ތިލަފުށީގައި ބޮޑެތި ބޯޓުފަހަރު އެހެލާ ބާލަން ބޭނުންކުރާ ބޮޑު އެއާ ބެލޫންއެއް ފަޅައިގެންގޮސް ދެމީހަކަށް އަނިޔާވެއްޖެއެވެ.
ފުލުހުންގެ މީޑިއާ އޮފިޝަލް ވިދާޅުވީ އެ ހާދިސާ ރިޕޯޓްކޮށްފައިވަނީ މިއަދު ހަވީރު 05:21 ގައި ކަމަށެވެ.
ފުލުހުން ބުނީ އެ ހާދިސާގައި އަނިޔާވެފައިވަނީ ބަނގުލަދޭޝް ދެމީހަކަށް ކަމަށެވެ. އަދި އެ ދެމީހުން މާލެ ގެނައުމުގެ މަސައްކަތް މިހާރު ފަށައިފައިވާ ކަމަށްވެސް ފުލުހުން ބުންޏެވެ.
ފުލުހުން މިހާރު ދަނީ އެ މައްސަލަ އިތުރަށް ތަހުގީގްކުރަމުންނެވެ.