ޔޫތު މިނިސްޓްރީގެ ކޯނޑިނޭޓަރުގެ މަގާމުގައި ހުންނެވި މުހައްމަދު މިމްރާހު އާއި ހުސައިން އަމީން އެ މަގާމުން ވަކިކޮށްފިއެވެ.
'ސަން' އަށް އެނގިފައިވާ ގޮތުގައި ޔޫތު މިނިސްޓަރު އިރުތިޝާމް އާދަމްގެ ސެކެރެޓަރީގެ މަގާމުގައި ހުންނެވި މިމްރަހު އާއި ކޯޑިނޭޓަރު އަމީން މަގާމުން ވަކިކޮށްފައިވަނީ އިއްޔެއެވެ. ސިޔާސީ މަގާމެއްގައި ހުރި އެ ދެ ބޭފުޅުން މަގާމުން ވަކިކޮށްފައިވަނީ ރައިސުލްޖުމްހޫރިއްޔާއެވެ.
މިމްރަހް އާއި އަމީން މަގާމުން ވަކިކުރެއްވުމުގެ ކުރިން އައީ ޔޫތް މިނިސްޓަރު އިރުތިޝާމްއާ ވަރަށް އަރިސްކޮށް މަސައްކަތް ކުރައްވަމުންނެވެ. އެ ދެ ބޭފުޅުން ވެސް މަގާމަށް އައްޔަނުކޮށްފައިވަނީ ރައީސް އަބްދުﷲ ޔާމީން އަބްދުލްޤައްޔޫމްގެ ފުރަތަމަ ޔޫތު މިނިސްޓަރު މުހައްމަދު މަލީހް ޖަމާލުގެ މިނިސްޓަރު ކަމުގައެވެ.