާފު ކުރުމުގެ މަސައްކަތް އެބަ ކުރަން
ދިވެހި ރައްޔިތުންގެ ސަލާމަތާ ރައްކާތެރިކަން ކަށަވަރުކުރުމަށް އަޅަންޖެހުނު ކޮންމެ ފިޔަވަޅެއް އަޅާނަން
ބޮޑުތަކުރުފާނު މަގު ޗީބޯ ކައިރީ އިދިކޮޅު އިއްތިހާދުގެ ސަޕޯޓަރުން ވަނީ އެއްވެފައި
ސުޕްރީމް ކޯޓުގެ އަމުރު ލިބިއްޖެ. އަމުރު ތަންފީޒުކުރުމަށް ފުރިހަމަ ކުރަންޖެހޭ އިޖުރާއަތްތައް ފުރިހަމަކުރުމުގެ މަސައްކަތް ގާނޫނީ ލަފާގެ މަތިން މިދަނީ ކުރަމުން
ސުޕްރީމް ކޯޓުގެ ހުކުމް ތަންފީޒު ކުރަން ހުރަސްއަޅާ ފަރާތްތަކުގެ މައްސަލަ ހުށަހަޅަން އަޅުގަނޑުމެން މިތިބީ ތައްޔާރަށް
ބަންޑާރަ ނައިބްގެ މަސްއުލިއްޔަތުތަކާއި ޒިންމާތައް ނެގުމުގައި ފަރުވާ ކުޑަވެގެންނޭ މިއަދު މިގައުމު މިހާލަތަށް މިދިޔައީ. ރައީސް އަކީ ދިވެހިން އުއްމީދު ކުރި ވަރުގެ ރައީސް އެއް ނޫން. އަޅުގަނޑުމެން ތިބޭނީ ސާބިތުކަމާއެކު ރައްޔިތުންނަށްޓަކައި
މަޖިލިސް ހުޅުވާ ދުވަހު މަޖިލީހަށް ވަދެ، މަޖިލީހުގެ މަސައްކަތް ކުރުމަށް އެއްވެސް ހުރަހެއް ނެތް. މަޖިލީހުގެ ރައީސް މަސީހުއަށް ވެސް ދަންނަވާލަން ބޭނުންވަނީ އަޅުގަނޑުމެންގެ މަސައްކަތް ކުރުމުގެ ފުރުސަތު ދެއްވާށޭ.
އެމްޑީޕީ ހަރުގެ ސަރަހައްދުން މީހުންނާއި މީޑިއާތައް ފަހަތަށް ޖައްސައިފި
މަޖިލީހުގެ އަމީން އާންމު މަޖިލީހުގެ ގަވާއިދުތަކާ ހިލާފުވާނަމަ ވަކިކުރަން މަޖުބޫރު ވާނެ. އަދި އެންމެ ފުރަތަމަ އަޅުގަނޑުމެން ކުރާނެ ކަމަކީ ބަންޑާރަ ނައިބް އަނިލް މަގާމުން ވަކިކުރަން
ގާނޫނީ ވާޖިބު އަދާކުރުމަށް ރައްޔިތުން މަޖިލީހުގެ އެތެރޭގައި ކުރަންޖެހޭ މަސައްކަތްތަކަށް ހުރަސް ނޭޅުމަށް ގޮވާލަން
ކުރީގެ ރައީސް މައުމޫން އަބްދުލް ގައްޔޫމް ދަރިކަނބަލުން ޔުމްނާ މައުމޫންގެ ފިރިކަލުން މުހައްމަދު ނަދީމް ބަންދުން ދޫކޮށްލައިފި.
ސަރުކާރު ވައްޓާލަން އުޅުމުގެ ތުހުމަތުގައި ނަދީމް ހައްޔަރުކުރީ މިރޭގެ ވަގުތެއްގައި
އެމްޑީޕީ ހަރުގެތެރެއަށް ފުލުހުން ވަދެއްޖެ. އަދި އެ ސަރަހައްދުގައި ފުލުހުންނަށް ނުކިޔަމަންތެރިކަން ދައްކަމުންދާ ފަރާތްތައް ހައްޔަރުކުރަމުން ދަނީ.
އެމްޑީޕީ ހަރުގެ ސަރަހައްދަށް ކަރުނަގޭސް ޖަހައި، އެ ސަރަހައްދުގައި ތިބި އާންމުން ފަހަތަށް ޖައްސަމުން ފުލުހުން ދަނީ.
ހައުސިންގް މިނިސްޓަރު ޑރ. މުހައްމަދު މުއިއްޒު ކުރެއްވި ޓްވީޓެއްގައި ވިދާޅުވީ އިސްލާމް ދީނާ ގައުމުގެ ހައްގުގައި ރައީސް ޔާމީން ކުރައްވަމުން ގެންދަވާ މަސައްކަތަށް ނަސްރު ލިބޭނެ ކަމަށް. އަދި ރައްޔިތުންގެ ފުރިހަމަ ބައިވެރިވުމާއެކު އެމަސައްކަތް ކާމިޔާބު ވާނެ ކަމަށް މުއިއްޒު ވިދާޅުވި.
Islam dheenaa qaumuge haqqugai Raees Yameen kuravvamun gendhavaa ikhlaaastheri, hivvarugadha masakkai, rayyithunge furihama baiverivumaa eku kaamiyaab vaane. Haqqah nasru libigendhaane.
— Dr.Mohamed Muizzu (@MMuizzu) February 1, 2018
އެމްޑީޕީ ހަރުގެ ސަރަހައްދުގައި ތިބި މީހުންނާ ދިމާއަށް ފުލުހުން ކަރުނަގޭސް ޖަހައިފި.
އެމްޑީޕީ ހަރުގެ ސަރަހައްދުގައި ޝީލްޑާއެކު ފުލުހުން ހަރަކާތްތެރިވާން ފަށައިފި.
ފުލުހުން ދަނީ، ބޮޑުތަކުރުފާނު މަގު، ބީއެމްއެލް ސަރަހައްދުގައި ޝީލްޑާއެކު ހަރަކާތްތެރިވަމުން.
ރައީސް ޔާމީން މި ގައުމު ދޫކުރައްވައި ވަޑައިނުގަންނަވާނެ ކަމަށް ޕީޕީއެމްގެ ނައިބު ރައީސް އަބްދުއްރަހީމް އަބްދުﷲ ވިދާޅުވެއްޖެ
ރައީސް އޮފީސް އަދި ޖުމްހޫރީ މައިދާން ހިމެނޭ ސަރަހައްދު ވަނީ އެއްވެސް ވެހިކަލަކަށް އަދި އާންމުންނަށް ވެސް ނުވަދެވޭ ގޮތަށް ބަންދުކޮށްފައި.
މޯލްޑިވްސް ޕޮލިސް ސާރވިސް ހިންގެވުމާ މިވަގުތު ހަވާލުވެ ހުންނެވީ، ޑެޕިއުޓީ ކޮމިޝަނަރ އޮފް ޕޮލިސް އަހްމަދު ސައުދީ: ޕޮލިސް
Maldives Police Service mivaguthu hingevumaa havaaluve hunnevyy Deputy Commissioner of Police Ahmed Saudhy. https://t.co/8WH0GHizUM
— Maldives Police (@PoliceMv) February 1, 2018
ސުޕްރީމް ކޯޓުގެ އަމުރާ ގުޅިގެން ރައީސް މައުމޫނު ސިޔާސީ ލީޑަރުންނަށް މަރުހަބާ ވިދާޅުވެއްޖެ.
Congratulations President @MohamedNasheed Hon @qasimibrahim Hon @ShimranAb Hon @nazim7878 Hon @Ahmed_Adeeb Hon @muhuthaz MP @afarismaumoon on being acquitted & freed by Supreme Court tonight.
— Maumoon Abdul Gayoom (@maumoonagayoom) February 1, 2018
ރައްޔިތުންގެ މަޖިލީހުގެ ވެލިދޫ ދާއިރާގެ މެންބަރު ޔާމީން ރަޝީދު ވިދާޅުވީ، "އިރާދަކުރެއްވިއްޔާ މި ވެރިކަމަށް ލޮޅުމެއް ނާންނާނެ" ކަމަށް.
ﷲގެ ހެޔޮ ރަހްމަތާއެކު ރައީސް ޔާމީނާއެކު ސާބިތުކަމާއެކު ހުންނެވިކަމަށް އިކޮނޮމިކް މިނިސްޓަރ ސައީދު ވިދާޅުވެއްޖެ.
Allah ge Heyo Rakhmathaa eku, Raees Yamin aai eku Saabithuve Eba Hurin
ކުރިއަށްވުރެ ވަރުގަދަކޮށް ރައީސް ޔާމީނާއި ގައުމުގެ ރައްޔިތުންގެ ދިފާއުގައި ހުންނަވާނޭ ކަމަށް ޕީޕީއެމްގެ ސެކްރެޓަރީ ޖެނެރަލް އަބްދުﷲ ހަލީލް ވިދާޅުވެއްޖެ.
ކުރީގެ ރައީސް މުހައްމަދު ނަޝީދު ރާއްޖެ ވަޑައިގަންނަވާނޭކަމަށް ވިދާޅުވެއްޖެ.
ކަރެކްޝަންގެ ބެލުމުގެ ދަށުގައި ތިބި ސިޔާސީ ލީޑަރުން މިނިވަން ކުރުމުގެ މަސައްކަތް ކުރަމުންދާ ކަމަށް މައުލޫމާތު ލިބިއްޖެ. އެނގިފައިވާ ގޮތުގައި، ޖަލުތަކުގައި ތިބި ކުށްވެރިން މިރޭގެ ވަގުތެއްގައި މިނިވަން ކުރާނެ
ވަރަށް ސާބިތު ކަމާއެކު ރައީސް ޔާމީންގެ ފަހަތްޕުޅުގައި އެބަ ހުންނެވި ކަމަށް ޕީޕީއެމްގެ ނައިބް ރައީސް އަބްދުލް ރަހީމް އަބްދުﷲ (އަދުރޭ) ވިދާޅުވެއްޖެ.
Varah saabithu kamaa’eku Alhugadu mihuree RY ge fahaiypulhuga.
— Abdul Raheem Abdulla (@Banafsaa) February 1, 2018
ދިވެހި ދައުލަތުގެ ފަރާތުން ބާއްވާ ޕްރެސް ކޮންފަރެންސެއް އެމްއެންޑީއެފްގައި ބޭއްވުމަށް ތައްޔާރުވަމުން އެބަދޭ
ސުޕްރީމް ކޯޓުގެ އަމުރު ދަމަހައްޓާނޭ ކަމަށް މޯލްޑިވްސް ޕޮލިސް ސާރވިސް އިން ބުނެފި
MPS will uphold the Supreme Court’s Verdict #(2018/SC-SJ/01).
— Maldives Police (@PoliceMv) February 1, 2018
ސުޕްރީމް ކޯޓުން މިރޭ ކުރި ހުކުމަށް ތަބާވާން ފުލުހުން ނިންމައިފި ރަސްމީ ޓްވީޓާ އެކައުންޓް މެދުވެރިކޮށް ފުލުހުން ދާދި ދެންމެއަކު ބުނީ، މިރޭ ދިވެހިރާއްޖޭގެ ސުޕްރީމް ކޯޓުން ނެރުނު އަމުރަށް ތަބާވާން ކޮމިޝަނަރު އޮފް ޕޮލިސް އަދި ޑެޕިއުޓީ ކޮމިޝަނަރު އޮފް ޕޮލިސް ގާނޫނީ ލަފާ ހޯދުމަށްފަހު ނިންމަވައިފި ކަމަށް. އަދި އަމުރަށް އަމަލުކުރުމުގެ މަސައްކަތް ފުލުހުން ކުރަމުންދާ ކަމަށް އެ ޓްވީޓުގައި ބުނެފައިވޭ
Mirey Dhivehi Raajjeyge Supreme Courtun nerunu amurah thabaavaane kamah Commissioner of Police & Deputy Commissioner of Police qaanoony lafa hoadhumah fahu ninmavaifi. Adhi amurah amalukurumuge masahkai fuluhun dhany kuramun.
— Maldives Police (@PoliceMv) February 1, 2018
އޭގެ އިތުރުން ސުޕްރީމް ކޯޓުގެ އެއްވެސް ފަނޑިޔާރަކާ ބެހޭ އެއްވެސް މައްސަލައެއް ޖުޑިޝަލް ސާވިސް ކޮމިޝަން (ޖޭއެސްސީ) ނުބެލޭނެ ކަމަށްވެސް ސުޕްރީމް ކޯޓުގެ އަމުރުގައި ވަނީ ބުނެފައި.
ސުޕްރީމް ކޯޓުގެ އަމުރުގައި ވަނީ ޖުޑިޝަރީއާ ގުޅުން ހުރި ނިންމުންތަކެއްވެސް ނިންމަވާފައި. އެގޮތުން ކޯޓުތަކަށް ފަނޑިޔާރުން އައްޔަން ކުރުމުގެ މަސްއޫލިއްޔަތަކީ ސުޕްރީމް ކޯޓުގެ މަސްއޫލިއްޔަތަކަށް ވާތީ ސުޕްރީމް ކޯޓުގެ ހުއްދަ ލިބުމެއް ނެތި އެއްވެސް ކޯޓަކަށް ފަނޑިޔާރުން އައްޔަން ނުކުރުމަށް ވަނީ އަމުރު ކޮށްފައި.
ސުޕްރީމް ކޯޓުގެ އަމުރުގައި ވަނީ ޖުޑިޝަރީއާ ގުޅުން ހުރި ނިންމުންތަކެއްވެސް ނިންމަވާފައި. އެގޮތުން ކޯޓުތަކަށް ފަނޑިޔާރުން އައްޔަން ކުރުމުގެ މަސްއޫލިއްޔަތަކީ ސުޕްރީމް ކޯޓުގެ މަސްއޫލިއްޔަތަކަށް ވާތީ ސުޕްރީމް ކޯޓުގެ ހުއްދަ ލިބުމެއް ނެތި އެއްވެސް ކޯޓަކަށް ފަނޑިޔާރުން އައްޔަން ނުކުރުމަށް ވަނީ އަމުރު ކޮށްފައި.
ސުޕްރީމް ކޯޓުން އިއްވި ހުކުމަށް އިހްތިރާމް ކުރައްވައި އެކަން ތަންފީޒު ކުރެއްވުމަށް ރާއްޖޭގެ ދިފާއީ ބާރު، އެމްއެންޑީއެފް އަށާއި ފުލުހުންގެ އިދާރާއަށް ކުރީގެ ރައީސް މައުމޫން ގޮވާލައްވައިފި. މައުމޫން ދާދި ދެންމެއަކު ކުރެއްވި ޓްވީޓެއްގައި ވިދާޅުވީ، ސުޕްރީމް ކޯޓުގެ ހުކުމް ވަރަށް ސާފު ކަމަށާއި އެކަމާ ދެބަސްވެވޭނެ ކަމެއް ނެތް ކަމަށް. އަދި އެ ހުކުމް އެއްކޮށް ތަންފީޒު ކުރައްވަންޖެހޭނެ ކަމަށް ވިދާޅުވެފައިވޭ.
މަޖިލީހުގެ މެޖޯރިޓީ ލީޑަރު އަހުމަދު ނިހާން ހުސައިން މަނިކު ވިދާޅުވީ ސާބިތުވެ ހުރީ ރައީސް ޔާމީނާ އެކު ކަމަށް. ނިހާން އެހެން ވިދާޅުވީ ދާދި ދެންމެ ކުރެއްވި ޓްވީޓެއްގައި.
Allah ge Heyo Rakhmathaa eku, Raees Yamin aai eku Saabithuve Eba Hurin.
— Ahmed Nihan (@ahmed_nihan) February 1, 2018
ސުޕްރީމް ކޯޓުން އިއްވި ހުކުމާއި ގުޅިގެން ގާސިމްގެ މެސެޖް: "އަލްހަމްދުލިﷲ. ގާނޫނު އަސާސީ އާއި ގާނޫނުން ރައްޔިތުންނަށް ލިބިދޭ ހައްގުތަކާއި ރައްކާތެރިކަން ކަށަވަރުކޮށްދީ، ސިޔާސީ މަރުތަޅުން ގައުމު ސަލާމަތް ކުރުމަށް ސުޕްރީމް ކޯޓުން ސާބިތު ކަމާއެކު މިއަދު ތިޔަ ނިންމެވި ނިންމެވުމަށް ޝުކުރުވެރިކަމާއެކު އައްސަރިބަހާއި ސާބަސް ދަންނަވަން،"
ގޮނޑި ގެއްލިފައިވާ ކަމަށް އިލެކްޝަންސް ކޮމިޝަނުން ކަނޑައަޅާފައިވާ 12 މެންބަރެއްގެ ގޮނޑި ނުގެއްލޭކަމަށް، ސުޕްރީމް ކޯޓުން ނިންމުމާއި، ޖަލުގައި ހައްޔަރުކޮށްފައިވާ ސިޔާސީ ލީޑަރުންގެ މައްޗަށް އިއްވާފައިވާ ހުކުމްތައް ރިވިއުކުރުމަށް ސުޕްރީމް ކޯޓުން އެންގުމާ ގުޅިގެން، މިވަނީ އިދިކޮޅު ފަރާތްތަކުން މަގުތަކަށް ނުކުމެ އިހްތިޖާޖުކޮށް އުފާފާޅުކުރަން ފަށާފައި.
ގާނޫނީ ގޮތުން އުފެދިފައިވާ ސަރުކާރެއް ގާނޫނާ ހިލާފަށް ވައްޓާލަން އުލުމުގެ ތުހުމަތުގައި މިހާތަނަށް ހައްޔަރުކޮށްފައިވާ ފަރާތްތަކަކީ، މައުމޫން އަބްދުލް ގައްޔޫމް، އަބްދުﷲ ސައީދު، އަލީ ހަމީދު މުހައްމަދު، ހަސަން ސައީދު ހުސައިން، އަބްދުﷲ ސިނާން، އިލްހާމް އަހުމަދު، އިބްރާހިމް ސިޔާދު ގާސިމް، ފާތިމަތު ނާސިރާ، އަހުމަދު ފާރިސް މައުމޫން، ނަޖުމާ އިބްރާހިމް، މުހައްމަދު އަޒްމީ، މުހައްމަދު ނަދީމް، ސްރީލަންކާގެ ރައްޔިތެއް ކަމަށްވާ ބޮނިއާ ސުދާގަރު މިއީ މިވަގުތު ފުލުހުންގެ ބަންދުގައި ތިބި މައްސަލާގައި ސުވާލު ކުރަމުންދާ ފަރާތްތައް
ރާއްޖެއަށް ކުރިމަތިވެފައިވާ ސިޔާސީ ހަލަބޮލި ކަމުގައި ސިޔާސީ ބޭނުމެއް ހާސިލުކުރުމަށް އިދިކޮޅު ފަރާތްތަކުން ރާއްޖޭގެ ފަތުރުވެރިކަމަށް ގެއްލުންވާ ގޮތަށް ކުރަމުންދާ އެކިއެކި މަސައްކަތްތައް ކުށްވެރިކުރަން. އަދި އެކަންކަން ކުރާ ފަރާތްތައް ރާއްޖޭގައި ތިބިނަމަ ވަގުތުން ފިޔަވަޅު އެޅުމަށް ކަމާ ބެހޭ ފަރާތްތަކަށް ގޮވާލަން.
އުނދަގޫ ވަގުތުތަކުގައި އެންމެ މުހިންމު މީހުންނަކީ ރައްޔިތުން ކަމަށް ދެކޭ ވެރިންނަކީ ހަގީގީ ވެރިން
އިދިކޮޅު ސިޔާސީ ޕާޓީތަކުގެ ޖޮއިންޓް ޕާލަމެންޓްރީ ގްރޫޕުގެ ކުއްލި ބައްދަލުވުމެއް މިވަގުތު ކުރިޔަށްދާ ކަމަށް އިދިކޮޅު މަޖިލީސް މެމްބަރުން ވިދާޅުވޭ.
އަޅުގަނޑު މިހާރު މިދަނީ ފުލުހުން ބަލާ އައިމަ. އެމީހުން އަޅުގަނޑު ހައްޔަރުކޮށްގެން މި ގެންދަނީ. ކޮން ތުހުމަތެއްގައި ކަމެއް އަޅުގަނޑަކަށް ނޭނގޭ. އަޅުގަނޑު ހައްޔަރު ކުރާ ކަހަލަ ކަމެއް ކޮށްފައެއް ނޯންނާނެ. ހުރިހާ ބޭފުޅުންނަށް އެކަމުގެ ޔަގީންކަން އަރުވަން