އެމްޑީޕީގެ ޓިކެޓްގައި ހިންނަވަރު ދާއިރާއަށް ވާދަ ކުރައްވާ ޖީހާން މަހްމޫދްގެ ކެމްޕެއިން ލޯންޗު ކުރަން ރޭ ދަރުބާރުގޭގައި ބޭއްވި ރަސްމިއްޔާތުގައި ރައީސް އިބްރާހިމް މުހައްމަދު ސޯލިހް ވިދާޅުވީ މި ސަރުކާރުން ކޮރަޕްޝަން ހުއްޓުވުމަށް ކުރެވެން ހުރި ހުރިހާ މަސައްކަތްތަކެއް ކުރާނެ ކަމަށެވެ. އެކަމާ ގުޅިގެން "ޒީރޯ ޓޮލަރެންސް ޓު ކޮރަޕްޝަން"ގެ ނަމުގައި ކެމްޕޭންއެއް ވެސް ރައީސް ވަނީ އިފްތިތާހްކޮށްދެއްވައިފަ އެވެ.
ރޭގެ ރަސްމިއްޔާތުގައި ރައީސް ވަނީ އޭސީސީގެ ރިޕޯޓްގައި ހުރި މީހުންގެ މައްސަލަތައް ތަހުގީގުކޮށް އެ މައްސަލަތައް ޝަރީއަތަށް ފޮނުވައި އެކަމުގައި ސީދާ ޝާމިލްވާ ފަރާތްތައް ހޯދައިދިނުމަށް އެ މުވައްސަސާއަށް ގޮވާލައްވައިފަ އެވެ.
އަދި އެމްއެމްޕީއާރުސީގެ ހިޔާނާތުގެ ރިޕޯޓް އެހާ ދުވަސްވަންދެން ހާމަ ނުކޮށް ބޭއްވި ސަބަބާ މެދު ވެސް ރައީސް ވަނީ ސުވާލު އުފައްދަވައިފަ އެވެ.
President Ibrahim Mohamed Solih @ibusolih showing in action that there is Zero Tolerance to Corruption in his Administration. ????https://t.co/5fsH4B4xPM
— Rishvan (@iamrishvan) February 14, 2019
ކޮރަޕްޝަނާ ދެކޮޅަށް ރައީސް ކުރަައްވަމުންގެންދަވާ މަސައްކަތްތަކަށް ގިނަ ބައެއްގެ ތައުރީފް ދަނީ ލިބެމުންނެވެ.
އެގޮތުން ޓުވިޓާ އަދި ފޭސްބުކުގައި ވެސް ގިނަ ބަަޔަކު ދަނީ ރައީސް ކުރައްވަމުންގެންދަވާ މަސައްކަތްތަކަށް ތައުރީފުކޮށް ޝުއޫރުތައް ބަޔާންކުރަމުންނެވެ.
Mahloof & Akram kamaaludhin ves sof dollars ganefa ovejjeiyya sof ge transaction ingothah dollars gannan rufiyaa deposit nuvatha transfer kuri statement haamakuranvee. Raees ge nimmun varah furihama.@ibusolih @FaisalNasym @adhy_007 @ahmedabhakeem @m0redu @MohamedNasheed
— Mohamed Abbas (@Mohamed8590) February 15, 2019
އޭސީސީ އިން އާންމުކުރި އެމްއެމްޕީއާރުސީގެ ހިޔާނާތުގެ ރިޕޯޓުގައި އެ ހިޔާނާތުގެ ފައިސާ ޔޫތު މިނިސްޓަރު އަހުމަދު މަހުލޫފާއި ޕްލޭނިން މިނިސްޓްރީގެ ސްޓޭޓް މިނިސްޓަރު އަކްރަމް ކަމާލުއްދީން، ދެ ބޭފުޅުންގެ އެކައުންޓަށް ޖަމާވެފައިވާތީވެ، އެ ދެ ބޭފުޅުންގެ މައްސަލަ ބަލައި ނިމެންދެން ގޭގައި މަޑުކުރުމަށް ވެސް ރައީސް ވަނީ އަންގަވައިފަ އެވެ.
އެކަމާ ގުޅިގެން ކުރީގެ ޖަސްޓިސް މިނިސްޓަރު މުހައްމަދު މުއިއްޒު އަދުނާން ކުރެއްވި ޓުވީޓެއްގައި ވިދާޅުވީ ރައީސް ސޯލިހްއަކީ ފިޔަވަޅު އެޅުމުގައި އެއްވެސް ފަސްނުޖެހުމެއް ނެތް ބޭފުޅެއް ކަމަށެވެ. އަދި މިއީ ކޮރަޕްޝަނާ ދެކޮޅަށް އެއްވެސް ގަލެއް ނުފޮރޮޅައި ނުބޭއްވުން ކަމަށް އޭނާ ވަނީ ސިފަކުރައްވައިފަ އެވެ.
Suspending ministers till the investigations are complete is a bold step. Zero Tolerance in action. Very few leaders,both in the past and the present,had the courage and tenacity to take such action. A decisive leader.
— Mohamed Muizz Adnan (@muizzadnan) February 14, 2019
“Ummeedhu ufadhdhaifiye Ummeedhuge Sirrun.”
"އެފަދަ ކެރޭ ރައީސްއަކު މީގެ ކުރިން ވެސް މިހާރު ވެސް ފެނިގެންދަނީ ވަރަށް މަދުން." އޭނާ ވިދާޅުވި އެވެ.
މުއިއްޒުއެކޭ އެއްމޭރުމަކުން ކުރީގެ ބަންޑާރަ ނައިބް ހުސްނުއް ސޫދު ވެސް ވަނީ ރައީސް ސޯލިހަށް ވަރަށް ބޮޑަށް ތައުރީފް ކުރައްވައިފަ އެވެ. އެގޮތުން ކޮރަޕްޝަންގެ މައްސަލައިގެ ތުހުމަތު ކުރެވޭ މަހުލޫފު ގޭގައި މަޑުކުރުމަށް އެންގުމުން އެކަމަށް ތައުރީފްކުރައްވައި އޭނާ ވިދާޅުވީ ރައީސް މަސައްކަތަށް ސާބަސް ދޭން ޖެހޭ ކަމަށެވެ.
Gadha! Mivaru rangalhu message eh mi gaumuge veriyakah mi garunugaives dhevifa eh neiy. Saabas Raees @ibusolih! https://t.co/LSOWKwjzwL
— Husnu Al Suood (@hsuood) February 14, 2019
"ގަދަ! މިވަރުގެ ރަނގަޅު މެސެޖެއް މި ގައުމުގެ ވެރިޔަށް މި ގަރުނުގައި ވެސް ދެވިފައެއް ނެތް." ސޫދު ވިދާޅުވި އެވެ.
ކޮރަޕްޝަނާ ދެކޮޅަށް ރައީސް ގެންގުޅުއްވާ ސިޔާސަތުތަކަށް ކުރީގެ ނާއިބު ރައީސް މުހައްމަދު ޖަމީލް ވެސް ވަނީ ތާއިދުކުރައްވައިފަ އެވެ. އެހެން ނަމަވެސް ޖަމީލު ވިދާޅުވީ ކޮރަޕްޝަނާ ދެކޮޅަށް އެމްއެމްޕީއާރުސީގެ މައްސަލައިން ހަމައެކަނި ނިންމާލެވެންނެތް ކަމަށެވެ. އަދި ފާއިތުވި އަހަރުތަކުގައި ކޮރަޕްޝަންގެ ބޮޑެތި ކަންތައްތަކެއް ހިންގަފައިވާ ކަަމަށް ޖަމީލް ވިދާޅުވި އެވެ.
Any deal done through MMPRC that didn’t benefit our people must be immediately terminated. While Prez @ibusolih’s swift action is a welcome sign, MMPRC corruption is just the tip of the iceberg; other major corrupt activities took place over the past years... 1/3
— Mohamed Jameel Ahmed (@MJameelAhmed) February 14, 2019
" އެމްއެމްޕީއާރުސީގެ ފައިސާ ބޭނުންކޮށްފައި އެބަހުރި ޑިމޮކްރެޓިކް އިންސްޓިޓިއުޝަންތައް ނައްތާލައި، ގާނޫނު އަސާސީ ބަދަލުކޮށް ނާއިބު ރައީސް މަގާމުން ދުރުކުރުމަށް ވެސް. އޭގެން ފައިސާ ލިބުނު މީހުން އަދިވެސް ސަރުކާރުގެ މަގާމުތަކުގައި އެބަތިބި." އޭނާ ވިދާޅުވި އެވެ.